ភ្នំពេញ: លោក រ៉ុង ឈុន ប្រធានសមាគមគ្រូបង្រៀនកម្ពុជាឯករាជ្យ និងជាប្រធានសហភាពសហជីពកម្ពុជា ត្រូវបានអយ្យការអមសាលាដំបូងខេត្តកណ្ដាល ចេញដីកាកោះ ដើម្បីសាកសួរ ពីបទញុះញង់ឲ្យកម្មករធ្វើកូដកម្មដោយខុសច្បាប់ និងបទបរិហាកេរ្តិ៍ជាសាធារណៈ ដែលប្ដឹងដោយដោយអគ្គនាយក នៃសហគ្រាស តៃយ៉ាង។
ដីកាកោះ ចុះថ្ងៃទី២៧ ខែសីហា ឆ្នាំ២០១២ ឲ្យដឹងថា លោក ទេព មុនិន្ទ តំណាងអយ្យការអមសាលាដំបូងខេត្តកណ្ដាល អញ្ជើញលោក រ៉ុង ឈុន ឲ្យចូលទៅកាន់អយ្យការអមសាលាដំបូងខេត្តកណ្ដាល នៅថ្ងៃទី១១ ខែកញ្ញា ឆ្នាំ២០១២ វេលាម៉ោង ៩ព្រឹក ដើម្បីសាកសួរពីដំណើររឿង ដែលឈ្មោះ JACK LIU អគ្គនាយក នៃសហគ្រាស តៃ យ៉ាង ប្ដឹងលោកពីបទញុះញង់ឲ្យកម្មករធ្វើកូដកម្មដោយខុសច្បាប់ និងបទបរិហាកេរ្តិ៍ជាសាធារណៈ។
កាលពីថ្ងៃទី២៥ ខែមិថុនា ឆ្នាំ២០១២ កម្មកររោងចក្រកាត់ដេរ តៃយ៉ាង ដែលបានប្តូរឈ្មោះមកពីរោងចក្រកាត់ដេរ តៃយៀនទី១ តៃយៀនទី២ និងរោងចក្រ ខាំវែល រាប់រយនាក់ បានផ្ទុះកូដកម្មតវ៉ា ទាមទារនូវប្រាក់អត្ថប្រយោជន៍ការងារចំនួន ៥ ចំណុច ដែលរួមមាន៖ ប្រាក់អត្ថប្រយោជន៍ការងារជាដើម។
កូដកម្មរបស់កម្មកររោងចក្រកាត់ដេរជិតផ្សារបែកចាន ក្នុងខេត្តកណ្តាលនោះ ក៏មានលោក រ៉ុង ឈុន និងមេដឹកនាំសហជីពកម្មករជាច្រើនទៀតបានចូលរួមតវ៉ា រួមទាំងដឹកនាំការដើរហែក្បួនតាមផ្លូវ ផងដែរ។
លោក រ៉ុង ឈុន បានឲ្យដឹងនៅព្រឹកថ្ងៃទី២៩ ខែសីហា ឆ្នាំ២០១២ ដោយលោកស្វាគមន៍នូវរាល់ពាក្យបណ្តឹងប្រឆាំងរូបលោក ហើយថា លោកហ៊ានទទួលខុសត្រូវ ចំពោះការដឹកនាំកម្មករធ្វើកូដកម្ម។
តែលោក រ៉ុងឈុន បានអះអាងថា កូដកម្មដែលលោកដឹកនាំតវ៉ានោះ មិនមែនខុសច្បាប់ទេ គឺសហជីពបានធ្វើលិខិតស្នើសុំបទអន្តរាគមន៍ទៅស្ថាប័នពាក់ព័ន្ធ ហើយមុននឹងធ្វើកូដកម្ម ក៏សហជីពកម្មករបានជូនដំណឹងទៅកាន់ស្ថាប័នពាក់ព័ន្ធទាំងអស់ រួមមាន៖ អាជ្ញាធរ ក្រសួងការងារ ក្រសួងសង្គមកិច្ច និងក្រុមហ៊ុនរោងចក្រ ជាដើម។
