ក្រុមមន្រ្តី អន្តរក្រសួង និងអង្គការក្រៅរដ្ឋាភិបាល ដែលមានការជាប់ពាក់ព័ន្ធទៅនឹង ការ ជួញដូរមនុស្សបានធ្វើការជួបប្រជុំពិភាក្សាគ្នា ដើម្បីទប់ស្កាត់ការ ជួញដូរមនុស្សដែល កើត មានឡើងនៅ សង្គមកម្ពុជា នាពេលបច្ចុប្បន្ន។ នៅក្នុងកិច្ចប្រជុំក្រុមការងារទាំង៦ របស់ លេខាធិការដ្ឋាន ប្រយុទ្ឋប្រឆាំងការជួញដូរមនុស្ស ដែលមាន ការចូលរួម ពីតំណាង ក្រសួងមហាផ្ទៃក្រសួងការបរទេស ក្រសួងកិច្ចការនារី ក្រសួងទេសចរណ៍ និង អង្គការក្រៅ រដ្ឋាភិបាលដែលបានរៀបចំឡើងនាសណ្ឋាគារ អឹមភើរៀល ។
លោកស្រី ជូ ប៊ុនអេង រដ្ឋលេខធិការក្រសួងមហាផ្ទៃ មានប្រសាសន៍ក្នុងកិច្ចប្រជុំនោះថាកិច្ចប្រជុំដែល ប្រព្រឹត្តឡើងនាពេលនេះ ដើម្បីរៀបចំចងក្រងឯកសារ ផែនការ សម្រាប់ អនុវត្តសកម្មភាព ជាតិឆ្នាំ ២០១១-២០១៣ ដោយគ្រប់ភាគីពាក់ព័ន្ធ ត្រូវចាំបាច់តាក់តែង ឡើងឲ្យទៅ ជាសកម្មភាពជាក់ស្តែង ធ្វើយ៉ាងណាទប់ស្កាត់ ក៏ដូចជាការបង្ក្រាប ការជួញដូរមនុស្ស ដែលបាន និងកំពុងកើតមានឡើង នៅ កម្ពុជានាពេលនេះ។ អ្នកស្រី បន្តថា «ការជួញ ដូរមនុស្សនាពេលបច្ចុប្បន្ន ស្ថិតនៅក្រោមរូបភាពសំខាន់ ពិសេសនោះ គឺរូបភាព ជាទេសន្ត ប្រវេសន៍ (ចំណាកស្រុក) ហើយយើងក៏ បានធ្វើសញ្ចារកម្ម (ជួញដូរផ្លូវភេទ) តាមរយៈទេសចរណ៍ផ្លូវភេទ ក៏ដូចជាការបើកអាជីវកម្ម ផ្សេងៗ»។ លោកស្រីរដ្ឋលេខាធិការ បន្ថែមថាកម្ពុជាមានក្តីកង្វល់ជាខ្លាំងចំពោះ ចំណាក ស្រុក របស់ ប្រជាពលរដ្ឋខ្មែរ ដោយសារពលរដ្ឋ ភាគច្រើន ពួកគាត់ធ្វើដំណើរទៅ ក្រៅប្រទេស ដើម្បីស្វែង រកការងារធ្វើ ដែលកម្ពុជាមិនទាន់មានវិធានការទប់ស្កាត់ពីករណីនេះ។ កម្ពុជាក៏ជួបបញ្ហា ប្រឈមកំពុងកើតមាន ឡើងដែលទាម ទារដំណោះស្រាយ ទើប ក្រុមការងារ បានបង្កើត ឲ្យមានកុ្រមការងារ មួយទៀតដែលមានឈ្មោះថា ក្រុម ការងារ ទេសន្តរប្រវេសន៍ មានការ ចូលរួមពីក្រសួង មហាផ្ទៃក្រសួងកិច្ចការនារី ក្រសួងការងារ ក្រសួង យុត្តិធម៌ និង ក្រសួងពាក់ ព័ន្ធមួយចំនួនទៀតក្រុមអង្គការ សង្គមស៊ីវិល ព្រមទាំងទីភ្នាក់ងារជ្រើសរើស ពលករ។ ធ្វើយ៉ាងឲ្យពួក គេធ្វើការ ពិភាក្សាវែកញែកគ្នា ឲ្យបានច្បាស់លាស់ អំពីការគ្រប់គ្រង នៃការ ដំណើរការទទួល ខុសត្រូវលើពលករចំណាក ស្រុកឲ្យមានសុវត្ថិភាព។ យោងតាមរបាយ ការណ៍របស់អង្គការអាដហុក បានឲ្យដឹងថា ក្នុងរយៈពេល៤ខែ ដើមឆ្នាំ២០១២ ចំនួនពាក្យបណ្តឹងសុំជួយអន្តរាគមន៍ របស់គ្រួសារ ពលករចំណាក ស្រុក បាន កើនឡើងជាង៥ដង លើសពីចំនួនពាក្យ បណ្តឹង ដូចគ្នា កាលពី៤ខែ ដើមឆ្នាំ២០១១ ដោយ ឆ្នាំនេះ ១៤១ករណី រយៈពេលដូចគ្នាទៅនឹងឆ្នាំ ២០១១មានត្រឹមតែ ២៣ករណីប៉ុណ្ណោះ។ របាយការណ៍ នោះបន្តថា ក្នុង១៤១ករណីពលករ-ពលការិនីខ្មែរបានទៅ ធ្វើការនៅ ប្រទេស ក្រៅ ដូចជាប្រទេស ម៉ាឡេស៊ី ថៃអាហ្វ្រិកខាងត្បូង ចិន សាំងហ្គាពួរ ជប៉ុន ជាដើម៕