រសៀលថ្ងៃទី៨ ខែឧសភា ឆ្នាំ២០១២ សម្តេចអគ្គមហាសេនាបតីតេជោ ហ៊ុន សែន
នាយករដ្ឋមន្ត្រី នៃព្រះរាជាណាចក្រកម្ពុជាបានអនុញ្ញាតឲ្យ
ឯកឧត្តម Sukhumbhand Paribatra
អភិបាលទីក្រុងបាងកកប្រទេសថៃបានចូលជួបសម្តែងការគួរសម
និងបានមានប្រសាសន៍លើកទឹកចិត្តឲ្យរាជធានីនៃប្រទេសទាំងពីរ
សហការ និងពិភាក្សាផ្លាស់ប្តូរបទពិសោធន៍រវាងគ្នា
និងគ្នាទៅវិញទៅមកឲ្យបានល្អប្រសើរឡើងទាំងនៅក្នុងពេលបច្ចុប្បន្ន
ក៏ដូចជាទៅ អនាគតផងដែរ។
ឯកឧត្តម អ៊ាង សុផល្លែត ជំនួយការសម្តេចតេជោនាយករដ្ឋមន្ត្រីឲ្យដឹងថា សម្តេចតេជោបាន
មានប្រសាសន៍ថា រាជធានីភ្នំពេញពិតជាតូចជាងទីក្រុងបាងកកមែន
ប៉ុន្តែអ្វីដែលមានហើយជាការប្រឈមរវាងក្រុងភ្នំពេញ
និងទីក្រុងបាងកកនោះគឺមានប្រហាក់ប្រហែលគ្នា។សម្តេចតេជោ
ក៏បានលើកទឹកចិត្តឲ្យធ្វើកិច្ចសហប្រតិបត្តិការជាមួយគ្នា
ដែលបញ្ហាប្រឈមធំបំផុតគឺគ្រោះថ្នាក់ចរាចរ បញ្ហាគ្រឿងញៀន ក្មេងទំនើង
ពេស្យាចារ និងជាពិសេសជំរុញកិច្ចសហ ប្រតិបត្តិការលើវិស័យទេសចរណ៍
សេដ្ឋកិច្ច វិនិយោគ និងពាណិជ្ជកម្មជាដើម។
ឯកឧត្តម Sukhumbhand Paribatra បានជម្រាបជូនសម្តេចតេជោនាយករដ្ឋមន្ត្រី
ថា លោកមិនបានមកធ្វើទស្សនកិច្ចនៅក្នុងប្រទេសកម្ពុជាអស់រយៈពេល ៥ ឬ ៦
ឆ្នាំមក
ហើយៗក្នុងដំណើរទស្សនកិច្ចនៅកម្ពុជានាពេលនេះឯកឧត្តមបានសង្កេតឃើញថា
កម្ពុជាមានការរីក ចម្រើនយ៉ាងឆាប់រហ័ស
ដែលឯកឧត្តមសូមវាយតម្លៃខ្ពស់ចំពោះការអភិវឌ្ឍរបស់រាជធានីភ្នំពេញ
។ ឯកឧត្តមអភិបាលក្រុងបាងកក ក៏បានរាយការណ៍ជូនសម្តេចតេជោនាយករដ្ឋមន្ត្រី
ថា ឯកឧត្តមបានធ្វើការពិភាក្សា ជាមួយ
ឯកឧត្តមអភិបាលរាជធានីភ្នំពេញលើកិច្ចសហប្រតិបត្តិការរវាងទីក្រុង
ទាំងពីរ ហើយបានឯកភាពគ្នាថា គោលការណ៍លើកិច្ចសហប្រតិបត្តិការនេះ។
ឯកឧត្តមនឹងបញ្ជូនសហការីរបស់
ឯកឧត្តមមកធ្វើការលម្អិតជាមួយនឹងអាជ្ញាធររាជធានីភ្នំពេញ។ ឯកឧត្តម
Sukhumbhand Paribatra បានបន្តថា កិច្ចសហ
ប្រតិបត្តិការរវាងទីក្រុងបាងកក និងរាជធានីភ្នំពេញ
គឺមានសារសំខាន់ណាស់ដែលកិច្ចសហប្រតិបត្តិការនេះនាំមកនូវ
ភាពជិតស្និទ្ធរវាងប្រជាជន
និងប្រជាជននិងផ្តល់ផលប្រយោជន៍សម្រាប់រាជធានីទាំង
ពីរផងដែរ។ទីក្រុងបាងកកធ្លាប់ធ្វើការងារយ៉ាងច្រើន
ហើយការងារទាំងនោះសុទ្ធសឹងតែអាចជាបទពិសោធន៍
ដែលអាចផ្ទេរមករាជធានីភ្នំពេញ។ចំណែករាជធានីភ្នំពេញក៏មានកិច្ចការ
ជាច្រើនដែលរូប លោកត្រូវរៀនសូត្រដើម្បីដកស្រងនូវបទពិសោធន៍ផងដែរ៕