នវកាយរឹទ្ធិ
ខេត្តបាត់ដំបងចំនួន ៦,៦៥៦នាក់ និងតំណាងនវកាយរឹទ្ធិចំនួន៥០នាក់
ត្រូវបានបំពាក់កន្សែងជូនដោយឯកឧត្តមបណ្ឌិតសភាចារ្យ សុខ អាន
ឧបនាយករដ្ឋមន្រ្តី រដ្ឋមន្រ្តីទទួលបន្ទុកទីស្តីការគណៈរដ្ឋមន្រ្តី
និងជាប្រធានកាយរឹទ្ធិជាតិកម្ពុជា នាព្រឹកថ្ងៃទី ០៧ ខែឧសភា ឆ្នាំ២០១២
នៅខេត្តបាត់ដំបង។
ក្នុងពិធីសច្ចាប្រពិធាននិងបំពាក់កន្សែងនេះនៅទីក្រុងបាត់ដំបងដោយមានវត្តមាន ឯកឧត្តម អ៊ឹម សុធី រដ្ឋមន្រ្តី ក្រសួងអប់រំ យុវជន និងកីឡា ចូលរួមផងដែរ ឯកឧត្តម ប្រាជ្ញ ចន្ទ អភិបាលខេត្ត
និងជាប្រធានកាយរឹទ្ធិជាតិកម្ពុជាខេត្តបាត់ដំបងបានមានប្រសាសន៏ឲ្យ
ដឹងថា ចាប់តាំងពីសមាគមកាយរឹទ្ធិជាតិកម្ពុជា
ខេត្តបាត់ដំបងបង្កើតឡើងកាលពីថ្ងៃទី១៧ ខែវិច្ឆិកា ឆ្នាំ២០០១
ដែលមានសមាជិក៨៤៣នាក់ ក្នុងនោះស្រី ៣០១៣នាក់មកដល់បច្ចុប្បន្ន
ទូទាំងខេត្តបាត់ដំបង មានសមាជិកកាយរឹទ្ធិសរុប១១,៩៨៧នាក់
(ស្រី៦២១៤នាក់)។ ឯកឧត្តមអភិបាលខេត្ត និងជាប្រធានកាយរឹទ្ធិជាតិកម្ពុជា
ខេត្តបាត់ដំបងបានឲ្យដឹងទៀតថា ក្រៅពីការចួលរួមធ្វើការបណ្តុះបណ្តាល
និងបំពាក់កន្សែងជូន សមាជិកកាយរឹទ្ធិជាតិកម្ពុជាខេត្តបាត់ដំបង
គៀងគរបានថវិកា ចំនួន១,០៦៥,៦០០រៀល
ជួយឧបត្ថមដល់កងទ័ពដែលឈរជើងនៅសមរភូមិមុខខេត្តព្រះវិហារ។
សមាជិកកាយរឹទ្ធិចំនួន១.៥០៩នាក់ (ស្រី៧២៣នាក់)
បានចូលរួមធ្វើពលកម្មសំអាតបរិស្ថាន ក្រោយពេលទឹកជំនន់ស្រក។
ក្រៅពីនេះសមាជិកខេត្តបាត់ដំបង
បានចួលរួមធ្វើពលកម្មបរិស្ថានលើកកំពស់សោភ័ណភាព នៅប្រាសាទស្នឹង
ប្រាសាទបាណន់ នៅស្រុកបាណន់ខេត្តបាត់ដំបង
និងបានចូលរួមធ្វើការងារសង្គមជាច្រើនទៀត។
ឯកឧត្តម ប្រាជ ចន្ទ
បានចាត់ទុក ការចូលរួមជម្រុញសកម្មភាពរបស់កាយរឹទ្ធិជាតិកម្ពុជា
ដើម្បីលើកកំពស់អប់រំលីលធម៌ យុវជន សំដៅប្រែក្លាយយុវជន
ឲ្យទៅជាកម្លាំងចលករដ៏សំខាន់សំរាប់ អភិវឌ្ឍប្រទេសជាតិ។
មានប្រសាសន៏
សំណេះសំណាលក្នុងពិធីសច្ចារប្រណិធាន
