ខេត្ដកំពង់ស្ពឺ ៖ លោក ហ៊ាន តារា ស្នងការរងនគរបាលខេត្ដកំពង់ស្ពឺ និង បក្ខពួករបស់គាត់២នាក់ទៀត គឺឈ្មោះ ណុប បញ្ញា និងឈ្មោះ សួស ថុល ត្រូវបាន នារីបម្រើការងារខារ៉ាអូខេ បឿ ចាន់ អាយុ២៩ឆ្នាំ រស់នៅភូមិសំណង់ សង្កាត់ រកាធំ ក្រុងច្បារមន ខេត្ដកំពង់ស្ពឺ ប្ដឹងពី បទប៉ុនប៉ងរំលោភសេពសន្ថវៈ និងសម គំនិតក្នុងអំពើប៉ុនប៉ងរំលោភសេពសន្ថវៈ បានសារភាពនិងសុំទោសអំពីកំហុស របស់ខ្លួនទៅលើនារីរងគ្រោះ រួមទាំងបង់ ជំងឺចិត្ដផងដែរ ។ នេះបើតាមការអះ អាងពីម្ចាស់ហាងខារ៉ាអូខេរស្មីអង្គរបាន ប្រាប់នគរវត្ដតាមទូរស័ព្ទកាលពីរសៀល ថ្ងៃទី១៥ខែកញ្ញាឆ្នាំ២០១២ ។
ម្ចាស់ហាងខារ៉ាអូខេរស្មីអង្គរធ្លាប់ បានប្រាប់នគរវត្ដតាមទូរស័ព្ទកន្លងទៅ ផងដែរថា លោកស្នងការរង រួមទាំងមិត្ដ ភក្ដិគាត់២នាក់ទៀតពិតជាបានប្រព្រឹត្ដ នូវអំពើមិនគប្បីចាប់ហែកអាវទៅលើ នារីបម្រើការងារខារ៉ាអូខេកូនចៅរបស់ លោកពិតប្រាកដ ហើយពេលនេះនាង បានដកពាក្យបណ្ដឹង បន្ទាប់ពីមានសំណង ប៉ុន្ដែលោកមិនដឹងថា សំណងចំនួនប៉ុន្មាន នោះឡើយ ដឹងត្រឹមតែអ្នកទាំង៣បាន បង់ប្រាក់ឱ្យកូនចៅរបស់គាត់តែប៉ុណ្ណោះ។ គួររំលឹកថា លោកស្នងការរងហ៊ាន តារា បក្ខពួករបស់គាត់២នាក់ទៀតឈ្មោះសួស ថុល ម្ចាស់ភោជនីយដ្ឋានផ្ទះក្រហម និង ឈ្មោះ ណុប បញ្ញា ត្រូវបាននារីរងគ្រោះ ប្ដឹងពីបទប៉ុនប៉ងរំលោភសេពសន្ថវៈ និង សមគំនិតក្នុងអំពើប៉ុនប៉ងរំលោភសេព សន្ថវៈទៅកាន់ព្រះរាជអាជ្ញាអមសាលា ដំបូងខេត្ដកំពង់ស្ពឺ ហើយក្នុងពាក្យបណ្ដឹង នារីរងគ្រោះបានបញ្ជាក់ថា កាលពីថ្ងៃ ទី១០ខែកញ្ញាឆ្នាំ២០១២ វេលាម៉ោង ប្រហែល១០យប់ ឈ្មោះ សួស ថុល,ហ៊ាន តារា និងឈ្មោះ ណុប បញ្ញា រួមជាមួយ បក្ខពួកផ្សេងទៀត បាននាំគ្នាមកផឹកស៊ី នៅក្នុងបន្ទប់ខារ៉ាអូខេរស្មីអង្គរ ហើយ ឈ្មោះ សួស ថុល បានហៅនាងមក អង្គុយកំដរ ក្រោយមកឈ្មោះ ហ៊ាន តារា បានធ្វើជាឈោងហែកអាវរបស់នាង ចេញពីខ្លួន ជាមួយនឹងឈ្មោះ សួស ថុល រហូតដល់នាងបង្ខំចិត្ដព្យាយាមរត់ចេញ ពីបន្ទប់ខារ៉ាអូខេ ដើម្បីគេចផុតពីកណ្ដាប់ ដៃប្រុសព្រានឃ្លានឥតកេរ្ដិ៍ខ្មាស ប៉ុន្ដែ ឈ្មោះ សួស ថុល ដែលជាម្ចាស់ភោជ នីយដ្ឋានផ្ទះក្រហមចាប់នាងជាប់ តែ ខណៈនោះឈ្មោះ ស្រីពៅ ដែលជាអ្នកចាក់ ឌីសមកទាន់ហេតុការណ៍ចាប់ហែកអាវ នាង ទើបមានឱកាសរត់ចុះមកក្រោម។
