ភ្នំពេញ ៖ នៅមជ្ឍមណ្ឌលម៉ូឌែន៥ សង្កាត់ឬស្សីកែវ ខណ្ឌឬស្សីកែវ កាលពីព្រឹកថ្ងៃទី១៥ ខែកញ្ញា ឆ្នាំ២០១២ លោក អូស្មាន ហាស្សាន់ រដ្ឋលេខាធិការក្រសួងការងារ និងបណ្ដុះបណ្ដាលវិជ្ជាជីវៈ និងជាប្រធានអង្គការមូលនិធិអភិវឌ្ឍន៏មូស្លីមកម្ពុជាបានជួបសំណេះសំណាលជាមួយគណៈអ៊ីមាំសាសនិកអ៊ិស្លាម៣០០នាក់ដែលមកពី៣៦ស្រុកនៅទូទាំង២២ ខេត្ដ ក្រុងទូងទាំងប្រទេសដើម្បីពង្រឹង ដល់គណៈអ៊ីមាំក្រុងស្រុក ខណ្ឌដែលជាសមាជិកបក្សត្រៀមលក្ខណៈក្នុងយុទ្ធនាការឃោសនាបោះឆ្នោតសកលជ្រើសរើសតំណាងរាស្ដ្រ អាណត្ដិទី៥ ដែលនិងប្រព្រឹទ្ធទៅ នៅថ្ងៃ២៨ខែកក្កដា ឆ្នាំ២០១៣ខាងមុខនេះ ។
លោក អូស្មាន ហាស្សាន់ បានបញ្ជាក់ថា ដើម្បីឈានទៅទទូលបានជ័យជំនះគណៈអ៊ីមាំខេត្ដ ក្រុងទាំងអស់ត្រូវ តែយកចិត្ដទុដាក់ពិនិត្យទៅលើសមាជិកនៅមូលដ្ឋានខ្លួនចាប់ពីពេលឥ ឡូវនេះទៅទើបការប្រកួតប្រជែងរបស់យើងក្នុងការបោះឆ្នោតខាងមុខនឹងអាចយកប្រៀបឈ្នះបានសម្រេច។ លោកបានស្នើឱ្យគណៈអ៊ីមាំថ្នាក់ ខេត្ដ ស្រុក ខណ្ឌទាំងអស់ចាប់ពីពេលនេះត្រូវចុះសិក្សាស្វែង យល់នៅមូនដ្ឋានអំពីតម្រូវការរបស់សមាជិករួចធ្វើរបាយការណ៍ បញ្ជូនមកថ្នាក់កណ្ដាលគណៈកម្មាធិការបក្សនៅរាជធានីភ្នំពេញដើម្បីដោះស្រាយជូនពូកគាត់ តាមលទ្ធភាព ។ កន្លងមកសកម្មភាពដែលសមាជិកសកម្មឥស្លាមយើងដែលជាប្រធានបក្សបានចុះធ្វើនៅមូលដ្ឋានពុំបានធ្វើរបាយការណ៍ឡើងមកថ្នាក់កណ្ដាល បានក្ដាប់ពីសមាជិករបស់ខ្លួនបានច្បាស់លាស់នៅឡើយទេ ។ ដូច្នេះចាប់ពីពេលនេះយើងមិនត្រូវបណ្ដោយឱ្យពេលវេលាអូសបន្លាយឱ្យយូរតទៅទៀតទេ ។
លោកបានលើកឡើងថារាជរដ្ឋាភិបាលកម្ពុជាបានផ្ដល់អាទិភាពឱ្យសាសនិកខ្មែរអ៊ិស្លាមទាំងអស់ចូលរួមកសាងអភិវឌ្ឍន៍ប្រទេសជាតិតាមរូបភាពបញ្ចេញទស្សនៈនិងមានសិទ្ធិជ្រើសរើសតំណាងរបស់ខ្លួនដែលខ្លួនពេញចិត្ដដោយបងប្អូនគិតថាថ្នាក់ដឹកនាំណាមួយប្រកបដោយគុណភាព ប្រសិទ្ធភាពការងារ និងតម្លាភាពតាមលទ្ធិប្រជាធិបតេយ្យ និយាយជារួមគឺយើងនូវតែគាំទ្របេក្ខជនសម្ដចតេជោហ៊ុនសែនជានាយករដ្ឋមន្ដ្រីរហូត។
