ដោយ ៖ សាគុណ
ភ្នំពេញ ៖ លោក Sompong SAMGUANBUN ឯកអគ្គរាជទូតថៃប្រចាំកម្ពុជា ដែលត្រូវបានចប់អណត្តិការទូត បានជួបពិភាក្សាជាមួយលោក ខៀវ កាញារីទ្ធ រដ្ឋមន្ត្រីក្រសួងព័ត៌មាន នារសៀលថ្ងៃទី១០ តុលា ឆ្នាំ២០១២ នៅទីស្តីការក្រសួងព័ត៌មាន ។
លោកឯកអគ្គរាជទូត Sompong SAMGUANBUN បានថ្លែងថា ក្រសួងព័ត៌មាន បានដើរតួនាទីដ៏សំខាន់ក្នុងការធ្វើទំនាក់ទំនងរវាងប្រទេសទាំងពីរ ព្រះរាជាណាចក្រថៃនិង ព្រះរាជាណាចក្រកម្ពុជា ដែលមានបញ្ហាខ្លះៗអំពីព្រំដែនកន្លងមក ។ លោកក៏បានថ្លែងអំ ណរគុណចំពោះក្រសួងព័ត៌មានផងដែរ ដែលបានសហការល្អជាមួយស្ថានទូតនៃព្រះរាជា ណាចក្រថៃប្រចាំកម្ពុជា ហើយលោកសង្ឃឹមថាក្រសួងព័ត៌មាននឹងបន្តសហការល្អជាមួយ ស្ថានទូតថៃតទៅទៀត ជាមួយឯកអគ្គរាជទូតថ្មី ដែលមកជំនួសរូបលោកនាពេលខាង មុខនេះ ។ លោកបានជម្រាបថា បន្ទាប់ពីលោកវិលត្រឡប់ទៅប្រទេសថៃវិញ លោកនឹងទៅ បំពេញបេសកកម្មជាឯកអគ្គរាជទូតនៅប្រទេសហុងគ្រីបន្តទៀត ។
លោករដ្ឋមន្ត្រី ខៀវ កាញារីទ្ធ ក៏បានថ្លែងអំណរគុណផងដែរ ចំពោះលោកឯកអគ្គរាជទូត ដែលបានធ្វើកិច្ចសហការល្អជាមួយក្រសួងព័ត៌មាន និងបានផ្លាស់ប្តូរព័ត៌មាន ធ្វើឲឲ្យ ប្រទេសទាំងពីរមិនមានការវិវាទគ្នាជាធំដុំនៅក្នុងជម្លោះព្រំដែនកន្លងមក ។ លោករដ្ឋមន្ត្រី ក៏ បានជម្រាបអំពីគម្រោងរបស់ក្រសួងព័ត៌មានដែលនឹងរៀបចំនូវអង្គកឋិនទានមួយដង្ហែទៅ កាន់វត្តព្រះពុទ្ធបាទភ្នំដី ស្ថិតក្នុងខេត្តសុរិន្ទ ប្រទេសថៃនាខែវិច្ឆិកាខាងមុខនេះ ហើយបាន ស្នើសុំដល់លោកឯកអគ្គរាជទូតជួយទំនាក់ទំនងជាមួយក្រសួងការបរទេសថៃ សម្រួលលើ លិខិតឆ្លងដែន និងការធ្វើដំណើរនៅក្នុងប្រទេសថៃ ដោយធ្វើយ៉ាងណាឲ្យការធ្វើដំណើរ បានលឿន ព្រោះថាអង្គកឋិននេះមានចំនួនមនុស្សច្រើនគឺជាង៥០០នាក់ ដូច្នេះហើយ យើងត្រូវការធ្វើដំណើរឲ្យបានឆាប់ព្រោះខ្លាចមិនទាន់កម្មវិធីដង្ហែអង្គកឋិនទាន ដែលនៅ ឆ្ងាយនោះ ។
លោកឯកអគ្គរាជទូតក៏បានជម្រាបផងដែរថា ប្រសិនជាលោកមានពេលវេលា លោកនឹងអញ្ជើញទៅចូលរួមនៅក្នុងកម្មវិធីដង្ហែអង្គកឋិនទាននោះផងដែរ ។
ដោយឡែកនៅព្រឹកថ្ងៃដដែលនេះដែរ លោករដ្ឋមន្ត្រី ខៀវ កាញារីទ្ធ ក៏បានប្រជុំ គណៈកម្មការរៀបចំអង្គកឋិនទានដង្ហែទៅកាន់វត្តព្រះពុទ្ធបាទភ្នំដីក្នុងខេត្តសុរិន្ទ ប្រទេសថៃ នេះផងដែរ ។
