ដោយ ៖ យឹម សុថាន
ខេត្ដស្វាយរៀង ៖ កាលពីព្រឹកថ្ងៃទី៦ ខែកញ្ញា ឆ្នាំ២០១២ នៅសាលប្រជុំសាខាកាកបាទក្រហមកម្ពុជាខេត្ដស្វាយរៀង លោកឧត្ដមសេនីយ៍ឯកសូរ ផន អនុរដ្ឋលេខាធិការក្រសួងមហាផ្ទៃនិងជា ប្រធានគណៈកម្មាធិការសម្របសម្រួល អនុវត្ដគម្រោង FSP មេគង្គបានអញ្ជើញ ជាអធិបតីក្នុងពិធីបើកសិក្ខាសាលាបណ្ដុះ បណ្ដាលស្ដីពីការពង្រឹងសមត្ថភាពសមា ជិកគណៈកម្មាធិការអន្ដរក្រសួងដើម្បី ស្រាវជ្រាវស៊ើបអង្កេតផលិតផលក្លែង ក្លាយដែលមានហានិភ័យខ្ពស់ដល់សុខ ភាពនិងសុវត្ថិភាពកម្ពុជា។
លោកឧត្ដមសេនីយ៍ឯក សូរ ផន បាន មានមតិសំណេះសំណាលដល់សិក្ខាកាម និងសូមថ្លែងអំណរគុណចំពោះសាធារណ រដ្ឋបារាំងដែលបានជួយឧបត្ថម្ភជាថវិកា និងផ្ដល់ជាគម្រោងដល់សក្ខាសាលានេះ ទទួលបានជោគជ័យ ដោយផ្អែកតាម អនុសញ្ញាសហប្រតិបត្ដិការរវាងក្រសួង ការបរទេសបារាំង-កម្ពុជាក្នុងឆ្នាំ២០១០ ខណៈអនុវត្ដគម្រោង FSP មេគង្គរយៈ ពេល៣ឆ្នាំ “២០១០-២០១២” ដោយ ផ្ដោតការយកចិត្ដទុកដាក់អនុវត្ដភារកិច្ច ចាំបាច់និងជាចម្បងថែរក្សាដល់សុខ ភាពប្រជាពលរដ្ឋ។
លោកសូរ ផន បន្ដថា នៅក្នុងដំណើរ ការទៅមុខបន្ដទៀត យើងត្រូវការចុះ អនុវត្ដផ្ទាល់ក្នុងការទប់ស្កាត់រាល់បទ ល្មើសផលិតផលក្លែងក្លាយផ្សេងៗដើម្បី ការពារសុខភាពនិងសុវត្ថិភាពដល់ប្រជា ពលរដ្ឋទូទៅក្នុងដំណាក់កាលនៃការវិវត្ដ និងការរីកចម្រើនរបស់ប្រទេសជាតិនា ពេលបច្ចុប្បន្ន។
លោកសូរ ផន បន្ដទៀតថា តាងនាម ជាតំណាងឱ្យឧបនាយករដ្ឋមន្ដ្រី ស ខេង និងជារដ្ឋមន្ដ្រីក្រសួងមហាផ្ទៃនឹងស្នើសុំ ដល់បណ្ដាស្ថាប័នពាក់ព័ន្ធទាំងអស់នៅ ពេលមានការចុះបង្ក្រាបជាក់ស្ដែងនិង សូមធ្វើកំណត់ហេតុជារួមក្នុងនាមស្ថាប័នពាក់ព័ន្ធដើម្បីឱ្យមានភាពងាយស្រួល និងទទួលភាពជោគជ័យរាល់ភារកិច្ចក្នុង ការបង្ក្រាបយកជនល្មើសដាក់ទោស តាមច្បាប់និងសំណូមពរពេលចុះបង្ក្រាប ម្ដងៗដើម្បីរក្សាប្រសិទ្ធភាពនៃការងារ ឱ្យបានខ្ពស់ផងដែរ។
លោកសូរ ផន ក៏បានឱ្យដឹងពីឱសថ ពិតត្រូវមានលក្ខណៈ៣យ៉ាងគឺ ១-ត្រូវ ធានាពិតប្រាកដថាមិនមានគ្រោះថ្នាក់ ដល់សុខភាព, ២-ត្រូវមានគុណភាពល្អ គឺផ្សំដោយវត្ថុធាតុដើមត្រឹមត្រូវតាម លក្ខណៈបច្ចេកទេសនិងបានទទួលការ ត្រួតពិនិត្យពីក្រសួងស្ថាប័នជំនាញ, ទី៣- ត្រូវមានប្រសិទ្ធភាពអាចព្យាបាលជំងឺ ដោយឱសថនោះមានសារធាតុសកម្ម សមស្រប។
ពិសេសត្រូវត្រួតពិនិិត្យនៅតាម ឱសថស្ថាននានាដើម្បីស្វែងរកឱសថ ក្លែងក្លាយត្រូវធ្វើដូចភ្លៀងរលឹមហើយ គោលបំណងសំខាន់របស់អង្គសិក្ខា សាលាគឺផ្ដោតទៅលើបញ្ហាប្រឈមទាំង ឡាយដែលគំរាមកំហែងដល់សមត្ថ ភាពរបស់សមត្ថកិច្ចយើងដែលមាន តួនាទីជាប្រព័ន្ធក្នុងការបង្ក្រាបសកម្ម ភាពលួចនាំចូលនិងលក់ចែកចាយថ្នាំ ពេទ្យ ក្នុងប្រទេសដោយអាចបញ្ជៀស ផុតពីការត្រួតពិនិត្យរបស់សមត្ថកិច្ច ជំនាញកម្ពុជា “ត្រួតពិនិត្យ អាជ្ញាប័ណ្ណនាំចូល ពន្ធគយ កម្មសិទ្ធិបញ្ញា គុណភាព” ផងដែរ ៕
.jpg)