ដោយ ៖ សុខ ខេមរា
ខេត្ដកណ្ដាល ៖ កាលពីព្រឹកថ្ងៃទី៩ ខែកញ្ញា ឆ្នាំ២០១២ លោក លឹម គានហោ រដ្ឋមន្ដ្រីក្រសួងធនធានទឹកនិងឧតុនិយម អនុប្រធានគណៈពង្រឹងមូលដ្ឋានខេត្ដកណ្ដាល និងជាប្រធានគណៈពង្រឹងមូលដ្ឋានស្រុកពញាឮ បានអញ្ជើញចុះចែកអត្ដ សញ្ញាណប័ណ្ណសញ្ជាតិខ្មែរជូនប្អូនៗ ក្មួយៗយុវជនចំនួន៦.៣១៤នាក់ ។
ពិធីប្រគល់អត្ដសញ្ញាណប័ណ្ណសញ្ជាតិខ្មែរនេះបានធ្វើឡើងនៅស្នាក់ការរគណបក្សប្រជាជនកម្ពុជាស្រុកពញាឮ ខេត្ដកណ្ដាល និងមានការចូលរួមពីអាជ្ញាធរមូលដ្ឋាន សមាជិកគណៈពង្រឹងមូលដ្ឋានឃុំ ស្រុកពញាឮ ។
លោករដ្ឋមន្ដ្រីបានធ្វើការផ្ដាំផ្ញើដល់ប្អូនៗ ក្មួយៗយុវជនទាំងអស់ដែលទើបនឹងគ្រប់អាយុបោះឆ្នាត និងទទួលបានអត្ដ សញ្ញាណប័ណ្ណថ្ងៃនេះ មេត្ដារួសរាន់នាំគ្នាទៅចុះឈ្មោះបោះឆ្នោតឱ្យបានទាន់ពេលវេលា ព្រោះសន្លឹកឆ្នោតរបស់ប្អូនៗ ក្មួយៗមានតម្លៃណាស់សម្រាប់ប្រទេសជាតិ ។
លោកអនុប្រធានគណៈពង្រឹងមូលដ្ឋានគណបក្សប្រជាជនខេត្ដកណ្ដាល បានជំរុញដល់គណៈពង្រឹងឃុំ មេត្ដាយកចិត្ដទុកដាក់ឱ្យអស់ពីកម្លាំងកាយធ្វើយ៉ាងណាជួយដឹកប្អូនៗក្មួយៗដែលខ្វះមធ្យោបាយធ្វើដំណើរទៅចុះឈ្មោះបោះឆ្នាតឱ្យបានគ្រប់ៗគ្នាផង ៕
(2).jpg)
(9).jpg)
(3).jpg)
(5).jpg)
(2).jpg)