លោក រ៉ុង ឈុន បានលើកឡើងថា "យើងបានជូនដំណឹងរួចហើយទៅកាន់និយោជក និងស្ថាប័នពាក់ព័ន្ធ មុននឹងធ្វើកូដកម្ម។ ដូច្នេះអត់មានអ្វីដែលថា ខ្ញុំទៅញុះញង់កម្មករទេ។ យើងមិនមែនដើរទៅញុះញង់កម្មករ ឲ្យធ្វើបាតុកម្ម កូដកម្មនោះទេ លុះត្រាតែកម្មករទទួលការរំលោភពីនិយោជក អាហ្នឹងបានយើងធ្វើអន្តរាគមន៍។ ម្យ៉ាងទៀត អ្វីដែលយើងធ្វើ វាស្ថិតនៅក្នុងច្បាប់ ទាំងច្បាប់ស្តីពីការងារ និងទាំងច្បាប់រដ្ឋធម្មនុញ្ញ ក៏ដូចជាអនុសញ្ញាអន្តរជាតិ ILO ក៏បានធានាសេរីភាពសហជីព ក៏ដូចជាកម្មករ ក្នុងការទាមទារ តាមរយៈបាតុកម្ម ឬកូដកម្ម"។
លោក រ៉ុងឈុន ក៏បានបន្តថា ការប្តឹងផ្តល់រូបលោក រួមទាំងតំណាងសហជីពកម្មករ ៩ នាក់ផ្សេងទៀត ដែលរួមទាំងអ្នកស្រី យ៉ាង សុភ័ណ្ឌ ប្រធានសម្ព័ន្ធសហជីពកម្ពុជា ដែលបានចូលបំភ្លឺតុលាការរួចហើយនោះ គឺមិនមែនជារឿងចម្លែកទេ ព្រោះនិយោជក ជាថៅកែរោងចក្រកាត់ដេរ តែងតែប្រើប្រាស់ប្រព័ន្ធតុលាការ ធ្វើការគាបសង្កត់ មកលើកម្មករ និងមេដឹកនាំសហជីពកម្មករ ដោយថៅកែរោងចក្រមិនបានព្យាយាមគោរពសិទ្ធិកម្មករ និងគោរពច្បាប់នោះទេ។
លោក រ៉ុង ឈុន បានគូសបញ្ជាក់ថា "នៅពេលដែលកម្មករធ្វើការទាមទារលក្ខណ្ឌការងារ ទាមទារអត្ថប្រយោជន៍ និងទាមទារសិទ្ធិសេរីភាពរបស់ខ្លួន ត្រូវបាននិយោជក ( ថៅកែរោងចក្រ ) ប្រើប្រាស់ប្រព័ន្ធតុលាការ ប្តឹងចោទប្រកាន់សកម្មជន ឬតំណាងកម្មករ និងមេដឹកនាំសហជីពកម្មករ"។
លោក រ៉ុង ឈុន ក៏បានអំពាវនាវដល់ថៅកែរោងចក្រ គួរតែឈប់ការប្តឹងផ្តល់លើមេដឹកនាំសហជីព និងកម្មករ ហើយងាកមកដោះស្រាយ និងគោរពច្បាប់ ដើម្បីកុំឲ្យអ្នកបញ្ជាទិញបញ្ឈប់ការបញ្ជាទិញនៅរោងចក្រកាត់ដេរនោះ។ រីឯប្រព័ន្ធតុលាការ ក៏ត្រូវពិនិត្យ និងមានសេចក្តីក្លាហានលើពាក្យបណ្តឹងមិនសមរម្យប្រឆាំងនឹងសហជីពកម្មករ ដោយតុលាការមិនត្រូវចាត់ការបណ្តឹង ហើយកោះហៅសហជីពកម្មករ តាមតែពាក្យបណ្តឹងរបស់ថៅកែរោងចក្រនោះទេ។
ដោយអះអាងថា ជាប់រវល់ក្នុងការងារមមាញឹកនាព្រឹកថ្ងៃទី១១ ខែកញ្ញា ឆ្នាំ២០១២ លោក រ៉ុងឈុន បានអះអាងថា លោកបានស្នើសុំទៅតុលាការ តាមរយៈមេធាវីរបស់លោក ដើម្បីសុំលើកពេលចូលឆ្លើយបំភ្លឺ។
មកដល់ថ្ងៃនេះ ក្រុមកម្មករប្រមាណ ៥០ នាក់ នៅតែបន្តការតវ៉ានៅមុខរោងចក្រកាត់ដេរ តៃយ៉ាង ដោយសារតែថៅកែរោងចក្រកាត់ដេរ មិនបានផ្តល់ដំណោះស្រាយ តាមការស្នើសុំ ៥ ចំណុច បើទោះបីជាមានលិខិតអន្តរាគមន៍ពីរដ្ឋមន្ត្រីក្រសួងសង្គមកិច្ច ឲ្យថៅកែចិនតៃវ៉ាន់ នៅរោងចក្រ តៃយ៉ាង ទទួលយកកម្មករ ចូលធ្វើការវិញការវិញក៏ដោយ៕
