កម្លាំងនគរបាលចំនួន១២០នាក់ បានទទួលការហ្វឹកហាត់ បំពាក់បំប៉នជំនាញរយៈ ពេល ៣០ ថ្ងៃដើម្បីទប់ស្កាត់ បាតុកម្ម កូដកម្មនៅក្នុងមូលដ្ឋាន ។ ពិធីបើកវគ្គបំពាក់បំ ប៉នជំនាញ នេះនៅស្នងការនគរបាលខេត្ដ កណ្ដាល។ដោយមានការអញ្ជើញ ចូលរួមជាអធិបតី របស់ ឯកឧត្តមឧត្ដមសេនីយ៍ឯក គៀត ចន្ទ័ថារិទ្ធិ អ្នកនាំពាក្យ អគ្គស្នងការនគរបាលជាតិ ដោយមានការចូលរួមពីលោកឧត្ដម សេនីយ៍ត្រី អ៊ាវ ចំរើន ស្នង ការនគរបាល ខេត្ដ កណ្ដាល ស្នងការរងនាយការិយាល័យ ជាច្រើនរូបទៀត ។
ការបំពាក់បំប៉ន ជំនាញនេះ ដោយមានគ្រូបង្ហាត់បង្រៀនមកពីក្រ សួងមហាផ្ទៃ ។លោក ឧត្ដមសេនីយ៍ត្រី អ៊ាវ ចំរើន បានបញ្ជាក់ឱ្យដឹងថា មន្ដ្រីនគរបាលដែលបានចូលរួមហ្វឹកហាត់មានចំនួន១២០នាក់ មកពី គ្រប់ស្រុក-ក្រុងនិង មន្ដ្រីនគរបាល នៅការិយាល័យស្នងការខេត្ដកណ្ដាល ដែលបាន ចូលរួម ហ្វឹកហាត់វគ្គបំពាក់បំប៉នជំនាញ ទប់ស្កាត់បាតុកម្មកូដកម្មដែលកើតមាននៅក្នុង មូលដ្ឋាន ។លោកឧត្ដម សេនីយ៍ស្នងការ បានបន្ដថា កម្លាំងដែលបានចូលហ្វឹកហាត់បំពាក់បំប៉នជំនាញទាំង អស់នេះ លោកនិង ជួយធ្វើ អគារស្នាក់នៅឱ្យបានសមរម្យ និងជួយឧត្ដម្ភថវិកាក្នុងម្នាក់ៗ១ថ្ងៃ ៥០០០រៀល ។នាឱកាសនេះឯកឧត្តមឧត្ដមសេនីយឯក គៀត ចន្ទ័ថារិទ្ធិ បានថ្លែងថា នៅក្នុងទឹកដី ខេត្ដកណ្ដាលក្នុងឆ្នាំ២០១២នេះ មានករណីកូដ កម្ម បាតុកម្មរបស់ក្រុមកម្មករ កើតមាន ឡើងចំនួនជាង៥០ករណីទើបអគ្គស្នង ការនគរបាលជាតិ ឯកឧត្តមនាយឧត្ដមសេនីយ៍ នេត សាវឿន បានជំរុញឱ្យមានការបើកវគ្គ បំពាក់បំប៉នជំនាញនេះ ឡើង។ ឯកឧត្តម ឧត្ដមសេនីយឯក គៀត ចន្ទ័ថារិទ្ធិបានបន្ដថា កម្លាំងនគរ បាលដែលបានចូលរួមហ្វឹក ហាត់វគ្គបំពាក់បំប៉ន ជំនាញនេះទាំងអស់មិនត្រូវចាត់ទុកក្រុមកូដកម្ម និងបាតុកម្មទាំងអស់នោះ ជាសត្រូវរបស់យើងឡើយ ក្នុងនាម យើងជាកម្លាំងនគរបាលការពារ សន្ដិសុខ គឺត្រូវតែរិះរកវិធីទប់ស្កាត់និងបង្ការរាល់ សកម្ម ភាពដែលក្រុមកម្មករធ្វើកូដកម្ម និងបាតុកម្ម នោះ ទើបវាជាការប្រសើរ ហើយមិនត្រូវយកកម្លាំងប្រដាប់អាវុធ ទៅធ្វើបាប ក្រុមកូដកម្មទាំង អស់នោះទេ៕