ភ្នំពេញ: គណបក្សជាតិនិយម បានប្រកាស បដិសេធថា បុគ្គលឈ្មោះ ស៊ីសុវត្ថិ ចក្រីនុពល និងឈ្មោះ ទីម ទិដ្ឋកា គឺមិនមែនជាថ្នាក់ដឹកនាំនៅក្នុងគណបក្ស នរោត្តម រណឫទ្ធិ នោះទេ និងមិនមានឈ្មោះ នៅក្នុងបញ្ជីគណបក្សឡើយ។
សេចក្តីប្រកាសព័ត៌មានរបស់អគ្គលេខាធិការដ្ឋានគណបក្សជាតិនិយម នៅថ្ងៃទី២៨ ខែសីហា ឆ្នាំ២០១២ បានលើកឡើងថា ក្រោយពីបានឃើញអត្ថបទ ស្តីពី “ព្រះអង្គម្ចាស់ម្នាក់ និងសមាជិកបក្សរណឫទ្ធិ ចូលរួមបក្សសង្គ្រោះជាតិ” នៅក្នុងសារព័ត៌មានភ្នំពេញប៉ុស្តិ៍ ចុះថ្ងៃទី២៨ ខែសីហា ឆ្នាំ២០១២ អគ្គលេខាធិការគណបក្សជាតិនិយម អតីតគណបក្ស នរោត្តម រណឫទ្ធិ បានធ្វើការបដិសេធ ចំពោះព័ត៌មាន ដែលបានចុះផ្សាយថា បុគ្គលឈ្មោះ ស៊ីសុវត្ថិ ចក្រីនុពល ជាអតីតសមាជិកគណបក្ស នរោត្តម រណឫទ្ធិ និងឈ្មោះ ទឹម ទិដ្ឋកា ជាអនុប្រធានប្រតិបត្តិគណបក្ស នរោត្តម រណឫទ្ធិ ខេត្តស្វាយរៀង។
សេចក្ដីប្រកាសព័ត៌មាន បានបញ្ជាក់ថា “បុគ្គលទាំងពីរនេះ ពុំមានឈ្មោះ នៅក្នុងបញ្ជីថ្នាក់ដឹកនាំ នៃគណបក្ស នរោត្តម រណឫទ្ធិ ខេត្តស្វាយរៀងនោះទេ ហើយក៏គ្មានសកម្មជនអតីត នរោត្តម រណឫទ្ធិ ណាម្នាក់ទៅចុះចូលជាមួយចលនាសង្គ្រោះជាតិនោះដែរ”។
សេចក្ដីប្រកាសព័ត៌មាន បានបន្ថែមថា អតីតគណបក្ស នរោត្តម រណឫទ្ធិ បានប្រកាសថា ចំពោះព័ត៌មាន ដែលបានចុះផ្សាយគឺជាព័ត៌មានក្លែងបន្លំ កេងចំណេញនយោបាយ និងបោកប្រាស់ប្រជាពលរដ្ឋ៕
សេចក្តីប្រកាសព័ត៌មានរបស់អគ្គលេខាធិការដ្ឋានគណបក្សជាតិនិយម នៅថ្ងៃទី២៨ ខែសីហា ឆ្នាំ២០១២ បានលើកឡើងថា ក្រោយពីបានឃើញអត្ថបទ ស្តីពី “ព្រះអង្គម្ចាស់ម្នាក់ និងសមាជិកបក្សរណឫទ្ធិ ចូលរួមបក្សសង្គ្រោះជាតិ” នៅក្នុងសារព័ត៌មានភ្នំពេញប៉ុស្តិ៍ ចុះថ្ងៃទី២៨ ខែសីហា ឆ្នាំ២០១២ អគ្គលេខាធិការគណបក្សជាតិនិយម អតីតគណបក្ស នរោត្តម រណឫទ្ធិ បានធ្វើការបដិសេធ ចំពោះព័ត៌មាន ដែលបានចុះផ្សាយថា បុគ្គលឈ្មោះ ស៊ីសុវត្ថិ ចក្រីនុពល ជាអតីតសមាជិកគណបក្ស នរោត្តម រណឫទ្ធិ និងឈ្មោះ ទឹម ទិដ្ឋកា ជាអនុប្រធានប្រតិបត្តិគណបក្ស នរោត្តម រណឫទ្ធិ ខេត្តស្វាយរៀង។
សេចក្ដីប្រកាសព័ត៌មាន បានបញ្ជាក់ថា “បុគ្គលទាំងពីរនេះ ពុំមានឈ្មោះ នៅក្នុងបញ្ជីថ្នាក់ដឹកនាំ នៃគណបក្ស នរោត្តម រណឫទ្ធិ ខេត្តស្វាយរៀងនោះទេ ហើយក៏គ្មានសកម្មជនអតីត នរោត្តម រណឫទ្ធិ ណាម្នាក់ទៅចុះចូលជាមួយចលនាសង្គ្រោះជាតិនោះដែរ”។
សេចក្ដីប្រកាសព័ត៌មាន បានបន្ថែមថា អតីតគណបក្ស នរោត្តម រណឫទ្ធិ បានប្រកាសថា ចំពោះព័ត៌មាន ដែលបានចុះផ្សាយគឺជាព័ត៌មានក្លែងបន្លំ កេងចំណេញនយោបាយ និងបោកប្រាស់ប្រជាពលរដ្ឋ៕