អាជ្ញាធរសន្តិសុខសាធារណៈមូលដ្ឋានចិនរាយការណ៍ថាការល្បាតរួមគ្នាថ្មីមួយរៀបចំឡើងដោយប្រទេសចិន ឡាវ មីយ៉ាន់ម៉ា និងថៃបានចាប់ផ្តើមកាលពីថ្ងៃទី៦សីហាតាមដងទន្លេមេគង្គ។ នេះជាការល្បាតប្រភេទនោះលើកទី៥ហើយចាប់តាំងពីខែធ្នូមក ។ កងនាវាល្បាតបានចាកចេញពីកំពង់ផែភាគនិរតីចិននាវេលាម៉ោង៦និង៣០នាទីព្រឹក ។
យោងតាមសេចក្តីប្រកាសមួយចេញផ្សាយក្រោយកិច្ចប្រជុំមួយរបស់មេបញ្ជាការនៃប្រទេសទាំង៤កាលពីថ្ងៃទី៥សីហាថា ការល្បាតរួមគ្នានិងកិច្ចសហប្រតិបត្តិការដែលបានពង្រឹងអាចថែរក្សាប្រកបដោយប្រសិទ្ធភាពនូវស្ថេរភាព និងសន្តិសុខនៃការធ្វើនាវាចរណ៍តាមដងទន្លេមេគង្គ ។
មន្ត្រីជាន់ខ្ពស់របស់រដ្ឋាភិបាលនៃប្រទេសទាំង៤បានជួបពិភាក្សាគ្នានៅក្រុងប៉េកាំងកាលពីខែតុលាកន្លងមកនេះហើយបានព្រមព្រៀងចាត់នូវវិធានការរួមទាំងឡាយដើម្បីតស៊ូប្រឆាំងបទឧក្រិដ្ឋឆ្លងកាត់ព្រំដែនហើយធានាសន្តិសុខនៃការដឹកជញ្ជូនតាមដងទន្លេមេគង្គ ។
កាលពីខែឧសភា កន្លងមកនេះ ជនឈ្មោះណាវខាម ជាមេរត់ពន្ធគ្រឿងញៀនសង្ស័យថារៀបចំការវាយប្រហារមួយប្រឆាំងពួកនាវិកចិនបានត្រូវចាប់ខ្លួនហើយបញ្ជូនទៅកាន់ក្រុងប៉េកាំង ៕