ដោយ ៖ សំរិត
ភ្នំពេញ ៖ តាមទំនាមទម្លាប់ប្រពៃណីខ្មែរតាំងពីដូនតាតរៀងមក ឱ្យតែដល់ថ្ងៃ១រោច ខែភទ្របទ រហូតដល់ថ្ងៃ១៥រោច ខែភទ្របទ ពុទ្ធបរិស័ទចំណុះជើងវត្តនៅគ្រប់ទីអារាមនៃវត្ដនីមួយៗ ទូទាំងប្រទេសកម្ពុជា តែងតែនាំគ្នាប្រារព្ធពិធីបុណ្យកាន់បិណ្ឌ ដើម្បីធ្វើចង្ហាន់ទុកប្រគេនព្រះសង្ឃក្នុងខណៈ ដែលខែនេះជារដូវភ្លៀងព្រះសង្ឃមិនអាដើរបិណ្ឌបាតបាន ។ ក្នុងឱកាសនេះលោក កែប ជុតិមា និងលោកជំទាវ ព្រមទាំងមន្ដ្រីរាជការក្រោមឱវាទពុទ្ធបរិសទ្ធ័ជាច្រើនបានចូលរួម ក៍បានអញ្ជើញទៅកាន់បិណ្ឌនៅវត្ដឧត្ដមពោធិ៍ព្រឹក្ស(ហៅវត្ដស្លែង) ស្ថិតក្នុងសង្កាត់ ពងទឹក ខណ្ឌដង្កោ រាជធានីភ្នំពេញ កាលពីព្រឹកថ្ងៃទី ១១ ខែ តុលា ឆ្នាំ២០១២នេះ ។
នៅក្នុងពិធីកាន់បិណ្ឌនេះលោក កែប ជុតិមា ក៍បាលនាំយកនូវទេយ្យទាន ជាគ្រឿងឧបភោគ បរិភោគ មានមី ទឹកបរិសុទ្ធិ ត្រីខ ទឹកក្រូច តែ ស្ករស ទឹកត្រី ទឹកសាអ៊ីវ អំបិល និងអង្ករ ព្រមទាំងថវិកា ចំនួន១០លាន៥សែនរៀល និង៤៥០ដុល្លាអាម៉េរិក ទៅវេប្រគេនព្រះសង្ឃដែលគង់ចាំព្រះវក្សានៅវត្ដឧត្ដមពោធិ៍ព្រឹក្ស(ហៅវត្ដស្លែង)ចំនួន១១អង្គផងដែរ ។
ក្នុងឱកាសនេះព្រះចៅអធិការវត្ដឧត្ដមពោធិ៍ព្រឹក្ស ក៍បានសម្ដែងអំណរត្រេកអរចំពោះសិទ្ធាជ្រះថ្លារបស់ពុទ្ធបរិសទ្ធ័បានមូលមតិគ្នាផ្តើមមកកាន់បិណ្ឌ ព្រមទាំងនាំយកនូវអំណោយជាគ្រឿងឧបភោគ បរិភោគមកវេប្រគេនព្រះសង្ឃនៅវត្តពោធិយារាមនេះ។ ព្រះចៅអធិការក៍បាន ឧទ្ទិសកុសលផលបុណ្យជូនដល់បុព្វការីជនដែលបានចែកឋានទៅកាន់លោកខាងមុខ។
ព្រះចៅអធិការវត្តពោធិយារាម បានមានសង្ឃដិកាថា ការធ្វើបុណ្យកាន់បិណ្ឌនេះពិតជាបានដល់ព្រះសង្ឃ និងជីដូនជីតាញាតិ្ដការទាំង៧សណ្ដាន ដែលបានចែកឋានទៅកាន់លោកខាងមុខ ឱ្យងាកក្រោយមកទទួលនំចំណីអាហារដែលកូនចៅឯក្រោយផ្ដល់ឱ្យ ហើយសូមគុណបុណ្យដែលលោកបានទទួលហើយ សូមងាកក្រោយឱ្យពរជ័យដល់កូនចៅបានសេចក្ដីសុចំរើនគ្រប់ៗគ្នាកុំបីអាក់ខានឡើយ ។