លោក អូស្មាន ហា ស្សាន់ បានបញ្ជាក់ទៀតថាដើម្បីទទួលបានជោគជ័យក្រុមការងារទាំងអស់ត្រូវរួមសាមគ្គីគ្នាធ្វើអ្វីៗគិតពិប្រយោជន៍បក្សនិងប្រជាពលរដ្ឋមិនសម្រាប់បុគ្គលណាម្នាក់ឡើយ។ ក្រុមការងារត្រូវផ្សព្វផ្សាយជំរុញប្រជាពលរដ្ឋទៅចុះឈ្មោះ ពិនិត្យបញ្ជីឈ្មោះ បោះឆ្នោត ថាតើសមាជិកសមាជិការបស់យើងបានចុះឈ្មោះឬនៅ? ព្រមទាំងធ្វើល្អជាមួយប្រជាពលរដ្ឋនិងផ្សព្វផ្សាយឲ្យប្រជាពលរដ្ឋបានយល់កាន់តែច្បាស់ ពីសមិទ្ធផលនិងស្នាដៃដ៍ធំធេងក្រោមការដឹកនាំរបស់គណបក្សប្រជាជនហើយនាំគ្នាបោះឆ្នោតជូនគណៈបក្សប្រជាជនដើម្បី ជាកាដូជូនសម្តេចតេជោ ហ៊ុន សែន បានធ្វើជានាយករដ្ឋមន្ត្រីនៅឆ្នាំ២០១៣ក៍ដូចជាអាណត្តិក្រោយៗទៀត។
លោក អូស្មាន ហាស្សាន់ អនុប្រធានក្រុមការងាចុះជួយខណ្ឌឫស្សីកែវក៍បានសំណូមពរដល់ក្រុមការទាំងអស់យកចិត្តទុកដាក់ចំពោះការចុះឈ្មោះនិងពិនិត្យឈ្មោះរបស់បងប្អូនខ្មែរឥស្លាមអោយបានត្រឹមត្រូវ ដោយសារឈ្មោះអ៊ិស្លាមមានសូរស័ព្ទខុសពីឈ្មោះខ្មែរ ដែលកន្លងមកតែងខុសឈ្មោះ ។ បើមានថ្លោះធ្លោយនោះ ទោះបីបងប្អូនជាសមាជិកបក្ស និងស្រលាញ់បក្សយ៉ាងអស់ពីបេះដូងចិត្តក៍គ្មានឱកាសបានបោះឆ្នោត ជូនបក្ស ដែលនេះវ៉ាគួរអោយសោកស្តាយណាស់ ។ ការបោះឆ្នោតជ្រើសរើសតំណាងរាស្ត្រសំខាន់ណាស់បើឈ្នះយើងគ្រប់គ្រង់ទាំងនិតិបញ្ញតិ និងនិតិប្រតិបត្តិ។
លោក អូស្មាន ហាស្សាន់ បានលើកឡើងទៀតថានៅសល់តែ៩ខែទៀតទេដល់ពេលបោះឆ្នោតជ្រើសរើសសមាជិករដ្ឋសភាហើយ។ ការប្រកាសតែងតាំងកែសម្រួលក្រុមការងារនេះគឺជាការធ្វើបច្ចុប្បន្នភាពអោយក្រុមការងារម្នាៗធ្វើការងារជូនបក្សតែមួយ កន្លែងដើម្បីបង្កើនភាពឈ្នះរបស់គណៈបក្សដែលនៅក្នុងរាជធានីភ្នំពេញឲ្យបាន៩អសនៈដែលមុនមានតែ៨អសនៈ។ ដូចនេះក្នុងរាជធានីភ្នំពេញត្រូវដណ្តើមអោយបានចំនួនជាង២ម៉ឺនសំលេងថែមទៀតដែលតាមខណ្ឌនីមួយៗត្រូវរកអោយបានជាង២ពាន់សំលេង ៕
.jpg)
.jpg)