កិច្ចប្រជុំបានលើកឡើងនូវការអំពីការសិក្សាស្រាវជ្រាវអំពីប្រវត្តិរបស់វត្តមួយចំនួន នៅក្នុងខេត្តសុរិន្ទ ហើយបានជ្រើសរើសយកវត្តមួយឈ្មោះថា វត្តព្រះពុទ្ធបាទភ្នំដី ស្ថិតក្នុង ភូមិឡៅអយ ស្រុកថាទូម ខេត្តសុរិន្ទ ប្រទេសថៃ ព្រោះវត្តព្រះពុទ្ធបាទភ្នំដីនេះមានលក្ខណៈ ដើមជាខ្មែរ ហើយវត្តនេះត្រូវបានរៀបចំឡើងដោយព្រះចៅអធិការមួយអង្គ ដែលជាជន ជាតិខ្មែរ បានភៀសព្រះកាយចេញពីស្រុកមោងឬស្សី ខេត្តបាត់ដំបង ប្រទេសកម្ពុជា ទៅ គង់នៅខេត្តសុរិន្ទតាំងពីឆ្នាំ១៩៧០ ហើយក៏បានសាងសង់ជាវត្តនៅទីនោះ ។ បច្ចុប្បន្ននេះ ទោះបីព្រះអង្គបានសុគត៌ទៅហើយក្តី ប៉ុន្តែភាពរុងរឿងនិងមានជំនឿថាវត្តនេះមាបារមីស័ក្ត សិទនោះ ត្រូវបានប្រជាពលរដ្ឋនៅក្នុងខេត្តសុរិន្ទគោរពបូជា ជាទីសក្ការៈជារៀងរហូតមក ដល់សព្វថ្ងៃនេះ ។ ចំណែកការធ្វើដំណើរដង្ហែអង្គកឋិននេះគឺធ្វើដំណើរឆ្លងកាត់ព្រំដែន កម្ពុជា-ថៃ ត្រង់ច្រកអូស្មាច់ ក្នុក្រុងសំរោង ខេត្តឧត្តរមានជ័យ ឆ្ពោះទៅកាន់វត្តព្រះពុទ្ធបាទ ភ្នំដី ព្រោះថាផ្លូវនេះមានចំងាយជិត ។
លោករដ្ឋមន្ត្រី ខៀវ កាញារីទ្ធ បានកណត់យកថ្ងៃទី០២ ខែវិច្ឆិកា ឆ្នាំ២០១២ ជាថ្ងៃ ចេញដំណើរពីភ្នំពេញ ហើយនៅព្រឹកថ្ងៃទី០៣ ខែវិច្ឆិកា ចាប់ដង្ហែអង្គកឋិនទានចេញពីខេត្ត សុរិន្ទឆ្ពោះទៅកាន់វត្តព្រះពុទ្ធភ្នំដី ប៉ុន្តែនៅថ្ងៃទី៣១ ខែតុលា ឆ្នាំ២០១២ ក៏មានពិធីសូត្រមន្ត អង្គកឋិនទាននេះផងដែរ ដោយប្រារព្ធធ្វើនៅក្រសួងព័ត៌មានវេលាម៉ោង៣រសៀល ។ ដើម្បី រៀបចំអង្គកឋិនទាននេះឲ្យបានរៀបរយ លោករដ្ឋមន្ត្រី បានណែនាំដល់មន្ត្រីរាជការក្រសួង ព័ត៌មាន និងអ្នកដែលមានបំណងចូលរួមក្នុងពិធីដង្ហែអង្គកឋិនទាននេះឲ្យមកចុះឈ្មោះនៅ ក្រសួងព័ត៌មាន ដោយកណត់យកត្រឹមតែចំនួន ៥០០នាក់ប៉ុណ្ណោះ ។ រីឯការចំណាយ ផ្សេងៗ( ធ្វើដំណើរ ហូបចុក ស្នាក់នៅត្រូវបង់ថ្លៃដោយខ្លួនឯង ) គឺបង់នៅពេលចុះឈ្មោះ នៅក្រសួង ។ លោករដ្ឋមន្ត្រីក៏បានឲ្យថ្នាក់ដឹកនាំនៃក្រសួងព័ត៌មានមួយចំនួនធ្វើការរៀបចំ និងពិនិត្យមើលស្ថានភាព និងទំនៀមទំលាប់នៃការដង្ហែអង្គកឋិនទានរបស់ព្រះរាជាណាចក្រថៃផងដែរ ដើម្បីយើងហែរអង្គកឋិនទាននេះទៅឲ្យស្របទៅនឹងប្រពៃណីរបស់ប្រទេស ថៃផងដែរ ៕
.jpg)
.jpg)