ដីកាកោះ ចុះថ្ងៃទី២៧ ខែសីហា ឆ្នាំ២០១២ ឲ្យដឹងថា លោក ទេព មុនិន្ទ តំណាងអយ្យការអមសាលាដំបូងខេត្តកណ្ដាល អញ្ជើញលោក រ៉ុង ឈុន ឲ្យចូលទៅកាន់អយ្យការអមសាលាដំបូងខេត្តកណ្ដាល នៅថ្ងៃទី១១ ខែកញ្ញា ឆ្នាំ២០១២ វេលាម៉ោង ៩ព្រឹក ដើម្បីសាកសួរពីដំណើររឿង ដែលឈ្មោះ JACK LIU អគ្គនាយក នៃសហគ្រាស តៃ យ៉ាង ប្ដឹងលោកពីបទញុះញង់ឲ្យកម្មករធ្វើកូដកម្មដោយខុសច្បាប់ និងបទបរិហាកេរ្តិ៍ជាសាធារណៈ។
កាលពីថ្ងៃទី២៥ ខែមិថុនា ឆ្នាំ២០១២ កម្មកររោងចក្រកាត់ដេរ តៃយ៉ាង ដែលបានប្តូរឈ្មោះមកពីរោងចក្រកាត់ដេរ តៃយៀនទី១ តៃយៀនទី២ និងរោងចក្រ ខាំវែល រាប់រយនាក់ បានផ្ទុះកូដកម្មតវ៉ា ទាមទារនូវប្រាក់អត្ថប្រយោជន៍ការងារចំនួន ៥ ចំណុច ដែលរួមមាន៖ ប្រាក់អត្ថប្រយោជន៍ការងារជាដើម។
កូដកម្មរបស់កម្មកររោងចក្រកាត់ដេរជិតផ្សារបែកចាន ក្នុងខេត្តកណ្តាលនោះ ក៏មានលោក រ៉ុង ឈុន និងមេដឹកនាំសហជីពកម្មករជាច្រើនទៀតបានចូលរួមតវ៉ា រួមទាំងដឹកនាំការដើរហែក្បួនតាមផ្លូវ ផងដែរ។
លោក រ៉ុង ឈុន បានឲ្យដឹងនៅព្រឹកថ្ងៃទី២៩ ខែសីហា ឆ្នាំ២០១២ ដោយលោកស្វាគមន៍នូវរាល់ពាក្យបណ្តឹងប្រឆាំងរូបលោក ហើយថា លោកហ៊ានទទួលខុសត្រូវ ចំពោះការដឹកនាំកម្មករធ្វើកូដកម្ម។
តែលោក រ៉ុងឈុន បានអះអាងថា កូដកម្មដែលលោកដឹកនាំតវ៉ានោះ មិនមែនខុសច្បាប់ទេ គឺសហជីពបានធ្វើលិខិតស្នើសុំបទអន្តរាគមន៍ទៅស្ថាប័នពាក់ព័ន្ធ ហើយមុននឹងធ្វើកូដកម្ម ក៏សហជីពកម្មករបានជូនដំណឹងទៅកាន់ស្ថាប័នពាក់ព័ន្ធទាំងអស់ រួមមាន៖ អាជ្ញាធរ ក្រសួងការងារ ក្រសួងសង្គមកិច្ច និងក្រុមហ៊ុនរោងចក្រ ជាដើម។
លោក រ៉ុង ឈុន បានលើកឡើងថា "យើងបានជូនដំណឹងរួចហើយទៅកាន់និយោជក និងស្ថាប័នពាក់ព័ន្ធ មុននឹងធ្វើកូដកម្ម។ ដូច្នេះអត់មានអ្វីដែលថា ខ្ញុំទៅញុះញង់កម្មករទេ។ យើងមិនមែនដើរទៅញុះញង់កម្មករ ឲ្យធ្វើបាតុកម្ម កូដកម្មនោះទេ លុះត្រាតែកម្មករទទួលការរំលោភពីនិយោជក អាហ្នឹងបានយើងធ្វើអន្តរាគមន៍។ ម្យ៉ាងទៀត អ្វីដែលយើងធ្វើ វាស្ថិតនៅក្នុងច្បាប់ ទាំងច្បាប់ស្តីពីការងារ និងទាំងច្បាប់រដ្ឋធម្មនុញ្ញ ក៏ដូចជាអនុសញ្ញាអន្តរជាតិ ILO ក៏បានធានាសេរីភាពសហជីព ក៏ដូចជាកម្មករ ក្នុងការទាមទារ តាមរយៈបាតុកម្ម ឬកូដកម្ម"។
