ទិវា
ពិភពលោក កាកបាទក្រហម អឌ្ឍចន្ទក្រហម ៨ ឧសភា ឆ្នាំ ២០១២
ក្រោមប្រធានបទ (យុវជនកំពុងនាំគ្នាធ្វើសកម្មភាព )
បានប្រព្រឹត្តទៅនាព្រឹកថ្ងៃទី ៨ ខែឧសភាឆ្នាំ ២០១២
នាទីស្នាក់ការ កណ្តាលកាកបាទក្រហមកម្ពុជា
នៅក្រោមអធិបតីភាពដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន
នាយករដ្ឋមន្ត្រីនៃព្រះរាជាណាចក្រកម្ពុជា ។
ថ្លែងសុន្ទរកថានៅក្នុងទិវាមនុស្សធម៌ពិភពលោកនេះ
លោកជំទាវកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន បានឲ្យដឹងថា
កន្លងមក
កាកបាទក្រហមកម្ពុជាសម្រេចបានសមិទ្ធផលនានាជាបន្តបន្ទាប់ទូទាំងប្រទេស
តាមរយៈកិច្ចសហ
ប្រតិបត្តិការនិងការចូលរួមយ៉ា់ងសកម្មពីកម្លាំងយុវជនទូទាំងប្រទេស
ជួយសង្គ្រោះដល់គ្រួសារភៀសសឹកនៅ ខេត្តឧត្តរមានជ័យ
និងខេត្តព្រះវិហារសរុបជា ៤
ម៉ឺនគ្រួសារគ្រួសាររងគ្រោះដោយទឹកជំនន់ក្នុងរាជធានី-ខេត្ត ទាំង ១៨
បានចំនួន ២៧៧.៧១២ គ្រួសារ លើចំនួនគ្រួសាររងគ្រោះសរុបចំនួន ៣៥៤.១២៧
គ្រួសារ ។ លើសពីនេះទៅទៀត ក្នុងតំណាក់កាលស្តារ
និងកសាងឡើងវិញក្រោយទឹកជំនន់ ហើយដែលកាកបាទក្រហម
កម្ពុជាមានភារកិច្ចផ្តល់ការជួយឧបត្ថម្ភជុំទី ៣ នោះ
កាកបាទក្រហមកម្ពុជាបានសម្រេចនូវការផ្តល់ជំនួយ
សង្គ្រោះដល់គ្រួសារចាស់ជរា ស្ត្រីមេម៉ាយ អ្នករស់នៅជាមួយបេរោគអេដស៍
បានចំនួន ៣៣.២៥២ គ្រួសារ នៅតាមខេត្តចំនួន ៦
និងជួយដល់គ្រួសាររងគ្រោះដោយខ្យល់ព្យុះបានរាប់ពាន់គ្រួសារទៀត ។
សមិទ្ធផល
ដែលយើងរួមគ្នាសម្រេចបានកន្លងមកនេះបានឆ្លុះបញ្ចាំងឱ្យឃើញនូវ
ផ្លែផ្កានៃកម្លាំងមហាសាមគ្គីភាពប្រកប
ដោយទឹកចិត្តមនុស្សធម៌និងស្មារតីនៃវប្បធម៌ចែករំលែករបស់ប្រជាជនយើង
ដែលតែងតែបានជួយយកអាសារ និងជួយដោះទុក្ខធុរៈគ្នាទៅវិញទៅមក
នៅពេលជួបប្រទះនូវទុក្ខលំបាកជាយថាហេតុនានា។
លោកជំទាវកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានបន្តថា
សម្រាប់ឆ្នាំ ២០១២ នេះ យើងនៅ
ប្រឈមបញ្ហាជាសកលមួយចំនួនទៀតដែលចាំបាច់ត្រូវប្តេជ្ញាចិត្តខិតខំ
ប្រឹងប្រែងរួបរួមកម្លាំងមនុស្សធម៌ពី គ្រប់មជ្ឍដ្ឋានទាំងក្នុង
និងក្រៅប្រទេស
នាំគ្នាបន្តអនុវត្តសកម្មភាពមនុស្សធម៌នេះឱ្យកាន់តែសកម្មផុលផុស
