ដោយ ៖ សំរិត
ភ្នំពេញ ៖ អាជ្ញាធររាជធានីភ្នំពេញបានផ្ដល់អំណោយមនុស្សធម៌ ដល់សមាគមនុស្សចាស់ចំនួន៤២២នាក់ ក្នុងឱកាសបុណ្យភ្ជុំបិណ្ឌប្រពៃណីខ្មែរនិងដើម្បីជាការលើកទឹកចិត្ដ បន្ទាប់ពីត្រូវបានបាត់បង់សម្បទាវិជ្ជាជីវៈ ពីថ្នាក់ដឹកនាំជាមន្ដ្រីរាជការ នៅមន្ទីរអង្គភាពនានានោះមក ។ អំណោយដែលអាជ្ញាធរផ្ដល់ជូននាពេលនេះ ក្នុងម្នាក់ៗទទួលបានក្រណាត់ស១ដុំ ភួយ១ និងថវិកា៤ម៉ឺនរៀល ។
នៅក្នុងពិធីសំណេះសំណាលនារសៀលថ្ងៃទី១១ ខែតុលា ឆ្នាំ២០១២ នៅសាលារជាធានីភ្នំពេញ លោក ម៉ម់ សារិន ប្រធានក្រុមប្រឹក្សារាជធានីភ្នំពេញបានបញ្ជាក់ថា បញ្ហាមនុស្សចាស់គឺជាកង្វល់មួយ ក្នុងចំណោមបញ្ហាជាច្រើន ដែលរាជរដ្ឋាភិបាលកម្ពុជាកំពុងយកចិត្ដទុកដាក់ និងដោះស្រាយជាបណ្ដើៗ ។ ជាការពិតណាស់ ក្មេងមិនធ្នាប់ចាស់ តែចាស់ធ្លាប់ក្មេង ការគិតពីមនុស្សចាស់គឺជាការគិត ពីខ្លួនឯងនិងជាកង្វល់ពីមនុស្សចាស់ គឺជាកង្វល់របស់យើងទាំងអស់គ្នា ។ មនុស្សយើងម្នាក់ៗមិនអាចគេចចេញពីភាពជរាបានទេ ដូចនេះការត្រៀមខ្លួន និងការស្វែងរកដំណោះស្រាយពីបច្ចុប្បន្ននេះសម្រាប់ទៅអនាគត គឺជាជោគជយ័មួយដែលជួយយើងឱ្យរួចផុតពីហានីភយ័នានា ។ កាចុះខ្សោយនៃរាងកាយ ស្មារតី អារម្មណ៍ និងការបាត់បង់នូវចំណូលប្រចាំថ្ងៃបានធ្វើឱ្យមនុស្សចាស់ ក្លាយជាជនដែលងាយរងគ្រោះ ។ បច្ចុប្បន្ននេះ បញ្ហាមនុស្សចាស់ជាច្រើនត្រូវបានគេបំភ្លេចចោល សូមបីតែតម្រូវការមូលដ្ឋានរបស់គាត់ ដូចជា អាហារ ការស្នាក់នៅ ថ្នាំដង្កូវផ្សេងៗ ក៍ពុំបានផ្គត់ផ្គង់ឱ្យគ្រប់គ្រាន់នោះដែរ ។ ក្នុងចំណោយនេះក៍មានមនុស្ស ចាស់មួយចំនួនទៀត ត្រូវបានគេចាត់ទុកឱ្យនៅឯកកោតែម្នាក់ឯង គ្មានទីពឹង គ្មានទីពុំនាក់ នេះជាប្រការដ៍គ្រោះថ្នាក់បំផុតសម្រាប់ មនុស្សចាស់ដែលយើងគួរយកចិត្ដទុដាក់ ។
លោក ម៉ម់ សារិន បានបន្ដថា ជាសំណាងល្អមួយនៅក្នុងសង្គមខ្មែរយើង មនុស្សចាស់ត្រូវបាន ទទួលពីការមើលថែទាំពីក្រុមគ្រួសារ ពីសមាជិកគ្រួសារ នេះគឺជាគមរូល្អមួយរបស់ជាតិយើង ។ ការគាំទ្រផ្លូវកាយនិងផ្លូវចិត្ដ គឺជាការបង្ហាញនូវភាពវិជ្ជមានរបស់សង្គមក្នុងការគាំ ទ្រទីលើមនុស្សចាស់ ។ ការបង្កើតឱ្យមានសមាគមន៍មនុស្សចាស់គឺជាដំណោះស្រាយ ប្រកបដោយប្រសិទ្ធភាព និងមានភាពវិជ្ជមានចំពោះមនុស្សចាស់ ។
លោក សន សុផល ប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទា រាជធានីភ្នំពេញ បានឱ្យដឹងថា ដោយផ្អែកតាមគោលនយោបាយរបស់រាជរដ្ឋាភិបាលកម្ពុជា និងមានសេចក្ដីណែនាំពីស្ថាបន័ ជំនាញរាជធានីភ្នំពេញ សមាគមន៍មនុស្សចាស់បានដំណើរជាបណ្ដើរៗហើយ ជាលទ្ធផលមកដល់ពេលនេះយើងបង្កើតបានចំនួន៧២សមាគម ដែលមានសមាជិកមកពីសង្កាត់ សមាជិកមកពីខណ្ឌ សរុប១៤៩៨១នាក់ ប្រុស៥៦៥១នាក់ និងស្រី៩៣៣០នាក់ ក្នុងចំណោមនោះសមាជិក មួយចំនួនជាអតីតមន្ដ្រីរាជការស៊ីវិល ហើយសមាគមទាំង៧២នេះ មួយចំនួនបានដំណើរការសកម្មភាពរបស់ខ្លួនយ៉ាងសកម្ម ។
លោក សន សុផល បន្ដថា គោលបំណងដែលនាំឱ្យបង្កើតសមាគមមនុស្សចាស់នេះឡើង គឺដើម្បីលើកស្ទួយសុខមាលភាពរបស់មនុស្សចាស់ ឱ្យប្រសើរឡើង ។ គ្រប់គ្រងធនធានមនុស្សចាស់ប្រកបដោយប្រសិទ្ធភាព ធានាបានការផ្ទេរចំណេះដឹងបទពិសោធន៍ ការអនុវត្ដល្អ ដល់អ្នកជំនាន់ក្រោយៗ និងសង្គមជាតិ ។ សូមបញ្ជាក់ថា សមាជិកសមាគមន៍មនុស្សចាស់រហូតមកដល់បច្ចុប្បន្ននេះមានចំនួន១៤៩៨១នាក់ មាន៧២សមាគមន៍ ដែលបម្រើ នៅតាមសង្កាត់ និងខណ្ឌ មន្ទីរ នៅតាមបណ្ដា ខេត្ដរាជធានី រាល់សមាជិកណាម្នាក់ដែល បានមរណៈភាពសមាគមន៍និងមានប្រាក់ឧបត្ថម្ភចំនួន២លានរៀលផងដែរ ៕
.jpg)
.jpg)
.jpg)
.jpg)