ដោយ ៖ ស្ឥាងជ័យ
ខេត្តកណ្តាល ៖ នៅសាលប្រជុំស្នងការដ្ឋាននគរបាលខេត្តកណ្តាល នាព្រឹកថ្ងៃទី១០ ខែកញ្ញា ឆ្នាំ២០១២មានរៀបចំពិធីប្រជុំបូកសរុបសភាពការណ៍ និងលទ្ធផលការងារប្រចាំខែសីហា និងលើកទិសដៅសម្រាប់អនុវត្តការងារខែកញ្ញា ឆ្នាំ២០១២ ក្រោមអធិបតីភាពលោកឧត្តមសេនីយ៍ត្រីអ៊ាវ ចំរើន ស្នងការនគរបាលខេត្តកណ្តាល និងមានការអញ្ជើញចូលរួមពីលោកស្នងការរងនគរបាលគ្រប់ផែន ប្រធានការិយាល័យគ្រប់ផែន អធិការនគរបាលទាំង១១ស្រុក ក្រុង ព្រមទាំងនាយប៉ុស្តិ៍នគរបាលជាច្រើនរូបទៀត។
លោក ចាន់ សាវឿន ស្នងការរងបានឡើងអានរបាយការណ៍ សភាពការណ៍សន្តិសុខ និង កិច្ចប្រតិបត្តិការប្រចាំខែសីហា ឆ្នាំ២០១២ ថា បទល្មើសព្រហ្មទណ្ឌកើតមាន២២លើក លើ២៦លើក ក្នុងនោះបទល្មើសឧក្រិដ្ឋកើតមានឡើងចំនួន៥លើក លើ២លើក និងបទល្មើសមជ្ឈឹមកើតមានឡើងចំនួន១៧លើក លើ២៤លើក ។ បទល្មើលព្រហ្មទណ្ឌដែលបានកើតមានឡើងនៅខែសីហា មានចំនួន២២លើក បើប្រៀបធៀបទៅនិងខែកក្កដា ឆ្នាំ២០១២ បទល្មើសព្រហ្មទណ្ឌមានការថយចុះចំនួន៤លើក។ ជាមួយគ្នានោះដែរនោខែសីហា ឆ្នាំ២០១២ ការិយាល័យប្រឆាំងគ្រឿងញៀនបានធ្វើការបង្ក្រាបបានបទល្មើសគ្រឿងញៀនចំនួន៥លើក ឃាត់ខ្លួនជនសង្ស័យ១២នាក់ ចាប់យកវត្ថុតាងថ្នាំញៀនប្រភេទមេតំហ្វេតាមីនបានទម្ងន់២.២ ក្រាម ផងដែរ ។ ដោយឡែកករណីគ្រោះថ្នាក់ចរាចរប្រចាំខែសីហា បានកើតមានឡើងចំនួន១៤លើក លើ២១លើក មានការថយចុះ៧លើក បណ្តាលឲ្យមនុស្សស្លាប់ចំនួន១១នាក់ រងរបួសធ្ងន់ចំនួន៦នាក់និងរបួសស្រាល១០នាក់ ព្រមទាំងបានធ្វើឲ្យខូចខាតរថយន្ត៨គ្រឿង ម៉ូតូ១៥គ្រឿងផងដែរ។
ក្នុងកិច្ចប្រជុំនាឱកាសនោះដែរលោកស្នងការនគរបាលខេត្ត ក៍បានឲ្យនករបាលដែលចូលរួមប្រជុំធ្វើការជជែកពិភាក្សាផ្តល់បទពិសោធន៍ល្អៗ ឲ្យគ្នាទៅវិញទៅមកទាក់ទិន និង ការគ្រប់គ្រងរដ្ឋបាលក្នុងមូលដ្ឋានរបស់ខ្លួន ដើម្បីងាស្រួលក្នុងការកំណត់មុខសញ្ញាជនសង្ស័យដែលមានស្រាប់នៅក្នុងមូលដ្ឋាន ក៍ដូចជាមុខសញ្ញាផ្សេងៗដែលមកស្នាក់នៅ។
លោកឧត្តមសេនីយ៍ត្រី អ៊ាវ ចំរើន ស្នងការនករាបលខេត្តកណ្តាលបានថ្លែងនៅក្នុងកិច្ចប្រជុំនោះថា បើទោះបីជាបទល្មើសព្រហ្មទណ្ឌមានការថយចុះ ក៍ពិតមែនក្នុងខែសីហាកន្លងមក លោកក៍បានធ្វើការក្រើនរំលឹកដល់មន្ត្រីនគរបាលទាំងអស់ ពិសេសនាយប៉ុស្តិ៍នគរបាលរដ្ឋបាល និង លោកអធិការនគរបាលស្រុកត្រូវខឹតខំយកចិត្តទុកដាក់ក្នុងការបង្ការទប់ស្កាត់ និងបង្ក្រាប់បទល្មើសនៅក្នុងមូលដ្ឋានរបស់ខ្លួនឲ្យមានការថយចុះបន្តទៀត ប្រយោជន៍ដើម្បីរក្សាសន្តិសុខសណ្តាប់ធ្នាប់ចូនដល់បងប្អូនប្រជាពលរដ្ឋ។
លោកស្នងការ ក៍បានសង្កត់ធ្ងន់ដែរថា គ្រប់អធិការ និងនាយប៉ុស្តិ៍ទាំងអស់ដែលនៅតាមទីប្រជុំជននិងតំបន់ព្រំប្រទល់រដ្ឋបាលត្រួតស៊ីគ្នា ត្រូវខឹតខំយកចិត្តទុកដាក់ពង្រឹងសន្តិសុខសណ្តាប់ធ្នាប់ឲ្យបានម៉ដ្ឋចត់បំផុត ព្រោះបទល្មើសផ្សេងៗច្រើនតែកើតមានឡើងនៅតំបន់នោះ។
លោកស្នងការក៍បានជម្រុញឲ្យមន្ត្រីនគរបាលទាំងអស់ទៅពិនិត្យបញ្ជីចុះឈ្មោះបោះឆ្នោតឲ្យបានគ្រប់ៗគ្នា។ជាមួយគ្នានោះដែរលោកឧត្តសេនីយ៍ត្រី អ៊ាវ ចំរើន បានប្រគល់សៀវភៅ អត្ថបទគោលរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា សម្រាប់អធិបាយ ផ្តល់ការបំភ្លឺស្តីពីការងារបោះបង្គោលខណ្ឌសីមាព្រំដែនគោកនិងកំណត់ព្រំដែនសមុទ្រ ព្រះរាជាណាចក្រកម្ពុជា និងរាធារណរដ្ឋសង្គមនិយមវៀតណាម ចំនួន១៩១ក្បាល់ ដល់អធិការនគរបាលស្រុក ក្រុង ទាំង១១ និងនាយប៉ុស្តិ៍ ដើម្បីយកទៅមើលខ្លឹមសារដ៍មានសារសំខាន់របស់សម្តេចតេជោ ដែលបានបកស្រាយកាលពីថ្ងៃទី៩ ខែសីហា ឆ្នាំ២០១២កន្លងទៅ ប្រយោជន៍ដើម្បីកុំឲ្យគេភូតកុហក់យើងបាន៕