រមណី
ដ្ឋានឋានសួគ៌បូកគោខេត្តកំពត មានកម្ពស់ ១០៧៥ ម៉ែត្រ
ដែលត្រូវបានបញ្ចប់ការសាងសង់ក្នុងដំណាក់កាលដំបូង
រួមមានសណ្ឋាគារ និងផ្លូវបេតុងកៅស៊ូ៣ ខ្សែប្រវែង៤៩ គីឡូម៉ែត្រ
ត្រូវបានសម្ពោធដាក់ឲ្យដំណើរការនាព្រឹកថ្ងៃទី ៣ ខែឧសភា ឆ្នាំ
២០១២ក្រោមអធិបតីភាពសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា។
សម្តេចតេជោបាន
មានប្រសាសន៍កត់សម្គាល់ថា
រមណីដ្ឋានឋានសួគ៌បូកគោជាការចាប់ផ្តើមដ៏ល្អជាថ្មីនៃទី
រមណីយដ្ឋានដែល ត្រូវបានបង្កើតឡើងតាំងពីឆ្នាំ ១៩១៧
ប៉ុន្តែបានទុកចោលនៅក្នុងទសវត្សរ៍ឆ្នាំ ៧០ ហើយបាន
វិនិយោគអភិវឌ្ឍន៍ឡើងវិញដោយក្រុមហ៊ុនសុខាម៉ូតែល។
សម្តេចតេជោនាយករដ្ឋមន្ត្រីមានប្រសាសន៍
ថា ខ្ញុំចាត់ទុកថាការវិនិយោគមួយនេះមានល្បឿនលឿនណាស់ទៅ
ហើយៗវាជាសកម្មភាពដែលគួរឲ្យកោតសរសើរព្រោះនៅពេលដែលគម្រោងវិនិយោគ
នេះបាន បើកការដ្ឋានសាងសង់នៅដើមឆ្នាំ ២០០៨
វាក៏ជាពេលដែលវិបត្តិហិរញ្ញវត្ថុពិភពលោកបានកើត ឡើងដែរ
ដែលនាំឲ្យមានការមន្ទិលមិនត្រឹមតែគម្រោងនៅកម្ពុជាប៉ុណ្ណោះទេ
ប៉ុន្តែស្ថានភាព ដូចគ្នានេះក៏កើតមាននៅបរទេសផងដែរ។ សម្តេចតេជោថ្លែងថា
ខ្ញុំគិតថាដំណើរការវិនិយោគនៅទីនេះនៅក្នុងពេលវេលាមួយដ៏លំបាកនៃ
សេដ្ឋកិច្ចពិភពលោកបានធ្វើឲ្យក្រុមហ៊ុនជួបការលំបាក
ប៉ុន្តែក្រុមហ៊ុននេះបានជំនះដោយប្រើប្រាស់នូវទុនផ្ទាល់
របស់ខ្លួន និងទុន របស់ធនាគារ
ដែលនាំឲ្យសម្រេចបាននូវសមិទ្ធផលដែលត្រូវបានដាក់សម្ពោធនេះ។
សម្តេចតេជោនាយករដ្ឋមន្ត្រី
មានប្រសាសន៍ថា ខ្ញុំពិតជាមានការសប្បាយរីករាយជាមួយនឹងអ្វី
ដែលបានកើតឡើងនៅលើទឹកដី
ដែលជារមនីយដ្ឋានប្រវត្តិសាស្ត្រមានអាយុកាលជាង ១ សតវត្សមកហើយនេះ។
ខ្ញុំសូមអរគុណចំពោះក្រុមហ៊ុន ដែលបានធ្វើឲ្យគម្រោងការដ៏ធំមួយនេះ
សម្រេចបានក្នុងពេលវេលាមួយដ៏លំបាក
និងបានដោះស្រាយការងារធ្វើយ៉ាងច្រើនជូនដល់
