ការបោះឆ្នោតក្រុមប្រឹក្សាឃុំ/សង្កាត់បានខិតជិតមកដល់
គណបក្សនយោបាយនីមួយៗបានខិតខំរិះរក
គ្រប់មធ្យោបាយដើម្បីទាក់ទាញសម្លេងគាំទ្រពីម្ចាស់ឆ្នោត
ដោយប្រើគ្រប់រូបភាពតាមតែអាចធ្វើទៅរួច ដោយ
មានគណបក្សខ្លះមិនខ្វល់នឹងការប្រព្រឹត្តខុស ឬត្រូវច្បាប់ឡើយ ។
ប៉ុន្តែបើយើងសង្កេតមើលឲ្យបានដិតដល់
និងដោយយកចិត្តទុកដាក់បំផុតនោះ យើងនឹងឃើញយ៉ាង
ច្បាស់ថាមានតែគណបក្សប្រជាជនកម្ពុជាមួយគត់
ដែលបានប្រើមធ្យោបាយធ្វើការទាក់ទាញសម្លេងគាំទ្រពី
ប្រជាពលរដ្ឋដែលជាម្ចាស់ឆ្នោតគ្រប់ច្រកល្ហក
តាមបែបការអភិវឌ្ឍន៍នៅនឹងកន្លែង ក្នុងមូលដ្ឋានផ្ទាល់របស់
ប្រជាពលរដ្ឋម្ចាស់ឆ្នោត ។
ពិសេសនៅក្នុងអណតិ្ត
នៃការដឹកនាំរាជរដ្ឋាភិបាលកម្ពុជា ដោយគណបក្សប្រជាជនកម្ពុជា ដែលជា
គណបក្សទទួលបានសម្លេងគាំទ្រដ៏លើសលុបពីប្រជាពលរដ្ឋម្ចាស់ឆ្នោតនោះ
បានព្យាយាមស្វែងរកគ្រប់វិធី ដើម្បីលើកកម្ពស់ជីវភាពប្រចាំថ្ងៃ
របស់ប្រជាពលរដ្ឋម្ចាស់ឆ្នោត ឲ្យមានលក្ខណៈល្អប្រសើរឡើងថែមមួយ
កម្រិតទៀតស្របនឹងការអភិវឌ្ឍន៍ទូទៅក្នុងតំបន់
ដែលក្នុងនាមប្រទេសកម្ពុជា ជាប្រធានសមាគមអាស៊ាន
ហើយក៏ជាការដឹកនាំដោយសម្តេចអគ្គមហាសេនាបតីតេជោ ហ៊ុន សែន
ដែលជាថ្នាក់ដឹកនាំ នៃគណបក្ស ប្រជាជនកម្ពុជាផងដែរ ។
ដោយឡែកក្រុមគណបក្សប្រឆាំង
បានជ្រើសរើសយកមធ្យោបាយការរិះគន់ និងជេរប្រមាថមកលើ
រាជរដ្ឋាភិបាលកម្ពុជា និងគណបក្សប្រជាជនកម្ពុជា
ដែលជាគណបក្សកាន់អំណាច ធ្វើជាយុទ្ធសាស្រ្តស្វែង រកសម្លេងឆ្នោត
ដែលជារឿងមួយគួរឲ្យខ្មាស់អៀនបំផុត
សម្រាប់ក្រុមមេគណបក្សទណ្ឌិតរត់ចោលប្រទេស
និងក្រុមមេបក្សដែលអតីតមេចោរលួចអង្ករជាតិថាស្រឡាញ់ជាតិ
និងអតីតមេសិទ្ធិមនុស្សតែកេងប្រវ័ញ្ចប្រាក់
ពីអង្គការសិទ្ធិមនុស្សមកធ្វើជាប្រយោជន៍ផ្ទាល់ខ្លួន
ដែលប្រជាពលរដ្ឋក៏បានដឹងច្បាស់ដែរអំពីរឿងនេះ ។
មិនតែប៉ុណ្ណោះក្រុមគណបក្សប្រឆាំងទាំង
នោះ ពុំដែលបានកសាងអ្វីដែលជាសមិទិ្ធផលកើតចេញពី ស្នាដៃ
ឬប្រាក់កាសផ្ទាល់ខ្លួនឡើយ ។ ប៉ុន្តែដើម្បីបិទបាំង
និងបន្លំភ្នែកម្ចាស់ឆ្នោត បែរជាមករិះគន់គណបក្ស ប្រជាជនកម្ពុជាថា
មន្រ្តីរាជរដ្ឋាភិបាលមកពីគណបក្សប្រជាជនកម្ពុជា
បានយកម៉ោងការងាររដ្ឋទ្រព្យសម្បតិ្ត
រដ្ឋទៅឃោសនាបម្រើឲ្យផលប្រយោជន៍គណបក្សទៅវិញ
នេះគឺជាការចោទប្រកាន់មួយដែលមិនឆ្លុះបញ្ចាំង ការពិតទាល់តែសោះ
ពីព្រោះថាមន្រ្តីរាជរដ្ឋាភិបាលដែលកើតចេញពីគណបក្សប្រជាជនកម្ពុជា
តែងតែយក ឱកាសចុងសប្តាហ៍ ឬថ្ងៃឈប់សំរាកផ្សេងៗ
ចុះជួយនិងសួរសុខទុក្ខប្រជាពលរដ្ឋជាម្ចាស់ឆ្នោតដែលជាប្រពៃណី
នៃការចែករំលែកទាំងសុខ និងទុក្ខគ្នាទៅវិញទៅមក
ហើយក៏ជាការស្ទាបស្ទង់នូវតម្រូវការជាក់ស្តែងនៅក្នុង មូលដ្ឋានផងដែរ ។
ផ្ទុយទៅវិញ
ក្រុមគណបក្សប្រឆាំងមេរត់ចោល និងចោរលួចអង្ករ
ដែលក្នុងនាមជាអ្នកតំណាងរាស្រ្ត តែងតែលួចម៉ោងកិច្ចប្រជុំរដ្ឋសភា
ចុះជួបសកម្មជនគណបក្សរបស់ខ្លួនដោយមិនគិតពីផលប្រយោជន៍ជាតិជាធំ
គឺយកតែផលប្រយោជន៍គណបក្សជាសំខាន់ជាងជាតិ
ហើយដល់ពេលរដ្ឋសភាឈប់សម្រាករយៈពេលបីខែ
សម្រាប់ឲ្យចុះសួរសុខទុក្ខប្រជាពលរដ្ឋម្ចាស់ឆ្នោត
បែរជាយកពេលវេលានេះដើរលេងបរទេសទៅវិញ។
សរុបសេចក្តីមក
សូមបងប្អូនប្រជាពលរដ្ឋដែលជាម្ចាស់ឆ្នោត
មេត្តាសង្កេតមើលឲ្យបានច្បាស់លាស់
ថាតើទង្វើដែលបានរៀបរាប់ខាងលើរបស់គណបក្សប្រឆាំងជាការពិត ឬក៏មិនពិត?
ឯចំណែកការអភិវឌ្ឍន៍
ដែលកើតចេញពីស្នាដៃរបស់ថ្នាក់ដឹកនាំគ្រប់ជាន់ថ្នាក់
របស់គណបក្សប្រជាជនកម្ពុជាកន្លងមក និងបច្ចុប្បន្ន តើជាការពិតដែរឬទេ?
ភូមិន្ទ