និងបំពាក់កន្សែងជូននវកាយរឹទ្ធិជាតិកម្ពុជាខេត្តបាត់ដំបង
ឯកឧត្តមបណ្ឌិតសភាចារ្យ សុខ អាន បានអបអរសាទនិងកោត
សរសើរចំពោះសកម្មភាពកាយរឹទ្ធិជាតិខេត្តបាត់ដំបង
ក្នុងការចួលរួមក្នុងសកម្មភាពសង្គមនានា ដែលធ្វើឲ្យខេត្តបាត់ដំបង
ក្លាយជាមជ្ឈមណ្ឌលសេដ្ឋកិច្ច
និងជាតំបន់ទេសចរណ៏សំខាន់មួយរបស់ព្រះរាជាណាចក្រកម្ពុជា
ធ្វើឲ្រជីវភាពប្រជាពលរដ្ឋកាន់ តែបានប្រសើរឡើង។ ឯកឧត្តមបណ្ឌិត សុខ អាន ក៏បានសំដែងនូវការគោរពដឹងគុណ ចំពោះសម្តេចអគ្គមហាសេនាបតីតេជោ ហ៊ុន សែន
នាយករដ្ឋមន្រ្តីនៃព្រះរាជាណាចក្រកម្ពុជា
និងលោកជំទាវកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន
ប្រធានកាកបាទក្រហមកម្ពុជា និងជាគរុគុណនៃកាយរឹទ្ធិជាតិកម្ពុជា
ដែលបានសម្តេចតេជោ និងលោកជំទាវ បានឧបត្ថម
គាំទ្រជានិច្ចដល់ដំណើរការកាយរឹទ្ធិជាតិកម្ពុជា
ឲ្យពង្រឹងបាននូវតួនាទីនឹងគំរូល្អរបស់ខ្លួន នៅក្នុងសង្គម
សំដៅធ្វើឲ្យមានការកែប្រែឥរិយាបឋរបស់យុវជនឆ្ពោះទៅរកភាពវិជ្ជមាន។ សម្តេចតេជោ និង
លោកជំទាវបានយចិត្តទុកដាក់ខ្ពស់បំផុតចំពោះកុមារ
និងយុវជនកម្ពុជាឲ្យទទួលបាននូវសិទ្ធគ្រប់បែបយ៉ាងរួមមាន
សិទ្ធរស់រានមានជីវិត សិទ្ធក្នុងការអភិវឌ្ឍ សិទ្ធទទួលការការពារ
និងសិទ្ធទទួលបានការអប់រំប្រកបដោយសមធម៌។
ដោយផ្អែកទៅតាមគោលនយោបាយជាតិស្តីពីការអភិវឌ្ឍយុវជនកម្ពុជា
ដែលរាជរដ្ឋាភិបាលកម្ពុជា ក្រោមការដឹកនាំរបស់សម្តេចអគ្គមហាសេនាបតីតេជោ ហ៊ុន សែន បានដាក់ចេញកាលពីឆ្នាំ ២០១១ ក្នុងនាមប្រធានកាយរឹទ្ធិជាតិកម្ពុជា ឯកឧត្តមបណ្ឌិតសភាចារ្យ សុខ អាន បាន
អំពាវនាវដល់ឯកឧត្តម លោកជំទាវ លោក លោកស្រី អ្នកនាងកញ្ញា
និងអាជ្ញាធរគ្រប់លំដាប់ថ្នាក់ នៃខេត្តបាត់ដំបង មាតាបីតា
អាណាព្យាបាលសិស្ស លោកគ្រូអ្នកគ្រូ ចូលរួមជំរុញចលនាអប់រំយុវជន
តាមប្រព័ន្ធកាយរឹទ្ធិកម្មនេះឲ្យកាន់តែរស់រវើក
និងមានប្រសិទ្ធភាពសំរាប់ជាប្រយោជន៏ដល់យុវជនខេត្តបាត់ដំបង
ក៏ដូចជាសង្គមជាតិទាំងមូល។