ទ្វេឡើង ។ ក្នុងនោះ
យើងនឹងបន្តយកចិត្តទុកដាក់លើការកៀរគរយុវជនឱ្យចូលរួមជាកម្លាំងស្ម
គ្រ័ចិត្តនៅក្នុង សកម្មភាពទាំងអស់នេះ ។ រហូតមកដល់ពេលនេះ
យើងមានយុវជនកាកបាទក្រហមកម្ពុជាទូទាំងប្រទេស ចំនួនជិត ៣ ម៉ឺននាក់ហើយ
ដែលបាននិងកំពុងធ្វើសកម្មភាពចម្រុះវិស័យ
ក្នុងភារកិច្ចជាភ្នាក់ងារនៃការផ្លាស់ ប្តូរឥរិយាបថក្នុងសហគមន៍
និងជាមិត្តអប់រំមិត្ត នៅតាមគ្រឹះស្ថានសិក្សា
និងកន្លែងបំពេញការងាររបស់ខ្លួន ដើម្បីបង្ហាញពីទេពកោសល្យ
និងតម្លៃរបស់ខ្លួនជាកូនល្អ សិស្ស-និស្សិតល្អ មិត្តល្អ
និងជាពលរដ្ឋល្អ សម្រាប់ ជាឧត្តមប្រយោជន៍ចំពោះសង្គមជាតិ ។
លោកជំទាវកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានបន្តថា
ជាមួយនឹងការពង្រីកកម្លាំងយុវជន
សមាគមជាតិកាកបាទក្រហមកម្ពុជាក៏បានយកចិត្តទុកដាក់ផងដែរលើការពង្រឹ
យន្តការគ្រប់គ្រងចលនា
យុវជនកាកបាទក្រហមនៅគ្រប់លំដាប់ថ្នាក់ដើម្បីធានាឱ្យបាននូវវឌ្ឍនភាព
ប្រកបដោយចីរភាពនៃកម្លាំង មនុស្សធម៌វ័យក្មេងទាំងអស់នោះ ។ ក្នុងនោះ
កាកបាទក្រហមកម្ពុជាក៏បានយកចិត្តទុកដាក់ផងដែរលើការ
កែលម្អការអនុវត្តសកម្មភាពមនុស្សធម៌របស់យុវជន
ដោយបានធ្វើសមាហរណកម្មជំនាញ បំណិន ចំណេះដឹង
និងចំណេះធ្វើជាក់លស្តែងដើម្បីឆ្លើយតបទៅនឹងសេចក្តីត្រូវការនិង
ចូលរួមដោះស្រាយបញ្ហាប្រឈមនានានៅក្នុងសង្គមជាតិ
និងឆន្ទៈមោះមុតឥតរាថយក្នុងបុព្វហេតុមនុស្សធម៌របស់សង្គមជាតិយើង ។
សម្តេចអគ្គមហាសេនាបតីតេជោ ហ៊ុន សែន បានថ្លែងកត់សម្គាល់ថា
ការប្រារព្វទិវាពិភពលោកកាកបាទក្រហម អឌ្ឍចន្ទក្រហម ៨ ឧសភា លើកទី ១៤៩
នាពេលនេះបានបង្ហាញ ឱ្យប្រជាជនកម្ពុជាគ្រប់ៗរូបបានយល់
និងជ្រួតជ្រាប កាន់តែច្បាស់ថែមទៀតអំពីសកម្មភាពមនុស្សធម៌ និង
បញ្ហាប្រឈមជាសកលនានាដែលបានក្លាយជាក្តីកង្វល់រួមនៃចលនា
កាកបាទក្រហម អឌ្ឍចន្ទក្រហម ហើយ ចាំបាច់ត្រូវរួមគ្នាកិតគូរ
និងរកដំណោះស្រាយសម្រាប់ជួយសង្គ្រោះជនរងគ្រោះឱ្យបានទាន់ពេលវេលា និង
មានប្រសិទ្ធភាព ។
កិច្ចការទាំងនេះគឺជាការរួមចំណែកយ៉ាងសំខាន់ជាមួយរាជរដ្ឋាភិបាល
ក្នុងការកាត់បន្ថយ នូវអត្រានៃភាពក្រីក្រ
និងដោះស្រាយបាននូវទុក្ខលំបាករបស់ប្រជាជន និងជនងាយរងគ្រោះ ។
