នៅទីបំផុតស្ពានមិត្តភាពកម្ពុជា-ចិន
ឆ្លងកាត់ទន្លេមេគង្គនៅខេត្តស្ទឹងត្រែង និងផ្លូវជាតិលេខ ២១៤
ដែលត្រូវប្តូរឈ្មោះជាផ្លូវជាតិ លេខ ៩
តភ្ជាប់តាមបណ្តោយព្រំដែនប៉ែកឥសាន្ត និងខាងលិចប្រទេសកម្ពុជា
បានបើកការដ្ឋានសាងសង់ជាផ្លូវការនាព្រឹកថ្ងៃទី ៥ ឧសភា ឆ្នាំ ២០១២
ក្រោមអធិបតីភាពដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា និងវត្តមានតំណាងឯកអគ្គរដ្ឋទូតនៃសាធារណរដ្ឋប្រជាមានិតចិនជាសាក្សី។
ក្នុងពិធីបើកការដ្ឋានសាងសង់
ផ្លូវជាតិលេខ ៩ និងស្ពានមិត្តភាពកម្ពុជា-ចិន
ឆ្លងកាត់ទន្លេមេគង្គនៅខេត្តស្ទឹងត្រែង
សម្តេចតេជោនាយករដ្ឋមន្រ្តីមានប្រសាសន៍ថា ខ្ញុំពិតជាមានមោទនភាព
ដោយសារតែអ្វីដែលបាន
និងកំពុងកើតឡើងនេះវាផ្តើមចេញពីកិច្ចសហប្រតិបត្តិការរវាង
កម្ពុជា និង ចិន។ ខ្ញុំសូមអរគុណចំពោះរដ្ឋាភិបាល និងប្រជាជនចិន
ដែលជានិច្ចកាលបានផ្តល់នូវការគាំទ្រដល់ការអភិវឌ្ឍន៍ប្រទេស
កម្ពុជា ហើយមិត្តចិនបានជួយកម្ពុជាឲ្យតភ្ជាប់ជាមួយប្រទេសឡាវ
និងប្រទេសវៀតណាម ដើម្បីអភិវឌ្ឍតំបន់ត្រីកោណ។
សម្តេចអគ្គមហាសេនាបតីតេជោ ហ៊ុន សែន
មានប្រសាសន៍ថា ការសាងសង់ផ្លូវជាតិនេះ ជា
ពិសេសស្ពានដ៏វែងឆ្លងកាត់ទន្លេមេគង្គនេះ
មិនត្រឹមតែជាព្រឹត្តិការណ៍ប្រវត្តិសាស្ត្រ និងជាលទ្ធផល
ជាក់ស្តែងនៃគម្រោងអភិវឌ្ឍនៅគ្រប់ទិសទីនៃផ្ទៃប្រទេសប៉ុណ្ណោះទេ
ប៉ុន្តែថែមទាំងជាការបង្កើនល្បឿន
និងប្រសិទ្ធភាពនៃការធ្វើសមាហរណកម្មផ្ទៃក្នុងប្រទេសទៀតផង។
សម្តេចតេជោនាយករដ្ឋមន្ត្រីថ្លែងថា ការសាងសង់ផ្លូវជាតិ
និងស្ពានដ៏វែងឆ្លងកាត់ទន្លេមេគង្គនេះ
នឹងជួយបំព្រួញគម្លាតគោលដៅដាច់ស្រយាល និងតំបន់តាមព្រំដែន
ជាមួយតំបន់នានានៅទូទាំងប្រទេសកម្ពុជា
ដើម្បីធ្វើឲ្យមានភាពងាយស្រួលក្នុងការធ្វើចរាចរណ៍ទំនាក់ទំនង
ផ្លាស់ប្តូរផលិតផលរវាងប្រជាជននៅតំបន់ដាច់ស្រយាលទាំងនេះ