លោក រ៉ុងឈុន ក៏បានបន្តថា ការប្តឹងផ្តល់រូបលោក រួមទាំងតំណាងសហជីពកម្មករ ៩ នាក់ផ្សេងទៀត ដែលរួមទាំងអ្នកស្រី យ៉ាង សុភ័ណ្ឌ ប្រធានសម្ព័ន្ធសហជីពកម្ពុជា ដែលបានចូលបំភ្លឺតុលាការរួចហើយនោះ គឺមិនមែនជារឿងចម្លែកទេ ព្រោះនិយោជក ជាថៅកែរោងចក្រកាត់ដេរ តែងតែប្រើប្រាស់ប្រព័ន្ធតុលាការ ធ្វើការគាបសង្កត់ មកលើកម្មករ និងមេដឹកនាំសហជីពកម្មករ ដោយថៅកែរោងចក្រមិនបានព្យាយាមគោរពសិទ្ធិកម្មករ និងគោរពច្បាប់នោះទេ។
លោក រ៉ុង ឈុន បានគូសបញ្ជាក់ថា "នៅពេលដែលកម្មករធ្វើការទាមទារលក្ខណ្ឌការងារ ទាមទារអត្ថប្រយោជន៍ និងទាមទារសិទ្ធិសេរីភាពរបស់ខ្លួន ត្រូវបាននិយោជក ( ថៅកែរោងចក្រ ) ប្រើប្រាស់ប្រព័ន្ធតុលាការ ប្តឹងចោទប្រកាន់សកម្មជន ឬតំណាងកម្មករ និងមេដឹកនាំសហជីពកម្មករ"។
លោក រ៉ុង ឈុន ក៏បានអំពាវនាវដល់ថៅកែរោងចក្រ គួរតែឈប់ការប្តឹងផ្តល់លើមេដឹកនាំសហជីព និងកម្មករ ហើយងាកមកដោះស្រាយ និងគោរពច្បាប់ ដើម្បីកុំឲ្យអ្នកបញ្ជាទិញបញ្ឈប់ការបញ្ជាទិញនៅរោងចក្រកាត់ដេរនោះ។ រីឯប្រព័ន្ធតុលាការ ក៏ត្រូវពិនិត្យ និងមានសេចក្តីក្លាហានលើពាក្យបណ្តឹងមិនសមរម្យប្រឆាំងនឹងសហជីពកម្មករ ដោយតុលាការមិនត្រូវចាត់ការបណ្តឹង ហើយកោះហៅសហជីពកម្មករ តាមតែពាក្យបណ្តឹងរបស់ថៅកែរោងចក្រនោះទេ។
ដោយអះអាងថា ជាប់រវល់ក្នុងការងារមមាញឹកនាព្រឹកថ្ងៃទី១១ ខែកញ្ញា ឆ្នាំ២០១២ លោក រ៉ុងឈុន បានអះអាងថា លោកបានស្នើសុំទៅតុលាការ តាមរយៈមេធាវីរបស់លោក ដើម្បីសុំលើកពេលចូលឆ្លើយបំភ្លឺ។
មកដល់ថ្ងៃនេះ ក្រុមកម្មករប្រមាណ ៥០ នាក់ នៅតែបន្តការតវ៉ានៅមុខរោងចក្រកាត់ដេរ តៃយ៉ាង ដោយសារតែថៅកែរោងចក្រកាត់ដេរ មិនបានផ្តល់ដំណោះស្រាយ តាមការស្នើសុំ ៥ ចំណុច បើទោះបីជាមានលិខិតអន្តរាគមន៍ពីរដ្ឋមន្ត្រីក្រសួងសង្គមកិច្ច ឲ្យថៅកែចិនតៃវ៉ាន់ នៅរោងចក្រ តៃយ៉ាង ទទួលយកកម្មករ ចូលធ្វើការវិញការវិញក៏ដោយ៕