នារីរងគ្រោះបញ្ជាក់ក្នុងពាក្យបណ្ដឹង ទៀតថា បើទោះនាងព្យាយាមរត់គេចពី កណ្ដាប់ដៃប្រុសព្រានទាំងនេះក៏ដោយ ក៏ ឈ្មោះ សួស ថុល បានប្រើឱ្យឈ្មោះ រិទ្ធ ហៅនាងឱ្យឡើងទៅម្ដងទៀតអង្គុយជា មួយលោក សួស ថុល ក្នុងនោះក៏មាន ម្ចាស់ហាងអង្គុយជាមួយដែរ ប៉ុន្ដែឈ្មោះ សួស ថុល ដែលបានចាប់ហែកអាវនាង បានបញ្ចេញនូវកំហឹង និងយាយដោយ ការប្រមាថមាក់ងាយក្នុងពាក្យសម្ដី អសីលធម៌ថា “មិនត្រឹមនាងអ្ហែងអញ ហ៊ានហែកអាវបាននោះទេ សូម្បីតែ រំលោភនាងអ្ហែង ក៏អញធ្វើបានដែរ ” ដូច្នេះចប់ពាក្យប្រមាថដែលមិនឱ្យតម្លៃ មកលើនាងជនរងគ្រោះ ឈ្មោះ សួស ថុល បានចាប់ហែកអាវនាងម្ដងទៀត និងបានធ្វើសកម្មភាពចាប់ច្របាច់ និង បៅដោះ ទើបនាងព្យាយាមរត់ចេញមក ក្រៅ បន្ទាប់ពីមានការអន្ដរាគមន៍ជួយ ឱ្យនាំរត់ចេញដោយថៅកែហាងរបស់ នាងនោះ ។
បន្ទាប់ពីមានបណ្ដឹងពីជនរងគ្រោះ ទៅអយ្យការនៃសាលាដំបូងខេត្ដកំពង់ស្ពឺ លោក ហ៊ាន តារា ស្នងការរងនគរបាល ខេត្ដកំពង់ស្ពឺ ធ្លាប់ប្រាប់នគរវត្ដតាម ទូរស័ព្ទកន្លងទៅថា លោកបានព្យាយាម ជាមួយនឹងលោក សួស ថុល ទៅសម្រប សម្រួលជាមួយជនរងគ្រោះ ប៉ុន្ដែនាងមិន ទាន់ឆ្លើយតបចំពោះពាក្យអង្វរកររបស់ ពួកគាត់ ។
នៅរសៀលថ្ងៃទី១៥ខែកញ្ញាឆ្នាំ២០១២ លោក ហ៊ាន តារា បានអះអាងប្រាប់ នគរវត្ដ តាមទូរស័ព្ទថា លោកមិនមាន ការប្ដឹងណាមួយពីជនរងគ្រោះ ក្នុងនោះ នារីរងគ្រោះក៏បានធ្វើលិខិតបំភ្លឺមួយច្បាប់ ផងដែរ ដែលការអះអាងខាងលើរបស់ លោកស្នងការរងហាក់ដូចជាពុំមានមូល ដ្ឋានណាមួយក្នុងការដោះបន្ទុកថាខ្លួន មិនបានប្រព្រឹត្ដក្នុងអំពើប៉ុនប៉ងរំលោភ សេពសន្ថវៈ និងសមគំនិតក្នុងអំពើប៉ុន ប៉ងរំលោភសេពសន្ថវៈ ។
អ្នកច្បាប់បានលើកឡើងថា នៅក្នុង ពាក្យបណ្ដឹងរបស់នារីរងគ្រោះពិតជា មានឈ្មោះលោក ហ៊ាន តារា ដែលមាន តួនាទីជាស្នងការរងខេត្ដកំពង់ស្ពឺ ម្យ៉ាង វិញទៀតការអះអាងរបស់លោកស្នងការ រងថាបានទៅសម្របសម្រួលជាមួយនារី រងគ្រោះ រួមទាំងបក្ខពួករបស់ខ្លួនឈ្មោះ សួស ថុល ហើយថែមទាំងបញ្ជាក់ថា នាងមិនទាន់ឆ្លើយតបចំពោះការសម្រប សម្រួល ដូច្នេះ ចំណុចនេះបានបង្ហាឱ្យ ឃើញថា លោកស្នងការបានទទួលកំហុស របស់ខ្លួនរួចទៅហើយ ពាក់ព័ន្ធនឹងករណី ប្រព្រឹត្ដអំពើប៉ុនប៉ងរំលោភសេពសន្ថវៈ សមគំនិតក្នុងអំពើប៉ុនប៉ងរំលោភសេព សន្ថវៈ ប៉ុន្ដែពេលដែលជនរងគ្រោះដក ពាក្យបណ្ដឹង បែរជាព្យាយាមលុបលាង នូវកំហុសរបស់ខ្លួនបែបនេះ មិនអាច ជាការត្រឹមត្រូវនោះឡើយ ។