ព្រះអង្គមានសង្ឃដិកាទៀតថា ពិធីកាន់បិណ្ឌក្នុងពេលនេះ ក៏ដើម្បីរំលឹកដល់ពុទ្ធបរិស័ទទាំងអស់ឲ្យដឹងថា រដូវធ្វើបុណ្យកាន់បិណ្ឌ និងបុណ្យភ្ជុំបិណ្ឌបានឈានចូលមកដល់ហើយដែរ ។ វត្ដឧត្ដពោធិ៍ព្រឹក្សនេះ នៅថ្ងៃ១៥រោជថ្ងៃនៃពិធីបុណ្យកាន់បិណ្ឌភ្ជុំបិណ្ឌនេះ មានរៀបចំកិច្ចជាច្រើនដូចជាបង្សុកូលឧទ្ទឹសកុសលផលបុណ្យជូនដល់បុព្វការីជន ស្រង់ព្រះ ពូនភ្នំខ្សាច់ផ្តាច់កម្មពៀរ និងរាប់បាត្រព្រះសង្ឃចំនួន១០០អង្គជារៀងរាល់ព្រឹក រហូតគម្រប់គ្រប់១៥ថ្ងៃ ។ ព្រះសង្ឃគណៈកម្មការវត្ត បានថ្លែងអំណរគុណយ៉ាងជ្រាលជ្រៅដល់លោក កែប ជុតិមា ដែលលោកតែងតែផ្ដល់ជាអំណោយជួយកសាងនៅទីអារាមនេះ រហូតមិនដាច់ឡើយ និងចៅសង្កាត់ព្រមទាំងពុទ្ធបរិស័ទចំណុះជើងវត្ត ដែលបានរួមគ្នាធ្វើបុណ្យ និងនាំយកអំណោយមកផ្គត់ផ្គង់ដល់ព្រះសង្ឃជារៀងរហូតមក ។ នេះគឺជាការចូលរួមចំណែកមួយ ក្នុងការជួយទ្រទ្រង់វិស័យព្រះពុទ្ធសាសនា នៅកម្ពុជាឲ្យស្ថិតស្ថិរតរៀងទៅ ។
លោក កែប ជុតិមា អភិបាលរាជធានីភ្នំពេញ បានបញ្ជាក់ឱ្យដឹងដែរថា ប្រជាពលរដ្ឋនៅទូទាំងប្រទេសមានលទ្ធភាពគ្រប់គ្រាន់ បានទៅចូលរួមធ្វើបុណ្យកុសលនៅគ្រប់វត្ដអារាម នេះក៍ដោយសារការដឹកនាំ ប្រកបដោយកិត្ដិបណ្ឌិតរបស់សម្ដេចអគ្គមហាសេនាបតីតេជោ ហ៊ុន សែន បានក៏សាងប្រទេសជាតិមានការរីចម្រើនគួរឱ្យកត់សម្គាល់ និងពិសេសលោកបានយកចិត្ដទុដាក់លើវិសយ័ព្រះពុទ្ធសាសនា នៅទូទាំងប្រទេស ប្រជាពលរដ្ឋគ្រប់រូបមានសិទ្ធិគ្រប់គ្រាន់ ចូលរួមចំណែកកសាងអភិវឌ្ឍន៍វិសយ័ព្រះពុទ្ធសាសនា តាមទំនាមទម្លាប់ប្រពៃណីពីដូន តាតរាងមក ជាក់ស្ដែងដូចជាថ្ងៃនេះ បងប្អូនប្រជាពលរដ្ឋចំណុះជើងវត្ដយ៉ាងច្រើនកុះករ បានមកចូលរួមកាន់បិណ្ឌវេនទី១១នៅវត្ដឧត្ដមពោធិ៍ព្រឹក្សនាពេលនេះ ដោយទឹកមុខសប្បាយរីក រាយ និងពេញចិត្ដដោយសិទ្ធាជ្រះថ្លាទទួលយកបុណ្យកុសល តាមប្រពៃណីរបស់ដូនតាយើងរៀងៗខ្លួន ៕
.jpg)
.jpg)
.jpg)