នៅថ្ងៃទី៣ ខែតុលា ឆ្នាំ២០១២ ក្រុមប្រឹក្សាសេដ្ឋកិច្ច សង្គមកិច្ច និងវប្បធម៌ និងធនាគារអភិវឌ្ឍន៍អាស៊ី (ADB) តាមរយៈក្រុមទីប្រឹក្សាPOHL បានរៀបចំសិក្ខាសាលាផ្សព្វផ្សាយគម្រោងវិភាគលើផលប៉ះពាល់នៃលិខិតបទដ្ឋានគតិយុត្ត នៅសណ្ឋាគារសូហ្វីតែល ភូគីត្រា ភ្នំពេញ។ នៅពេលរសៀល ឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្រ្តី នឹងធ្វើជាអធិបតីក្នុងពិធីបិទអង្គសិក្ខាសាលា ហើយឯកឧត្តម យឹម ណុលឡា ទេសរដ្ឋមន្រ្តីទទួលបន្ទុកបេសកកម្មពិសេស និងជាប្រធានក្រុមប្រឹក្សាសេដ្ឋកិច្ច សង្គមកិច្ច និងវប្បធម៌ (ECOSOCC) នឹងធ្វើជាអធិបតីក្នុងពិធីបើកអង្គសិក្ខាសាលានេះ។
វាគ្មិននៅក្នុងព្រឹត្តិការណ៍ពេញមួយថ្ងៃនេះ រួមមានឯកឧត្តម យឹម ណុលសន អនុប្រធាន (ECOSOCC) និងជានាយកគម្រោងRIA លោកជំទាវ ស៊ីហ្គេកូ ហាថូរី (Shigeko Hattori) នាយក ផ្នែក គ្រប់គ្រងសាធារណៈ វិស័យហិរញ្ញវត្ថុ និងពាណិជ្ជកម្ម ប្រចាំ តំបន់ អាស៊ី អាគ្នេយ៍ របស់ធនាគារអភិវឌ្ឍន៍អាស៊ី លោកបណ្ឌិត ខេលី បឺត (Dr. Kelly Bird) ឧត្តមសេដ្ឋវិទូរបស់ធនាគារអភិវឌ្ឍន៍អាស៊ី ប្រធានគ្រប់គ្រងគម្រោងRIA លោក សាបេស ស៊ីវ៉ាសាបេសាន (Sabesh Shivasabesan) ប្រធានក្រុមទីប្រឹក្សាក្រុមហ៊ុនPOHL លោក រូបឺត ខឺរ (Robert Kerr) អ្នកឯកទេស RIA នៅអូស្រ្តាលី បណ្ឌិត ង្វៀន ដីញខុង (Nguyen Dinh Cung) អ្នកឯកទេសRIAនៅវៀតណាម និងមានវាគ្មិនមកពីក្រសួងពាក់ព័ន្ធមួយចំនួនទៀត។
ការវាយតម្លៃលើផលប៉ះពាល់នៃលិខិតបទដ្ឋានគតិយុត្ត(RIA) ជាការវិភាគមានលក្ខណៈជាប្រព័ន្ធលើសំណើបញ្ញត្តិកម្ម វាជាឧបករណ៍ ឬវិធីសាស្រ្ត ដែលត្រូវបានប្រើប្រាស់សម្រាប់ការតាក់តែងបញ្ញត្តិកម្មឲ្យបានល្អ ដែលលើកកំពស់ប្រសិទ្ធភាពបញ្ញត្តិកម្ម និងគោលនយោបាយប្រកួតប្រជែង។ ការវិភាគនេះ ក៏ធ្វើឲ្យប្រសើរឡើងផងដែរនូវតម្លាភាព និងអភិបាលកិច្ចល្អ។ នៅប្រទេសកម្ពុជា RIA អាស្រ័យលើការវិភាគដោយផ្អែកលើសុភវិនិច្ឆ័យ និងកិច្ចពិគ្រោះយោបល់ជាមួយភាគីពាក់ព័ន្ធ។ RIA ក៏ជាឯកសារដែលកត់ត្រាពីលទ្ធផលនៃដំណើរការវិភាគផងដែរ។
គម្រោង RIA ទទួលហិរញ្ញប្បទានឥតសំណងពីធនាគារអភិវឌ្ឍន៍អាស៊ី ហើយគម្រោងនេះគឺជាផ្នែកមួយនៃកម្មវិធីជំរុញពិពិធកម្មសេដ្ឋកិច្ច ”Promoting Economic Diversification” (PED) របស់ធនាគារអភិវឌ្ឍន៍អាស៊ី។ កម្មវិធីជំរុញពិពិធកម្មសេដ្ឋកិច្ច គាំទ្រដល់អាទិភាពកំណែទម្រង់សំខាន់ៗរបស់រាជរដ្ឋាភិបាល ដែលមានបំណងធ្វើពិពិធភាពនៃប្រភពកំណើនសេដ្ឋកិច្ច។
