ដោយ ៖ សំរិត
ភ្នំពេញ ៖ លោក កែប ជុតិមា អភិបាលរាជធានីភ្នំពេញបានបញ្ជាក់ថា យុវជន គឺជាកម្លាំងចលករ ដែលមិនអាចខ្វះបាន ក្នុងការរួមចំណែក អភិវឌ្ឍន៍ វិសយ័សេដ្ឋកិច្ច សង្គមកិច្ច វប្បធម៌ វិសយ័នយោបាល និងវិសយ័ទេសចរណ៍ ។ ក្រុមការងារយុវជន ជាកម្លាំងដែលមានថាមពលគ្រប់គ្រាន់ទាំងកម្លាំងកាយ កម្លាំងចិត្ដ កម្លាំងប្រាជ្ញា ស្មារតីគ្រប់គ្រាន់លើការងារ អនុវត្ដន៍ប្រកបដោយជោគជ័យ ដែលប្រ ទេសជាតិប្រគល់ឱ្យ មានតែក្រុមយុវជនទេដែល ជាសរសរទ្រូងដ៍រឹងមាំមិនអាចខ្វះបានព្រោះយុវជនជាទំពាំងស្នងឬស្សី ។
នាព្រឹកថ្ងៃទី១២ ខែតុលា ឆ្នាំ២០១២ នេះនៅទីស្នាក់ការកណ្ដាលគណៈបក្សប្រជាជនកម្ពុជារាជធានីភ្នំពេញក្នុងពិធីផ្សព្វផ្សាយរបាយការណ៍បូកសរុបការងារគណៈប្រជាជនកម្ពុជា ឆ្នាំ២០១១ និងទិសដៅការងារភារកិច្ចចុងឆ្នាំ២០១២ និងអនុវត្ដបន្ដការងារឆ្នាំ២០១៣នៅរាជធានីភ្នំពេញតាមរបាយការណ៍របស់ លោក ផន សូគីម អនុប្រធាក្រុមការងារយុវជនគណបក្សប្រជាជនកម្ពុជាថ្នាក់កណ្ដាលថា គិតមកត្រឹមខែកុម្ភៈ ឆ្នាំ២០១២ក្នុងចំណោមប្រជាជនសរុប១៤.៧៤១.៤១៤នាក់ ក្នុងនោះយុវជនដែលមានអាយុពី១៨ដល់៣៥ឆ្នាំមានចំនួន៤.៩៩១.៤២០នាក់ ត្រូវជា៣៣,៨៦ភាគរយនៃប្រជាជនសរុប ។ យុវជននៅទីប្រជុំជន១៣៥៨៣២១នាក់ស្មើយុជន នៅជនបទ ៣.៦៣២.៨៩៩នាក់ត្រូវជា៧២៧៩ភាគរយ យុវជនជាកម្មកររោងចក្រ និងជាពលរដ្ឋ ក្នុងឧស្សាហកម្មខ្នាតតូច និងសប្បកម្ម ៥៣៩.៣២៦នាក់ស្មើ១០,៨០ភាគរយ ។ យុវជនជាសមាជិកបក្សមានចំនួន ២៣៧៣៤៨៣នាក់ ។ យុវជនដែលមានឈ្មោះក្នុងបញ្ជីបោះឆ្នោឆ្នាំ២០១២មាន ៤.៧៤២.០៨២នាក់ ក្នុងនោះយុវជនជាសមាជិកគណបក្សមានឈ្មោះក្នុងបញ្ជីបោះឆ្នោតចំនួន២.៣៧០.០៩២នាក់ ត្រូវជា៤៩,៩៨ភាគរយ ។
លោកបន្ដថា សកម្មភាពរបស់ក្រុមការងារយុវជន ដែលបានចូលរួមក្នុងសង្គមជាតិកន្លងមកនេះ គឺបានចុះសាកសួរសុខទុក្ខ និងនាំយកអំណោយទៅចែជូនកងទ័ព ឈរជើងការពារទឹកដីនៅតាមបណ្ដោយព្រុំដែនកម្ពុជា ថៃ និងយុវជនដែលរងរបយសសម្រាកព្យាបាលនៅមន្ទីរពេទ្យ ដែលរួមមាន ក្រុមការងារយុវជនគណបក្សថ្នាក់កណ្ដាល រាជធានី ខេត្ដ ។ លើសពីនេះ ក្រុមការងារយុវជន និងក្រុមសកម្មជនគណបក្ស ក៍បានចូលរួមយ៉ាងសកម្ម ក្នុងការងារមនុស្សធម៌ផ្សេងៗ ដូចជាការផ្ដល់ឈាម ការសំអាតបរិស្ថាន ការដាំដើមឈើ ការចុះបូមទឹក ដាក់ស្រែ ដកស្ទូង ច្រូតកាត់ ការជូយប្រជា ជនរងគ្រោះពីគ្រោះធម្មជាតិ ជាពិសេសគ្រោះទឹកជំនន់ក្នុងឆ្នាំ២០១១។
លោក កែប ជុតិមា អភិបាលរាជធានីភ្នំពេញបានបញ្ជាក់ថា យុវជន គឺជាកម្លាំងចលករ ដែលមិនអាចខ្វះបាន ក្នុងការរួមចំណែក អភិវឌ្ឍន៍ វិសយ័សេដ្ឋកិច្ច សង្គមកិច្ច វប្បធម៌ វិសយ័នយោបាល និងវិសយ័ទេសចរណ៍ ។ ក្រុមការងារយុវជន ជាកម្លាំងដែលមានថាមពលគ្រប់គ្រាន់ទាំងកម្លាំងកាយ កម្លាំងចិត្ដ កម្លាំងប្រាជ្ញា ស្មារតីគ្រប់គ្រាន់លើការងារ អនុវត្ដន៍ប្រកបដោយជោគជ័យ ដែលប្រទេសជាតិប្រគល់ឱ្យ មានតែក្រុមយុវជនទេដែល ជាសរសរទ្រូងដ៍រឹងមាំមិនអាចខ្វះបានព្រោះយុវជនជាទំពាំងស្នងឬស្សី ។ លោកបន្ដថា ក្រុមការងារយុវជនត្រូវ បន្ដកិច្ចសហការជាមួយអង្គការក្រៅរដ្ឋាភិបាល និងស្ថាបន័ផ្សេងៗទៀត ដើម្បីពង្រឹង និងពង្រីកការគាំទ្រ ពីគ្រប់មជ្ឍដ្ឋានដល់គណបក្ស ធ្វើយ៉ាងណាឱ្យគណ បក្សទទួលជោគជ័យ ។ ជំរុញយុវជនគណបក្ស ពិនិត្យបញ្ជីឈ្មោះ និងចុះឈ្មោះបោះឆ្នោត បំផុសយុវជនឱ្យគាំទ្រ និងបោះឆ្នោត ជូនគណបក្ស ដើម្បីគណបក្សទទួលបានជោគជ័យនៅក្នុងការបោះឆ្នោតជ្រើសតាំងតំណាងរាស្ដ្រនីតិកាលទី៥ឆ្នាំ ២០១៣ខាងមុខ។សូមបញ្ជាក់ថា ក្នុងឱកាសនេះដែរក្រុមយុវជន៥៧៨នាក់ក្នុងម្នាក់ៗ លោក កែប ជុតិមា បានប្រគល់ថវិកាសម្រាប់ឱកាសបុណ្យភ្ជុំបិណ្ឌចំនួន២មឺនរៀលផងដែរ ៕