សម្តេចអគ្គមហាសេនាបតីតេជោ ហ៊ុន សែន បានថ្លែងអំណរគុណ កោតសរសើរ
និងវាយតម្លៃខ្ពស់ ចំពោះគ្រប់កម្លាំងពីគ្រប់មជ្ឈដ្ឋាន
ដែលជានិច្ចកាលតែងតែចូលរួមជាមួយកាកបាទក្រហមកម្ពុជា ក្នុងការផ្តល់
នូវការគាំទ្រ ផ្តល់នូវក្តីសង្ឃឹម និងភាពកក់ក្តៅដល់ជនរងគ្រោះ
គ្រួសារងាយរងគ្រោះទាំងឡាយ ជាពិសេស ជនចាស់ជរា ជនគ្មានទីពឹង
ស្ត្រីមេម៉ាយ កុមារកំព្រា អ្នករស់នៅជាមួយមេរោគអេដស៍-ជំងឺអេដស៍ជាដើម
។
សម្តេចតេជោក៏បានថ្លែងនូវការកោតសរសើរ
និងវាយតម្លៃខ្ពស់ជាពិសេសជូនចំពោះលោកជំទាវកិត្តិ ព្រឹទ្ធបណ្ឌិត ប៊ុន
រ៉ានី ហ៊ុន សែន ប្រធានកាកបាទក្រហមកម្ពុជា
ដែលមានទឹកចិត្តមោះមុតធ្វើការដោយឥត
ខ្លាចនឿយហត់ក្នុងដំណើរសកម្មភាពមនុស្សធម៌
រួមជាមួយថ្នាក់ដឹកនាំគ្រប់លំដាប់ថ្នាក់ មន្ត្រី បុគ្គលិក
បណ្តាញអ្នកស្មគ្រ័ចិត្តនិងក្រុមយុវជនស្មគ្រ័ចិត្តទាំងអស់នៃ
កាកបាទក្រហមកម្ពុជាដែលផ្តល់នូវការគាំទ្រដ៏មុតមាំនិងសហការយ៉ាងជិត
ស្និត្ធដើម្បីអនុវត្តសកម្មភាពមនុស្សធម៌ក្នុងក្របខណ្ឌនៃផែនការ
យុទ្ធសាស្ត្រទាំងអស់
របស់កាកបាទក្រហមកម្ពុជារហូតសម្រេចបាននូសមិទ្ធផលជាច្រើនជូនជាតិនិង
ប្រជាជន។
សម្តេចអគ្គមហាសេនាបតីតេជោ ហ៊ុន សែន បានបន្តប្រសាសន៍ថា
ទោះបីយើងទទួលជោគជ័យបែប នេះក្តី ក៏នៅមានតម្រូវការច្រើនថែមទៀត
ជាពិសេសតម្រូវការពីការចូលរួមរបស់អ្នកស្មគ្រ័ចិត្ត និងយុវជន
កាកបាទក្រហម ។ យើងបានដឹងច្បាស់ថា នៅគ្រប់សម័យកាល គ្រប់សង្គម យុវជន
មិនត្រឹមតែជាកម្លាំងដ៏ ស្រួចស្រាល់ មានកម្លាំងកាយកម្លាំងចិត្ត
និងស្មារតីភ្លឺស្វាង មានទឹកចិត្តក្លាហានពុះពារគ្រប់ឧបសគ្គ័ ហ៊ាន
ប្រឈមនឹងការលំបាកឥតរារែកប៉ុណ្ណោះទេ យុវជនគឺជាសរសរទ្រូង
និងជាអនាគតនៃប្រទេសជាតិ ។ ដោយ យុវជនមានលក្ខណៈពិសេសខាងលើនេះហើយ
បានធ្វើឱ្យួយុវជនក្លាយទៅជាធនធានដ៏មានតម្លៃ ហើយកាន់
តែសំខាន់កឺនៅក្នុងចលនាមនុស្សធម៌របស់កាកបាទក្រហម អឌ្ឍចន្ទក្រហម ។
សម្តេចតេជោបានអំពាវនាវដល់ប្រជាជន មហាជនគ្រប់ស្រទាប់ ក្រសួងស្ថាប័ន
អាជ្ញាធរដែនដីអង្គភាព មន្ទីរពាក់ពន្ធ័
សូមបន្តយកចិត្តទុកដាក់សហការឱ្យកាន់តែសកម្ម និងរស់រវើក ជាមួយ
កាកបាទក្រហមកម្ពុជាដើម្បីធ្វើឱ្យប្រធានបទ