ECOSOCC ជាអង្គភាពចំណុះទីស្តីការគណៈរដ្ឋមន្រ្តី និងជាទីភ្នាក់ងារប្រតិបត្តិគម្រោងនេះ។ ដោយ មានក្រុមការងារអនុវត្តគម្រោងRIAគម្រោងវិភាគលើផលប៉ះពាល់នៃលិខិតបទដ្ឋានគតិយុត្ត (ORIA) ជាទីភ្នាក់ងារត្រួតពិនិត្យគម្រោងដែលត្រូវបានបង្កើតឡើងនៅក្នុង ECOSOCC។ ក្រសួងពាក់ព័ន្ធចំនួន បួនរួមមានក្រសួងពាណិជ្ជកម្ម ក្រសួងបរិស្ថាន ក្រសួងឧស្សាហកម្ម រ៉ែ និងថាមពល និងក្រសួងទេសចរណ៍ បានចូលរួមក្នុងគម្រោងនេះជាទីភ្នាក់ងារអនុវត្ត។
គម្រោងRIA បាននិងកំពុងមានការរីកចម្រើនគួរឲ្យកត់សម្គាល់ ចាប់តាំងពីពេលចាប់ផ្តើមគម្រោងមកម្ល៉េះ។ របាយការណ៍ចាប់ផ្តើមគម្រោងដែលបង្ហាញពីផែនការសម្រាប់ការអនុវត្តគម្រោងRIA ត្រូវបានបោះពុម្ពផ្សាយនៅខែធ្នូ ឆ្នាំ២០១១។ អំពីការវាយតម្លៃលើផលប៉ះពាល់នៃលិខិតបទដ្ឋានគតិយុត្តនៅកម្ពុជា ទម្រង់វាយតម្លៃបឋម(PA) និងបញ្ជីត្រួតពិនិត្យ(checklist) បានបោះពុម្ពផ្សាយទាំងជាភាសាអង់គ្លេស និងភាសាខ្មែរ នៅពាក់កណ្តាលឆ្នាំ២០១២ នេះ។
សំណើបញ្ញត្តិកម្មមួយចំនួន ត្រូវបានយកមកវិភាគតាមវិធីសាស្ត្រRIA។ ប្រធានទីភ្នាក់ងារអនុវត្ត គម្រោងនីមួយៗ នឹងធ្វើបទបង្ហាញពីការងារវិភាគរបស់ពួកគាត់នាពេលរសៀលនៃពិធីផ្សព្វផ្សាយនេះ។ ហើយបន្ទាប់មកនឹងមានកិច្ចពិភាក្សាផ្លាស់ប្តូរយោបល់ផងដែរ។ ហើយនៅចុងបញ្ចប់នៃពិធីផ្សព្វផ្សាយនេះ នឹងមានការបូកសរុបលទ្ធផលនៃអង្គសិក្ខាសាលាដោយឯកឧត្តម យឹម ណុលសន ព្រមទាំងចំណាប់អារម្មណ៍របស់ឯកឧត្តម Eric Sidgwick និងបន្ទាប់មកមានសន្ទរកថាបិទអង្គសិក្ខាសាលាដោយ២០១២ ឯកឧត្តមបណ្ឌិតសភាចារ្យ សុខ អាន ។
នាពេលអនាគតដ៏ខ្លីខាងមុខនេះ គម្រោងRIAនឹងរៀបចំឲ្យមានសកម្មភាពផ្សព្វផ្សាយនៅតាមគ្រឹះស្ថានជាន់ខ្ពស់មួយចំនួនទៀត ដើម្បីបញ្រ្ជាបទស្សនទាន RIA ។
ការវាយតម្លៃលើផលប៉ះពាល់នៃលិខិតបទដ្ឋានគតិយុត្ត(RIA) ជាការវិភាគមានលក្ខណៈជាប្រព័ន្ធលើសំណើបញ្ញត្តិកម្ម វាជាឧបករណ៍ ឬវិធីសាស្រ្ត ដែលត្រូវបានប្រើប្រាស់សម្រាប់ការតាក់តែងបញ្ញត្តិកម្មឲ្យបានល្អ ដែលលើកកំពស់ប្រសិទ្ធភាពបញ្ញត្តិកម្ម និងគោលនយោបាយប្រកួតប្រជែង។ ការវិភាគនេះ ក៏ធ្វើឲ្យប្រសើរឡើងផងដែរនូវតម្លាភាព និងអភិបាលកិច្ចល្អ។ នៅប្រទេសកម្ពុជា RIA អាស្រ័យលើការវិភាគដោយផ្អែកលើសុភវិនិច្ឆ័យ និងកិច្ចពិគ្រោះយោបល់ជាមួយភាគីពាក់ព័ន្ធ។ RIA ក៏ជាឯកសារដែលកត់ត្រាពីលទ្ធផលនៃដំណើរការវិភាគផងដែរ។
