ខេត្តបន្ទាយមានជ័យ ៖ លោក ផាន់ វណ្ណរ័ត្ន ព្រះរាជអាជ្ញាអមសាលាដំបូងខេត្តបន្ទាយមានជ័យ បានដឹកនាំកិច្ចប្រជុំពិភាក្សាការងារមួយចំនួន ជុំវិញការបង្ក្រាបបទល្មើសឱសថ និងបទល្មើសកម្មសិទ្ធិបញ្ញា រវាងអយ្យការអមសាលាដំបូងខេត្តបន្ទាយមានជ័យ និងអង្គភាពពាក់ព័ន្ធជុំវិញខេត្ត។ ពិធីនេះប្រារព្ធធ្វើឡើងនៅតុលាការខេត្តបន្ទាយមានជ័យ កាលពីព្រឹកថ្ងៃទី១៨ ខែកញ្ញា ឆ្នាំ២០១២ ។ សមាសភាពចូលរួមមកពីអង្គភាពស្នងការដ្ឋាននគរបាលខេត្ត បញ្ជាការដ្ឋានកងរាជអាវុធ ហត្តខេត្ត សាខាគយនិងរដ្ឋាករខេត្ត ស្នាក់ការគយចល័តប្រចាំខេត្ត ស្នាក់ការគយច្រក អន្តរជាតិប៉ោយប៉ែត ស្នាក់ការគយច្រកតំបន់បឹងត្រកួន ច្រកតំបន់ម៉ាឡៃ មន្ទីរឧស្សាហកម្ម ខេត្ត មន្ទីរពាណិជ្ជកម្ម មន្ទីរសុខាភិបាល និងមន្ទីរវប្បធម៌និងវិចិត្រសិល្បៈខេត្ត។
លោក ផាន់ វណ្ណរ័ត្ន ព្រះរាជអាជ្ញា អមសាលាដំបូងខេត្តបានមានប្រសាសន៍ថា កិច្ច ប្រជុំពិភាក្សានៅថ្ងៃនេះគោលបំណងសំខាន់គឺមិនមែនស្ថាប័នពាក់ព័ន្ធមិនធ្វើការយកចិត្តទុក ដាក់នោះទេកន្លងមក ។ ក៏ប៉ុន្តែលោកចង់ឲ្យធ្វើការងារនេះឲ្យកាន់តែមានប្រសិទ្ធភាពថែមទៀត ជាពិសេសកន្លងមកយើងបានបង្ក្រាបបទល្មើសឱសថ ដោយមានការចូលរួមពីមន្ត្រីអង្គភាព ពាក់ព័ន្ធបានចូលរួមសហគា្នក្នុងការបង្ក្រាបបទល្មើសនេះ ដើម្បីធ្វើការក្នុងន័យប្រយោជន៍ ប្រជាពលរដ្ឋ ។ ក្នុងការបង្ក្រាបនេះមានការអាក់អន់ចិត្តពីមន្ត្រីក្នុភាពមួយចំនួន ហើយកិច្ចប្រជុំថ្ងៃនេះក៏អាចឲ្យអស់លោកបានចូលរួមបញ្ចេញមតិ បញ្ហាប្រឈមរបស់អស់លោក ដែលអនុវត្តកន្លងមានជួបប្រទះការលំបាក រឺលើកយកការជជែកគ្នាជុំវិញការងារបង្ក្រាបឱសថក្លែងក្លាយ ដើម្បីលើកយកមកដោះស្រាយគ្នាក្នុងកិច្ចប្រជុំថ្ងៃនេះ ។