អ្នកច្បាប់បានបន្ដថា សិទ្ធិដកពាក្យ បណ្ដឹងរបស់ជនរងគ្រោះ និងការទទួល សំណងរដ្ឋប្បវេណីជាជំងឺចិត្ដ ត្រូវតែមាន សម្រាប់ជនរងគ្រោះ ប៉ុន្ដែតាមផ្លូវច្បាប់ ជនសង្ស័យដូចជាលោកស្នងការរង រួម ទាំងគូកនរបស់គាត់២នាក់ទៀតដែល បានប្រព្រឹត្ដហែកអាវនារីបម្រើការងារ ខារ៉ាអូខេ រួមទាំងបានប្រព្រឹត្ដនូវអំពើ អសីលធម៌ ដូចជាចាប់ច្របាច់ និងបៅ ដោះទៅលើនារីរងគ្រោះ ក្នុងនាមជាអ្នក ទន់ខ្សោយ ហើយនារីរងគ្រោះបានប្រឹង រត់ចេញពីបន្ទប់ខារ៉ាអូខេ រួមទាំងមាន ការជួយអន្ដរាគមន៍ពីម្ចាស់ហាងនាង ថែមទៀតនោះ គឺលោកស្នងការរង និង បក្ខពួកអាចពាក់ព័ន្ធទៅនឹងបទល្មើស ប៉ុនប៉ងរំលោភសេពសន្ថវៈនិងសមគំនិត ក្នុងអំពើរំលោភសេពសន្ថវៈ ។ ដូច្នេះបើ ទោះជាជនសង្ស័យត្រូវបានសងជំងឺចិត្ដ ជាសំណងរដ្ឋប្បវេណីទៅលើជនរងគ្រោះ ក៏ដោយ ប៉ុន្ដែជនសង្ស័យត្រូវតែឋិតនៅ ក្នុងបណ្ដឹងអាជ្ញាធរ ដែលតំណាងអយ្យការ ត្រូវតែធ្វើការសាកសួរ ឬចោទប្រកាន់។
បើទោះជាការដកពាក្យបណ្ដឹងរបស់ នារីរងគ្រោះឋិតនៅក្នុងគំនាបណាមួយ ពីក្រុមជនសង្ស័យ ឬក៏បានទទួលសំណង រដ្ឋប្បវេណីជាជំងឺចិត្ដ ប៉ុន្ដែនគរវត្ដមិន អាចទាក់ទងបានទេពីលោក កែវ សុធា ព្រះរាជអាជ្ញាអមសាលាដំបូងខេត្ដកំពង់ស្ពឺ ដោយទូរស័ព្ទចូលគ្មានអ្នកលើក ។
ពាក់ព័ន្ធទៅនឹងលោកស្នងការរងខេត្ដ កំពង់ស្ពឺ រួមទាំងបក្ខពួករបស់គាត់រងនូវ បណ្ដឹងរបស់នារីបម្រើខារ៉ាអូខេក្នុងបទ ចោទប្រកាប់ប៉ុនប៉ងរំលោភសេពសន្ថវៈ និងសមគំនិតក្នុងអំពើប៉ុនប៉ងរំលោភ សេពសន្ថវៈ មជ្ឈដ្ឋានរបស់ប្រជាពលរដ្ឋ មន្ដ្រីរាជការ ក៏ដូចជាសមត្ថកិច្ចបានចាត់ ទុកថា អំពើដែលលោកស្នងការរងបាន ប្រព្រឹត្ដ ហើយមានតួនាទី រួមទាំងមាន ធនធានក្នុងសង្គមនឹងគេដែរនោះ មិនគួរ ណាមានចរិកមិនថ្លៃថ្នូរ មាក់ងាយមក លើនារីរងគ្រោះដែលជាអ្នកបម្រើខារ៉ា អូខេ ដូច្នេះអំពើអសីលធម៌ទាំងនេះវាបាន ជះឥទ្ធិពលដ៏អាក្រក់នៅក្នុងសង្គមជាតិ ក៏ ដូចជាប៉ះពាល់ទៅនឹងកិត្ដិយសនិងសេចក្ដី ថ្លៃថ្នូររបស់សមត្ថកិច្ច ដូច្នេះសាមីអង្គ ភាពគួរតែមានវិធានការផងដែរចំពោះ លោកស្នងការរង រួមនឹងបក្ខពួកដែល បានប្រព្រឹត្ដហែកអាវនិងធ្វើសកម្មភាព ផ្សេងៗក្នុងបំណងរំលោភសេពសន្ថវៈ មកលើនារីរងគ្រោះដែលជាអ្នកបម្រើ ខារ៉ាអូខេ ពីព្រោះសេចក្ដីថ្លៃថ្នូររបស់ មនុស្សគឺមានតាំងពីកំណើត មិនត្រូវ បានអ្នកណាម្នាក់ជិះជាន់ ប្រមាថមាក់ងាយ ស្អប់ខ្ពើមសម្រាប់ការរស់នៅប្រចាំថ្ងៃ ក៏ដូចជាការបំពេញការងាររបស់នារី រងគ្រោះនោះបានឡើយ ៕