គម្រោង RIA ទទួលហិរញ្ញប្បទានឥតសំណងពីធនាគារអភិវឌ្ឍន៍អាស៊ី ហើយគម្រោងនេះគឺជាផ្នែកមួយនៃកម្មវិធីជំរុញពិពិធកម្មសេដ្ឋកិច្ច ”Promoting Economic Diversification” (PED) របស់ធនាគារអភិវឌ្ឍន៍អាស៊ី។ កម្មវិធីជំរុញពិពិធកម្មសេដ្ឋកិច្ច គាំទ្រដល់អាទិភាពកំណែទម្រង់សំខាន់ៗរបស់រាជរដ្ឋាភិបាល ដែលមានបំណងធ្វើពិពិធភាពនៃប្រភពកំណើនសេដ្ឋកិច្ច។
ECOSOCC ជាអង្គភាពចំណុះទីស្តីការគណៈរដ្ឋមន្រ្តី និងជាទីភ្នាក់ងារប្រតិបត្តិគម្រោងនេះ។ ដោយ មានក្រុមការងារអនុវត្តគម្រោងRIAគម្រោងវិភាគលើផលប៉ះពាល់នៃលិខិតបទដ្ឋានគតិយុត្ត (ORIA) ជាទីភ្នាក់ងារត្រួតពិនិត្យគម្រោងដែលត្រូវបានបង្កើតឡើងនៅក្នុង ECOSOCC។ ក្រសួងពាក់ព័ន្ធចំនួន បួនរួមមានក្រសួងពាណិជ្ជកម្ម ក្រសួងបរិស្ថាន ក្រសួងឧស្សាហកម្ម រ៉ែ និងថាមពល និងក្រសួងទេសចរណ៍ បានចូលរួមក្នុងគម្រោងនេះជាទីភ្នាក់ងារអនុវត្ត។
គម្រោងRIA បាននិងកំពុងមានការរីកចម្រើនគួរឲ្យកត់សម្គាល់ ចាប់តាំងពីពេលចាប់ផ្តើមគម្រោងមកម្ល៉េះ។ របាយការណ៍ចាប់ផ្តើមគម្រោងដែលបង្ហាញពីផែនការសម្រាប់ការអនុវត្តគម្រោងRIA ត្រូវបានបោះពុម្ពផ្សាយនៅខែធ្នូ ឆ្នាំ២០១១។ អំពីការវាយតម្លៃលើផលប៉ះពាល់នៃលិខិតបទដ្ឋានគតិយុត្តនៅកម្ពុជា ទម្រង់វាយតម្លៃបឋម(PA) និងបញ្ជីត្រួតពិនិត្យ(checklist) បានបោះពុម្ពផ្សាយទាំងជាភាសាអង់គ្លេស និងភាសាខ្មែរ នៅពាក់កណ្តាលឆ្នាំ២០១២ នេះ។
សំណើបញ្ញត្តិកម្មមួយចំនួន ត្រូវបានយកមកវិភាគតាមវិធីសាស្ត្រRIA។ ប្រធានទីភ្នាក់ងារអនុវត្ត គម្រោងនីមួយៗ នឹងធ្វើបទបង្ហាញពីការងារវិភាគរបស់ពួកគាត់នាពេលរសៀលនៃពិធីផ្សព្វផ្សាយនេះ។ ហើយបន្ទាប់មកនឹងមានកិច្ចពិភាក្សាផ្លាស់ប្តូរយោបល់ផងដែរ។ ហើយនៅចុងបញ្ចប់នៃពិធីផ្សព្វផ្សាយនេះ នឹងមានការបូកសរុបលទ្ធផលនៃអង្គសិក្ខាសាលាដោយឯកឧត្តម យឹម ណុលសន ព្រមទាំងចំណាប់អារម្មណ៍របស់ឯកឧត្តម Eric Sidgwick និងបន្ទាប់មកមានសន្ទរកថាបិទអង្គសិក្ខាសាលាដោយ២០១២ ឯកឧត្តមបណ្ឌិតសភាចារ្យ សុខ អាន ។
នាពេលអនាគតដ៏ខ្លីខាងមុខនេះ គម្រោងRIAនឹងរៀបចំឲ្យមានសកម្មភាពផ្សព្វផ្សាយនៅតាមគ្រឹះស្ថានជាន់ខ្ពស់មួយចំនួនទៀត ដើម្បីបញ្រ្ជាបទស្សនទាន RIA ។