សម្តេចអគ្គមហាសេនាបតីតេជោ ហ៊ុន សែន
មានប្រសាសន៍ថា នាថ្ងៃទី ៧ ឧសភា ឆ្នាំ ២០១២ ថា
អ្វីដែលរាជរដ្ឋាភិបាលកម្ពុជាចង់បាននោះគឺការជំរុញឲ្យមានការ
ហោះហើរត្រង់ពីប្រទេសជប៉ុនមកកាន់ ព្រះរាជាណាចក្រកម្ពុជា
និងបង្កើនទំហំវិនិយោគពីប្រទេសជប៉ុនផងដែរ។
ឯកឧត្តម អ៊ាង សុផល្លែត ជំនួយការសម្តេចតេជោនាយករដ្ឋមន្ត្រីឲ្យ
ដឹងថា នៅពេល អនុញ្ញាតឲ្យលោក Huyashi Susumu ប្រធានក្រុមហ៊ុន Grand
Operation មកពីប្រទេសជប៉ុនចូលជួប សំដែងការគួរសមនៅវិមានសន្តិភាពនោះ
សម្តេចតេជោនាយករដ្ឋមន្ត្រីមានប្រសាសន៍ថា
ជប៉ុនជាប្រ
ទេសមួយដែលផ្តល់ជំនួយដ៏ធំជាងគេមកកាន់ព្រះរាជាណាចក្រកម្ពុជា
ប៉ុន្តែដោយឡែកការវិនិយោគ របស់ជប៉ុនមកកាន់កម្ពុជាគឺមានតិចនៅឡើយ។
សម្តេចតេជោនាយករដ្ឋមន្ត្រីថ្លែងបញ្ជាក់
ថា ពេលនេះការវិនិយោគ នៅក្នុងព្រះរាជាណាចក្រកម្ពុជា
កំពុងតែមានការរីកចម្រើន
ហើយអ្វីដែលរាជរដ្ឋាភិបាលចង់បាននោះគឺទំហំការវិនិយោគមកពីប្រទេស
ជប៉ុនរួមនឹង
ការពង្រីកពាណិជ្ជកម្មលើវិស័យទេសចរណ៍រវាងកម្ពុជា-ជប៉ុនផងដែរ។សម្តេចតេជោនាយករដ្ឋមន្ត្រី
មានប្រសាសន៍ ថា
ប្រសិនបើមានការហោះហើរត្រង់ពីជប៉ុនមកកាន់កម្ពុជានោះអ្នកទេសចរជប៉ុន
មកកាន់កម្ពុជានឹង មានការកើនឡើង
ដែលបញ្ហានេះសម្តេចក៏បានលើកឡើងនៅពេលជួបជាមួយឯកឧត្តមនាយករដ្ឋ
មន្ត្រីជប៉ុនដែរ។ពាក់ព័ន្ធជាមួយបញ្ហាហោះហើរត្រង់មកកាន់
ព្រះរាជាណាចក្រកម្ពុជានេះ សម្តេចតេ ជោបានស្នើឲ្យលោក Huyashi Susumu ជួយក្នុងករណីមានលទ្ធភាពជំរុញការងារហោះហើរត្រង់ នេះ។
ឯកឧត្តម អ៊ាង សុផល្លែត ឲ្យដឹងបន្តថា លោក Huyashi Susumu បានជំរាប ជូនសម្តេចតេជោ នាយករដ្ឋមន្ត្រីថា
នេះជាដំណើរទស្សនកិច្ចរបស់លោកជាលើកទី ២
មកកាន់ព្រះរាជាណាចក្រកម្ពុជា ហើយមានការចាប់អារម្មណ៍ថា
ក្រោមការដឹកនាំដ៏ឈ្លាសវៃរបស់សម្តេចតេជោនាយករដ្ឋមន្ត្រី
ព្រះរាជា ណាចក្រកម្ពុជាមានការរីកចម្រើនយ៉ាងឆាប់រហ័សជាទីបំផុត ។
លោក Huyashi Susumu ថ្លែងថា អ្វី
ដែលក្រុមហ៊ុនរបស់លោកចង់ធ្វើនោះគឺចូលរួមចំណែកក្នុងការផ្សព្វផ្សាយ
ឲ្យអ្នកវិនិយោគ ក៏ដូចជា
បណ្តាក្រុមហ៊ុនជប៉ុនបានស្គាល់ច្បាស់ពីកម្ពុជា
ដែលមានប្រជាជនពោរពេញទៅដោយទឹកមុខញញឹម ហើយមានសុទិដ្ឋិនិយម
ក៏ដូចជាទទួលស្វាគមន៍ភ្ញៀវមកកាន់ប្រទេសរបស់ខ្លួនផងដែរ។
លោក Huyashi Susumu មានប្រសាសន៍ថា
ភាពស្រស់ស្រាយរួសរាយរាក់ទាក់របស់ប្រជា ជនកម្ពុជានេះហើយ
ដែលជាកត្តាសំខាន់សម្រាប់ទាក់ទាញអ្នកវិនិយោគ
និងការផ្តល់ជំនឿទុកចិត្តដល់ អ្នកវិនិយោគដទៃទៀត។
ក្រុមហ៊ុន Grand Operation មានវត្តមាននៅកម្ពុជា ហើយបានធ្វើសកម្ម
ភាពសហការជាមួយក្រុមហ៊ុនក្នុងស្រុករួមមានក្រុមហ៊ុនចំនួន ៤ គឺក្រុម
ហ៊ុនមីក្រូហិរញ្ញវត្ថុ ក្រុមហ៊ុនមូលបត្រ ក្រុមហ៊ុនវិនិយោគ
និងក្រុមហ៊ុនព័ត៌មានវិទ្យា ដែលក្រុមហ៊ុន ទាំងនេះបាន និង
កំពុងតែមានសកម្មភាពនៅក្នុងព្រះរាជាណាចក្រកម្ពុជាទៀតផង។