ភ្នំពេញ ៖ អំណោយកុំព្យូទ័រ៦គ្រឿងរបស់លោក កែប ជុតិមា អភិបានរាជធានីភ្នំពេញត្រូវបាផ្ដល់ជូនដល់សង្កាត់ចំនួន៦ នៅក្នុងខណ្ឌ២ ដើ់ម្បីយកទៅប្រើប្រាស់ បម្រើក្នុងផលប្រយោជន៍ការងាររដ្ឋបាលជូនប្រជាពលរដ្ឋនៅមូលដ្ឋានខ្លួន ដោយហេតុថា សង្កាត់ទាំង៦នោះពុំទាន់មានកុំព្យូទ័រប្រើប្រាស់នៅឡើយ ។
នៅក្នុងពិធីប្រគល់កុំព្យូទ័រទាំង៦គ្រឿងឱ្យដល់ខណ្ឌ២យកទៅចាត់ចែង នារសៀលថ្ងៃទី១៤ ខែកញ្ញា ឆ្នាំ២០១២ នៅសាលារាជធានីភ្នំពេញ លោកកើត ឆែ នាយករដ្ឋបាលសាលារាជធានីភ្នំពេញបានបញ្ជាក់ថា កុំព្យូទ័រចំនួន៦គ្រឿងនេះជាអំណោយរបស់លោកកែប ជុតិមា អាភិបាលរាជធានីភ្នំពេញដោយលោកមើលឃើញនៅសង្កាត់ទាំង៦ក្នុងខណ្ឌ២ គឺខណ្ឌដង្កោ មានសង្កាត់៣ពុំទាន់មានកុំព្យូទ័រប្រើប្រាស់នៅឡើយមាន សង្កាត់ ស្ពានថ្ម សង្កាត់ទៀន និងសង្កាត់ព្រែកកំពឹស ដោយឡែកនៅខណ្ឌសែនសុខវិញមានសង្កាត់ ព្រែកព្នៅ ពញ្ញាពន់ និងសង្កាត់សំរោង ពុំទាន់មានដែរនោះទើបអាជ្ញាធររាជធានីភ្នំពេញសម្រេចផ្ដល់ជូននាពេលនេះ ។ លោក កើត ឆែ បន្ដថា យើងប្រគល់កុំព្យូទ័រឱ្យដល់សង្កាត់ទាំង៦នេះគោលដៅសំខាន់គឺឱ្យសង្កាត់នោះមានភាពងាយស្រួលក្នុងការងាររដ្ឋបាលនិងដល់ក្រុមការងារសង្កាត់ដាក់បញ្ជីឈ្មោះប្រជាពលរដ្ឋកុំឱ្យខាតពេលយូរទៅក្នុងកុំព្យូទ័រនោះ ដើម្បីឱ្យក្រុមការងារសង្កាត់នោះងាយស្រួលរកឈ្មោះជូនគាត់ ពិសេសបានជួយសម្រួលការងារដល់ស្មានសង្កាត់នោះតែម្ដង ។
សូមបញ្ជាក់ថា កុំព្យូទ័រទាំង៦គ្រឿងនេះត្រូវបានបែងចែកក្នុងមួយសង្កាត់ទទួលបានកុំព្យូទ័រ១គ្រឿង គិតជាថវិកាអស់៣.០០០ដុល្លាអាមេរិក ដោយហេតុថា សង្កាត់ផ្សេងពីនោះមានកុំព្យូទ័រប្រើប្រាស់រួចហើយដែរ ៕
សូមបញ្ជាក់ថា កុំព្យូទ័រទាំង៦គ្រឿងនេះត្រូវបានបែងចែកក្នុងមួយសង្កាត់ទទួលបានកុំព្យូទ័រ១គ្រឿង គិតជាថវិកាអស់៣.០០០ដុល្លាអាមេរិក ដោយហេតុថា សង្កាត់ផ្សេងពីនោះមានកុំព្យូទ័រប្រើប្រាស់រួចហើយដែរ ៕
.jpg)
.jpg)