ជាមួយនឹងប្រជាជននៅគ្រប់ទិសតំបន់នៅក្នុងប្រទេស
និងតំបន់ដែលមានសក្តានុពលសេដ្ឋកិច្ច ដទៃទៀត
និងដោយឡែកជួយជម្រុញល្បឿននៃការអភិវឌ្ឍតំបន់ព្រំដែនប្រកបដោយចីរភាព
និងស្ថិរ ភាពសន្តិសុខ
និងកិច្ចសហប្រតិបត្តិការជាមួយប្រទេសជិតខាងផងដែរ។
ដោយយោងទៅរកគម្រោងដែលនឹងត្រូវបញ្ចប់នៅឆ្នាំ ២០១៥
ជាឆ្នាំដែលអាស៊ានបានក្លាយទៅជា«សហគមន៍អាស៊ាន»នោះ
សម្តេចតេជោនាយករដ្ឋមន្ត្រីថ្លែងថា ផ្លូវ និង
ស្ពាននេះនឹងក្លាយទៅជាផ្នែកមួយនៃការតភ្ជាប់នៅពេលដែលអាស៊ាន
ក្លាយទៅជាសហគមន៍ប្រជាជាតិមួយ។
ឯកឧត្តម ត្រាំ អ៊ីវតឹក
រដ្ឋមន្ត្រីក្រសួងសាធារណការ និងដឹកជញ្ជូន ថ្លែងឲ្យដឹងថា
ផ្លូវជាតិលេខ២១៤ មានប្រវែងសរុប ១៤៣,៤១
គីឡូម៉ែត្រចាប់ពីភូមិរាជានុកូល សង្កាត់ស្ទឹងត្រែង ខេត្តស្ទឹងត្រែង
ទៅដល់សង្កាត់ប៉ាលហាល ក្រុងត្បែងមានជ័យ ខេត្តព្រះវិហារ
ផ្លូវនេះគ្រោងនឹងប្រើរយៈពេលសាងសង់ ៤៥ ខែដោយចំណាយថវិកា ១១៦,៥
លានដុល្លារសហរដ្ឋអាមេរិក
ដោយរួមទាំងថវិកាបដិភាគរបស់រាជរដ្ឋាភិបាលកម្ពុជា។
ស្ពានមិត្តភាពកម្ពុជា-ចិនមេគង្គស្ទឹងត្រែងមានប្រវែង ១៧៣១ ម៉ែត្រ។
នៅក្នុងរយៈពេលប៉ុន្មានខែនេះមាន
គម្រោងសាងសង់ផ្លូវស្ពានចំនួន ៥ ខ្សែតាមបណ្តោយព្រំ ដែនប៉ែកឥសាន្ត
និងខាងលិចប្រទេសកម្ពុជាមានប្រវែងជាង ៥០០ គីឡូម៉ែត្រ
ដែលបានប្រើប្រាស់
ឥណទានសាធារណរដ្ឋប្រជាមានិតចិនត្រូវបានសម្ពោធដាក់ឲ្យប្រើប្រាស់
និងបើកការដ្ឋាន សាងសង់ ដែលក្នុងនោះរួមមានផ្លូវជាតិលេខ ៦២
ពីខេត្តកំពង់ធំទៅខេត្តព្រះវិហារប្រវែង ១១៦ គីឡូម៉ែត្រ ផ្លូវជាតិលេខ
៧៦ ពីស្នួល-សែនមនោរម្យប្រវែង ១២៧ គីឡូម៉ែត្រ និងសែនមនោរម្យ-លំផាត់
ប្រវែង ១៧១,៧៨ គីឡូម៉ែត្រ ផ្លូវជាតិលេខ ៥៧បេ ប្រវែង ១៧៦,៣៥ គីឡូមែត្រ
ផ្លូវជាតិលេខ ៦ ប្រវែង ៤០,៥ គីឡូម៉ែត្រ និងផ្លូវជាតិលេខ ២១៤ មានប្រវែង
១០៣ គីឡូម៉ែត្រ។