ដោយ ៖ ថ្ងៃទី 19 កញ្ញា 2012ម៉ោង 10:01:39
ភ្នំពេញ ៖ កាលពីថ្ងៃទី១៨ ខែកញ្ញា សម្តេចអគ្គមហាសេនាបតីតេជោ ហ៊ុន សែន បានអនុញ្ញាតឲ្យលោក PRABOWO SUBIATO អតីតឧត្តមសេនីយ៍ នៃកងទ័ពឥណ្ឌូណេស៊ី ចូលជួបសំដែងការគួរសមនៅ វិមានសន្តិភាពក្នុងរាជធានីភ្នំពេញ ព្រោះតែអតីតឧត្តមសេនីយ៍នៃ ប្រទេសឥណ្ឌូណេ ស៊ីរូបនេះធ្លាប់បាន មកកាន់កម្ពុជាកាលពីជាង១០ ឆ្នាំមុននោះ។
លោក អ៊ាង សុផល្លែត ជំនួយការសម្តេចតេជោនាយករដ្ឋមន្ត្រីបានប្រាប់ក្រុមអ្នកយកព័ត៌មាន ថា នៅក្នុងជំនួបនោះ លោក PRABOWO SUBIATO បានជំរាបជូនសម្តេចតេជោនាយករដ្ឋមន្ត្រីថា ដំណើរទស្សនកិច្ចរបស់លោកមកកាន់ព្រះរាជាណាចក្រកម្ពុជានាពេលនេះ គឺជា ការវិលត្រឡប់មកកាន់ប្រទេសមួយ ដែលលោកធ្លាប់មានមនោសញ្ចេតនា ហើយនេះជាដំណើរទស្សនកិច្ចមួយ ដែលមានរយៈពេលជាង ១៦ ឆ្នាំមកហើយៗ។លោកបានកត់សម្គាល់ឃើញថា កម្ពុជាមានការអភិវឌ្ឍន៍យ៉ាងរស់រវើក ដែលរូបលោកនឹកស្មានមិនដល់ ។
លោក PRABOWO SUBIATO មានប្រសាសន៍ថា លោកសូមសំដែងនូវការគោរពកោតសរសើរ និងវាយតម្លៃខ្ពស់ចំពោះវីរភាពដឹកនាំប្រកបដោយ គតិ បណ្ឌិតរបស់សម្តេចអគ្គមហាសេនាបតីតេជោ ហ៊ុន សែន និងបានថ្លែងថា នៅពេលបានមកដល់ព្រះ រាជាណាចក្រកម្ពុជាលោកបាន ចងចាំនូវរាល់អនុស្សាវរីយ៍ទាំងឡាយ ដែលលោកធ្លាប់មាន និងមានក្តី សប្បាយរីករាយយ៉ាងខ្លាំង។
លោកជំនួយការឲ្យដឹងថា សម្តេចតេជោនាយករដ្ឋមន្ត្រីបានថ្លែងអំណរគុណជូនចំពោះលោក PRABOWO SUBIATO ដែលបានមានប្រ សាសន៍នូវចំណុចដ៏ល្អ និងបានលើកឡើងអំពីស្ថានភាព សេដ្ឋកិច្ចនៅក្នុងព្រះរាជាណាចក្រកម្ពុជាថា ស្ថានភាពសេដ្ឋកិ្ចកម្ពុជា នៅពេល នេះជាឱកាសពេជ្រ ហើយកម្ពុជាកំពុងតែប្រើប្រាស់រាល់សក្តានុពលទាំងឡាយ ដែលខ្លួនមានដើម្បីធ្វើការអភិវឌ្ឍដោយ ក្នុងរយៈពេល ១ ទសវត្សកន្លងមក កម្ពុជាទទួលបានកំណើនសេដ្ឋកិច្ចជាង ២ ខ្ទង់ដោយបានកែប្រែ កម្ពុជាដែលជាប្រទេសមួយខ្វះស្រូវអង្ករក្លាយទៅជាប្រ ទេសដែលនាំចេញស្រូវអង្ករ និងកំពុងតែធ្វើកំណែទម្រង់ដីធ្លី កំណែទម្រង់ឡូតិ៍នេសាទ និងក៏កំពុងតែធ្វើកំណែទម្រង់ផ្សេងៗទៀតផងដែរ ដើម្បីនាំ ប្រទេសកម្ពុជាឆ្ពោះទៅកាន់ការរីកចម្រើនបន្ថែមទៀត។
សម្តេចនាយករដ្ឋមន្ត្រី បានស្វាគមន៍ដំណើរទស្សកិច្ចសារជាថ្មីមកកាន់កម្ពុជារបស់លោក PRABOWO SUBIATO និងសូមឲ្យលោកបានទ ទួលជោគជ័យ និងភាពសប្បាយរីករាយក្នុងដំណើរ ទស្សនកិច្ចនៅព្រះរាជាណាចក្រកម្ពុជានេះ៕
.jpg)