ប្រជាពលរដ្ឋនោះ។សម្តេចតេជោថ្លែងថា
ការវិនិយោគនៅរមណីយដ្ឋានឋានសួគ៌បូកគោបានបំ
ពេញតាមទិសស្លោក«តារារះនៅទិសនិរតី»ហើយថ្ងៃនេះយើងឡើងឋានសួគ៌
ទាំងអស់គ្នា សូម ឲ្យបានសេចក្តីសុខទាំងអស់គ្នា។
នៅក្នុងសង្កថាសម្តេចតេជោនាយករដ្ឋមន្ត្រី បាន
កោតសរសើរចំពោះក្រុមហ៊ុនសូគីម៉ិច
គ្រូបក្នុងការសាងសង់ផ្លូវឡើងភ្នំប្រវែង ៣៣
គីឡូម៉ែត្រដោយចំណាយអស់ថវិកាចំនួនជាង ៤០ លានដុល្លារសហរដ្ឋអារិក
ដោយសម្តេចបានបញ្ជាក់ថា នេះជាការជួយសម្រាលបន្ទុករបស់រាជ
រដ្ឋាភិបាល ព្រោះការធ្វើដំណើរឡើងចុះពុំមានបង់ប្រាក់នោះឡើយ។
ចាប់តាំងពីបានអនុវត្តគម្រោងវិនិយោគនេះ
ក្រុមហ៊ុនសុខាម៉ូតែលបានចំណាយថវិកា សាងសង់ជាង ២០០
លានដុល្លាសហរដ្ឋអាមេរិករួចហើយ នៅក្នុងគម្រោងវិនិយោគសរុប ប្រមាណជាង
១០០០ លានដុល្លារសហរដ្ឋអាមេរិក។
ក្រុមហ៊ុន
នេះបានចុះកិច្ចសន្យាជួលដីសម្រាប់គម្រោងអភិវឌ្ឍឧទ្យានជាតិ
ព្រះមុនីវង្ស បូកគោទំហំ ១៤០ ០០០ ហិកតាពីរាជរដ្ឋាភិបាលរយៈពេល ៩៩
ឆ្នាំ។
សម្ដេចតេជោនាយករដ្ឋមន្រ្តី
ក៏បានណែនាំឱ្យស្ថាប័នពាក់ព័ន្ធ
ចុះទៅកំណត់ព្រំប្រទល់ឱ្យបានច្បាស់លាស់
ក្នុងឧទ្យានជាតិព្រះមុនីវង្សបូកគោ
ដើម្បីរៀបចំឱ្យមានផ្លូវព្រំប្រទល់ឱ្យបានច្បាស់លាស់
ចៀសវាងការកាប់ទន្ទ្រានយកដីការ ប្រមាញ់សត្វព្រៃ
និងការលួចកាប់ឈើ ចៀសវាងក្រុមហ៊ុនដែលទទួលសិទ្ធិនៅក្នុង
តំបន់ឆ្លើយដាក់រដ្ឋ ហើយរដ្ឋឆ្លើយដាក់
ក្រុមហ៊ុន(ឆ្លើយដាក់គ្នាទៅវិញទៅមក)។
សម្ដេចតេជោ
ក៏បានបញ្ជាឱ្យក្រសួងបរិស្ថានចុះពិនិត្យរៀបចំ
ធ្វើផ្លូវឱ្យបានច្បាស់លាស់
និងបានបញ្ជាឱ្យរដ្ឋមន្ដ្រីក្រសួងឧស្សាហកម្មរ៉ែនិងថាមពលដំឡើងអនុ
ស្ថានីយ៍ តភ្ជាប់ទៅនឹងខ្សែបណ្ដាញរបស់ក្រុមហ៊ុន
ដើម្បីផ្គត់ផ្គង់អគ្គីសនីឱ្យបានគ្រប់គ្រាន់។
សម្ដេចតេជោក៏
បានសម្ដែងនូវការ អបអរសាទរចំពោះក្រុមហ៊ុនសុខាបូកគោ