យុវជនកំពុងនាំគ្នាធ្វើសកម្មភាព ក្លាយទៅជាសកម្មភាពសម្រាប់
អនុវត្តការងារជាក់ស្តែងក្នុងការដោះស្រាយបញ្ហាប្រឈម ។
បន្តជំរុញចលនាយុវជនកាកបាទក្រហមកម្ពុជា
ឱ្យក្លាយទៅជាកម្លាំងដ៏ស្រួចស្រាល់
មានឆនៈមុតមាំក្នុងការងារមនុស្សធម៌ ឈានទៅសម្រេចបាននូវស្មារតី
ដែលបានកំណត់ឡើង គឺធ្វើឱ្យកាន់តែច្រើនជាងមុន
ធ្វើឱ្យកាន់តែល្អជាងមុន ធ្វើឱ្យបានកាន់តែស៊ីជម្រៅជាង មុន
និងទៅឱ្យបានកាន់តែឆ្ងាយជាងមុន ។
គួរបញ្ជាក់ថា នៅក្នុងឱកាសនៃការប្រារព្វ ទិវាពិភពលោក កាកបាទក្រហម
អឌ្ឍចន្ទក្រហម ៨ ឧសភា ឆ្នាំ ២០១២ ក្រោមប្រធាន បទ
(យុវជនកំពុងនាំគ្នាធ្វើសកម្មភាព )
កាកបាទក្រហមកម្ពុជាទទួលបានការគាំទ្រជាថវិកាពីសប្បុរសជនទាំ
ងក្នុង និងក្រៅ ប្រទេសសរុបចំនួន ១០.៥២៨.៩១៩ ដុល្លារអាមេរិក
។ក្នុងនោះព្រះករុណាព្រះមហាក្សត្រនៃព្រះរាជាណាចក្រកម្ពុជា ព្រះ
អង្គទ្រង់ព្រះរាជូបត្ថម្ភព្រះរាជទ្រព្យចំនួន ១ ម៉ឺនដុល្លារអាមេរិក ។
ព្រះករុណាព្រះមហាវីរៈក្សត្រព្រះវរ រាជបិតាជាតិខ្មែរ
និងសម្តេចព្រះមហាក្សត្រីយ៍ព្រះវររាជមាតាជាតិខ្មែរ
ព្រះប្រធានកិត្តិយសកាកបាទក្រហម កម្ពុជា
ព្រះអង្គទ្រង់ព្រះរាជូបត្ថម្ភព្រះរាជទ្រព្យចំនួន ២
ម៉ឺនដុល្លារអាមេរិក។
ការប្រារព្ធពិធី ទិវាពិភពលោក កាកបាទក្រហម អឌ្ឍចន្ទក្រហម ៨ ឧសភា
ឆ្នាំ ២០១២
នេះកាកបាតក្រហមកម្ពុជាទទួលបានការអញ្ជើញចូលរួមពីសំណាក់ឯកឧត្តម
លោកជំទាវ ជាសមាជិក សមាជិកា រដ្ឋសភា ព្រឹទ្ធសភា រាជរដ្ឋាភិបាល
ព្រះអង្គម្ចាស់ក្សត្រីយ៍
ប្រតិភូគណៈកម្មាធិការអន្តរជាតិកាកបាទក្រហមប្រចាំ ភូមិភាគ
ប្រតិភូសហពន្ធ័អន្តរជាតិប្រចាំភូមិភាគ ឯកឧត្តម លោកជំទាវ ជាសមាជិក
សមាជិកា គណៈកម្មាធិ ការកណ្តាលកាកបាទក្រហមកម្ពុជា
តំណាងអង្គទូតនានាប្រចាំកម្ពុជា ឯកឧត្តម លោកជំទាវ លោកឧកញ្ញ៉ា
អ្នកឧកញ៉ា អស់លោក លោកស្រីជាសប្បុរសជនទាំងក្នុង និងក្រៅប្រទេស អស់លោក
លោកស្រីតំណាងអង្គ ការក្រៅរដ្ឋាភិបាល
សមាជិកអ្នកស្ម័គ្រចិត្តកាកបាទក្រហមកម្ពុជា យុវជនកាកបាទក្រហមកម្ពុជា
យុវជន កាយរិទ្ធ មន្ត្រីបុគ្គលិក ស្នាក់ការកណ្តាលកាកបាទក្រហមកម្ពុជា
ព្រមទាំងប្រជាពលរដ្ឋ យ៉ាងច្រើនកុះករ ។