លោក ផាន់ វណ្ណរ័ត្ន បានបន្តឲ្យដឹងទៀតថា៖ដោយយោងទៅតាមច្បាប់ពាក់ព័ន្ធនិកម្ម សិទ្ធបញ្ញាយើងឃើញថាខាងគយរដ្ឋាករមានតួនាទីសំខាន់ទាក់ទងនិងការការពារម៉ាកទំនិញ ក្លែងបន្លំនាំចូលរឺនាំចេញជាពិសេសខេត្តបន្ទាយមានជ័យដែលជាប់និងប្រទេសថៃឃើញ ថាមានទំនិញដែលមានម៉ាកក្លែងបន្លំជាច្រើនគ្រប់ប្រភេទឆ្លងកាត់តាមច្រករបៀងរឺច្រកអន្តរ ជាតិប៉ោយប៉ែតជាដើម ហើយនេះជាតួនាទីសំខាន់ដែលអស់លោកជាមន្ត្រីគយនៅតាម មាត់ច្រកចូលរួមធ្វើការទប់ស្កាត់បទល្មើសនេះដែរ។គោលដៅរបស់គយមិនត្រឹមតែត្រួតពិនិត្យ ទំនិញនាំពីប្រទេសថៃចូលមកប្រទេសកម្ពុជានោះទេ គឺជាងនេះទៅទៀតត្រូវមានប្រតិបត្តិ ការជុំវិញប្រទេសក្នុងតំបន់ពាក់ព័ន្ធនិងបទល្មើសកម្មសិទ្ធបញ្ញា ដូចជាការក្លែងបន្លំស្លាក សញ្ញា ផលិតផលផ្សេងៗ បន្ទះCD ជាដដើម។
លោក ផាន់ វណ្ណរ័ត្ន បានលើកឡើងបន្តទៀតថា ជាពិសេសលោកផ្ទាល់ ក៏ដូចជាអស់លោកទាំងអស់ ត្រូវយកចិត្តទុកដាក់រិតបណ្តឹង ទៅលើថ្នាំពេទ្យក្លែងក្លាយដែល តាំងលក់ចរាចរណ៍លើទីផ្សារជាការគ្រោះថ្នាក់ធ្ងន់ធ្ងរដល់សុខភាពប្រជាពលរដ្ឋ ត្រួតពិនិត្យ ទៅលើសេវាឯកជនព្យាបាលជម្ងឺ ឱសថស្ថានរង ពេទ្យធ្មេញ ពេទ្យឆ្មបជាដើម ប្រសិនកន្លែងទាំងនោះពិនិត្យឃើញថាប្រកបមុខរបរមិនមានច្បាប់អនុញ្ញាតិត្រឹមត្រូវត្រូវតែចាត់វិធានការធ្វើទៅតាមច្បាប់ជាបន្ទាន់។ការចុះបទបង្ក្រាបល្មើសឱសថនេះកុំខ្វល់ពីអ្នកមិនសប្បាយចិត្តជាមួយយើង ពីព្រោះថាកាលណាយើងធ្វើហើយតែងតែមានផលប៉ះពាល់មួយចំនួន គឺសំខាន់ យើងទាំងអស់គ្នាគឺធ្វើដើម្បីផលប្រយោជន៍ប្រជាពលរដ្ឋ។
លោកលើកឡើងទៀតថា បន្ទាប់ពីចុះធ្វើការ បង្ក្រាបយើងសង្កេតឃើញថាមានបងប្អូនរត់ទៅរកសុំច្បាប់ទម្លាប់មានការ កើនឡើង។ទន្ទឹមនោះត្រូវត្រួតពិនិត្យផលិតផលគ្រឿងសំអាងដាក់លក់លើទីផ្សារអស់សុពលភាព ខូចគុណភាព ជាពិសេសការលាយឡេខុសបច្ចេកទេសធ្វើឲ្យអ្នកប្រើប្រាស់មានបញ្ហា និងត្រួត ពិនិត្យពីការផ្សាយពាណិជ្ជកម្មពាក់ព័ន្ធផលិតផល តើការផ្សាយពីផលិតផលនោះមាន ច្បាប់អនុញ្ញាតិត្រឹមត្រូវរឺទេ។លោកលើកឡើងទៀតថា៖ចាប់ពីពេលនេះតទៅខេត្តបន្ទាយមាន ជ័យត្រូវអនុវត្តមុនគេពាក់ព័ន្ធបង្ក្រាបបទល្មើសឱសថ បង្ក្រាបបទល្មើសកម្មសិទ្ធបញ្ញា ដើម្បីជាគំរូសម្រាប់ខេត្តក្រុងដទៃទៀត ៕