ដែលបានដាំដើមឈើបន្ថែម និងបានជំរុញឱ្យក្រសួងបរិស្ថានលើកទឹកចិត្ដ
ចំណែកក្រសួងកសិកម្ម រុក្ខាប្រមាញ់ និងនេសាទ
បន្ដផ្ដល់ពូជកូនឈើឱ្យដាំបន្ថែមទៀត
ពីព្រោះតំបន់រមណីយដ្ឋានបូកគោ
ជាតំបន់ត្រូវអភិរក្សនិងថែរក្សាព្រៃឈើ។
ជាមួយនឹងសមិទ្ធផលដ៏ទាក់ទាញលើ វិស័យទេសចរណ៍ដែលក្រុមហ៊ុនសុខា បូកគោកំពុងវិនិយោគនៅរមណីយដ្ឋានបូកគោខាងលើនេះ សម្ដេចតេជោ
ក៏បាន អំពាវនាវ ឱ្យគ្រប់អាជីវករទាំងអស់ត្រូវ
រក្សាកម្រិតតម្លៃឱ្យបានសមរម្យដើម្បី
រក្សានូវចំនួនភ្ញៀវទេសចរទាំងជាតិនិង
អន្ដរជាតិដែលមកកម្សាន្ដនិងដើម្បីឱ្យ ភ្ញៀវទាំងនោះ
នៅពេលដែលគេវិល ត្រឡប់ទៅវិញ លើកក្រោយគេនឹងមក
កម្សាន្ដម្ដងទៀត។
សម្ដេចតេជោនាយករដ្ឋមន្រ្តី
បានបញ្ជាក់ឱ្យដឹងថា នៅក្នុង ខេត្ដកំពតពេលអនាគត
នឹងមានកំពង់ផែទឹកជ្រៅ
ខណៈកម្ពុជានឹងមានលទ្ធភាពនាំចេញផលិតផលជាច្រើន
ពិសេសស៊ីម៉ង់ត៍សម្រាប់នាំចេញទៅក្រៅប្រទេសសរុបសេចក្ដីមក
គឺខេត្ដកំពតមានសក្ដានុពលច្រើនជាងបណ្ដាខេត្ដដទៃទៀត
ដូចជាផ្លូវគោក ផ្លូវទឹកជាដើម ដែល ខេត្ដដទៃ
មិនមានដូចខេត្ដកំពត។
ឯកឧត្តម ខូយ ឃុនហួរ
អភិបាលខេត្ដកំពត មានប្រសាសន៍ថា ខេត្ដកំពតជា
ខេត្ដមួយក្នុងតំបន់ឆ្នេរដែលមានសក្ដានុពលសំបូរបែប
ហើយខេត្ដនេះបាន ទទួលរហស្សនាមថា តារារះទិសនិសរតី
ហើយក៏ទទួលបានការជ្រើសរើសជាឆ្នេរ ស្អាតបំផុតនៅលើពិភពលោក។
ឯកឧត្តមបន្ដឲ្យដឹងថា
ក្នុងរយៈពេលកន្លងមកនេះខេត្ដកំពតបានទាក់ទាញភ្ញៀវទេសចរណ៍បាន
យ៉ាងច្រើនមកទស្សនាកម្សាន្ដ ខណៈ សម្រាប់ដើមឆ្នាំ២០១២នេះ ខេត្ដកំពត
ទទួលបានភ្ញៀវទេសចរណ៍ជាង៣០ម៉ឺន នាក់
ក្នុងនោះភ្ញៀវបរទេសជាង៧ពាន់នាក់
ចំនួននេះបើប្រៀបធៀបទៅនឹងឆ្នាំចាស់
គឺមានការកើនឡើងប្រមាណ៩៨ភាគរយ។
យោងតាមរបាយការណ៍សង្ខេបរបស់ តំណាងក្រុមហ៊ុនសុខាបូកគោបានឱ្យដឹង
ថា ភ្នំបូកគោដែលស្ថិតក្នុងខេត្ដកំពត មានកម្ពស់១.០៧៥ម៉ែត្រ
ត្រូវបានរៀប ចំធ្វើឡើងលើកដំបូងនៅឆ្នាំ១៩១៧ ជា
