ភ្នំពេញ: អគ្គលេខាធិការដ្ឋានព្រឹទ្ធសភា បានប្រកាសថា ក្នុងរយៈពេលដែលព្រះរាជាណាចក្រកម្ពុជា កំពុងស្ថិតក្នុងពេលនៃការកាន់មរណទុក្ខ នៃព្រះបរមសព សម្តេចព្រះមហាវីរក្សត្រ សម្តេចព្រះ នរោត្តម សីហនុ សម្រាប់កិច្ចប្រជុំពេញអង្គព្រឹទ្ធសភា នាថ្ងៃទី២២ ខែតុលា ឆ្នាំ២០១២ វេលាម៉ោង ៨ ព្រឹក ខាងមុខនេះ សមាជិក សមាជិកាព្រឹទ្ធសភា ត្រូវប្រើប្រាស់សម្លៀកបំពាក់កាន់ទុក្ខ ដោយបុរសត្រូវពាក់សម្លៀកបំពាក់ ពណ៌ខ្មៅ-ក្រវាត់កខ្មៅ រីឯស្ត្រី ស្លៀកសម្លៀកបំពាក់ សំពត់ខ្មៅ-អាវស។
សេចក្តីជូនដំណឹងរបស់អគ្គលេខាធិការដ្ឋានព្រឹទ្ធសភា បង្ហាញថា នាព្រឹកថ្ងៃចន្ទ ទី២២ ខែតុលា ឆ្នាំ២០១២ ព្រឹទ្ធសភានឹងបើកសម័យប្រជុំ លើកទី២ នីតិកាលទី៣ ក្រោមអធិបតីភាពដ៏ខ្ពង់ខ្ពស់របស់លោក សាយ ឈុំ ប្រធានស្តីទីព្រឹទ្ធសភា ដោយមានរបៀបវារៈកំណត់ ដូចខាងក្រោម៖
១-របាយការណ៍របស់គណៈកម្មាធិការអចិន្ត្រៃយ៍ព្រឹទ្ធសភា ស្តីពី សកម្មភាពការងាររបស់ព្រឹទ្ធសភា នីតិកាលទី៣ នៅចន្លោះសម័យប្រជុំ លើកទី១ និងលើកទី២។
២-ការប្រកាសទទួលស្គាល់ឯកឧត្តម ឈួន ឡេង ជាសមាជិកព្រឹទ្ធសភា នីតិកាលទី៣ មណ្ឌលភូមិភាគទី៦ ( ខេត្តព្រៃវែង និងស្វាយរៀង ) ជំនួសឯកឧត្តម ចាន់ ភិន ដែលទទួលមរណភាព