សម្តេចអគ្គមហាសេនាបតីតេជោ ហ៊ុន សែន
បានស្នើតាមរយៈលោក KEVIN JENKINS
ដែលជាប្រធានអង្គកាទស្សនៈពិភពលោក
ដែលជាអង្គការមានវត្តមានមុនគេនៅក្នុងព្រះរាជាណាចក្រកម្ពុជាបន្ទាប់
ពីរបបប្រល័យពូជសាសន៍ ប៉ុល ពត បានដួលរលំទៅនោះ
ឲ្យបន្តជួយនិងបន្តធ្វើជាដៃគូល្អជាមួយរាជរដ្ឋាភិបាលកម្ពុជាថែមទៀត
ព្រោះថា កម្ពុជានៅ តែត្រូវការអង្គការនេះ
បើទោះបីជាស្ថានភាពបច្ចុប្បន្នមានសភាពធូរស្រាលក៏ដោយ។
ឯកឧត្តម អ៊ាង សុផល្លែត ជំនួយការសម្តេចតេជោនាយករដ្ឋមន្ត្រីឲ្យ
ដឹងថា នៅពេលអនុញ្ញាតឲ្យ លោក KEVIN JENKINS
ប្រធានអង្គការទស្សនៈពិភពលោកចូលជួបសំដែងការគួរសម នៅវិមានសន្តិ ភាព
កាលពីថ្ងៃទី ៧ ឧសភា សម្តេចតេជោនាយករដ្ឋមន្ត្រីមានប្រសាសន៍ថា
ទោះបីជាភាពក្រីក្រនៅ ក្នុងប្រទេសកម្ពុជាត្រូវបានកាត់បន្ថយក៏ពិតមែន
ក៏ប៉ុន្តែសុខភាពរបស់ប្រជាជនក៏ដូចជាកុមារកម្ពុជា
នៅតែមានភាពផុយស្រួយនៅឡើយ ដូច្នេះសម្តេចបានស្នើឲ្យអង្គការនេះ
បន្តជួយកម្ពុជាលើវិស័យអប់ រំ ក៏ដូចជាវិស័យសុខាភិបាល
និងបន្តជាដៃគូរបស់រាជរដ្ឋាភិបាលកម្ពុជា ដើម្បីជួយដល់កុមារ
និងប្រជា ជនកម្ពុជានោះ។សម្តេចតេជោនាយករដ្ឋមន្ត្រីបានថ្លែងអំណរគុណ
ចំពោះជំនួយទាំងឡាយដែលអង្គការ ទស្សនៈពិភពលោកបានជួយដល់កម្ពុជា
ជួយដល់ប្រជាជនក្រីក្រ និងកុមារកម្ពុជា ដែលកាយវិការនេះ
គឺបានចូលរួមចំណែកក្នុងការអភិវឌ្ឍកម្ពុជាផង
ក៏ដូចជាការចូលរួមចំណែកក្នុងការអភិវឌ្ឍធនធាន
មនុស្សរបស់កម្ពុជាផងដែរ។
លោក KEVIN JENKINS បានជំរាបជូនសម្តេចតេជោនាយករដ្ឋមន្ត្រី
ថា អង្គការទស្សនៈពិភពលោកជាអង្គការដែលធ្វើការជាមួយប្រជាជនក្រីក្រ
និងកុមារនៅលើពិភពលោក និងនៅកម្ពុជាផងដែរ។លោក KEVIN JENKINS
បានថ្លែងថា អង្គការរបស់លោកមានសកម្មភាពយ៉ាងល្អ នៅកម្ពុជា
ដោយលោកបានជួបជាមួយកុមារក្រីក្រកម្ពុជា
និងបានស្វែងយល់ពីការរីកចម្រើន និងការ
អភិវឌ្ឍរបស់ព្រះរាជាណាចក្រកម្ពុជា
និងការយកចិត្តទុកដាក់របស់រាជរដ្ឋាភិបាលចំពោះកុមារក្រីក្រ ផងដែរ។
ឯកឧត្តម អ៊ាង សុផល្លែត ជំនួយការសម្តេចតេជោនាយករដ្ឋមន្ត្រីឲ្យ
ដឹងថា លោក KEVIN JENKINS មានប្រសាសន៍ថា
អង្គការទស្សនៈពិភពលោកមានកិត្តិយសណាស់
ដែលបានធ្វើជាដៃគូរបស់រាជរដ្ឋាភិបាលកម្ពុជា
ហើយអង្គការទស្សនៈពិភពលោកនឹងបន្តធ្វើជាដៃគូល្អ
របស់រាជរដ្ឋាភិបាលជាបន្តទៅទៀត៕