កន្លែងលំហែកាយរបស់អាណានិគម និយមបារាំង
ក្នុងនោះបានស្ថាបនាសំណង់ លំនៅឋាន កាស៊ីណូ សណ្ឋាគារ វិហារ
កាតូលិក វត្ដអារាម ទំនប់ទឹក និងស្ថានីយ៍ អគ្គីសនី
រួមទាំងសំណង់រដ្ឋបាលមួយ ចំនួន ប៉ុន្ដែត្រូវបានបោះបង់ចោលតាំង
ពីទសវត្សរ៍ឆ្នាំ៧០មកម្ល៉េះ។ របាយការណ៍ ដដែលបានឱ្យដឹង
ផ្លូវឡើងទៅលើកំពូល ភ្នំបូកគោ មានប្រវែង៣៣គីឡូម៉ែត្រ
ត្រូវបានខូចខាតទាំងស្រុង មិនអាចធ្វើ ដំណើរបាន។
របាយការណ៍ក្រុមហ៊ុនដដែលបានឱ្យ ដឹងទៀតថា បន្ទាប់ពីទទួលបានការអនុ
ញ្ញាតពីរាជរដ្ឋាភិបាល ក្រុមហ៊ុនសុខា
បូកគោចាប់ផ្ដើមវិនិយោគនៅចុងឆ្នាំ ២០០៧
ដើម្បីអភិវឌ្ឍតំបន់ប្រវត្ដិសាស្ដ្រ ដ៏ល្បីល្បាញនេះឡើងវិញ
ដើម្បីជួយដល់ រាជរដ្ឋាភិបាល ក្នុងការទាក់ទាញភ្ញៀវ
ទេសចរណ៍ឱ្យចូលមកកម្សាន្ដក្នុងព្រះរា ជាណាចក្រកម្ពុជា។
ក្រុមហ៊ុនសុខាបូក គោ គ្រោងនឹងរៀបចំអភិវឌ្ឍភ្នំបូកគោ
ឱ្យក្លាយទៅជារមណីយដ្ឋានមួយដែលជា គោលដៅទេសចរណ៍ដ៏ធំក្នុងចំណោម
គោលដៅទេសចរណ៍សំខាន់ៗនៃព្រះរា ជាណាចក្រកម្ពុជា
ហើយក៏នឹងប្រែក្លាយ តំបន់នេះទៅជាទីក្រុងដ៏ស្រស់ស្អាតមួយ
នៅថ្ងៃអនាគត ដើម្បីទុកជាប្រវត្ដិសាស្ដ្រ ដល់កូនចៅជំនាន់ក្រោយ ។
ជាមួយការកសាងសមិទ្ធផលលើវិស័យសេវាកម្មសណ្ឋាគារ ក្រុមហ៊ុនសុខាអូតែល
នៅ បានសាងសង់រូបសំណាក់យាយម៉ៅដ៏ធំស្កឹមស្កៃមួយ
អំពីថ្មបេតុងលើទីទួលសុវត្តិស្ថិតនៅចំពី
មុខព្រះរាជតំណាក់ស្លាខ្មៅ មានបាតបល្ល័ង្គទំហំ ២៤ ម៉ែត្របួនជ្រុង
កំពស់ជាង ៨ ម៉ែត្រ និងរូបសំណាក់យាលម៉ៅកំពស់ជាង ១៤ ម៉ែត្រ
ដែលនៅមុនពិធីសម្ពោធបានចាប់ផ្តើម សម្តេច
តេជោនាយករដ្ឋមន្ត្រីបានធ្វើការបួងសួងសុំសេចក្តីសុខពីព្រះបរមី
លោកយាយម៉ៅ សូមតាម ជួយបីបាច់រក្សាការពារព្រះរាជាណាចក្រកម្ពុជា
សូមមានសេចក្តីសុខ សេចក្តីចំរើន និងមានការ
អភិវឌ្ឍន៍គ្រប់គ្រុមគ្រូសារចាប់ពីពេលនេះតរៀងទៅ៕