ភ្នំពេញ: មន្ត្រីក្រសួងរៀបចំដែនដី នគរូបនីយកម្ម និងសំណង់ចំនួន ៤ នាក់កាលពីរសៀលថ្ងៃទី៨ ខែសីហា ឆ្នាំ២០១២ បានត្រូវសមត្ថកិច្ចអង្គភាពប្រឆាំងអំពើពុករលួយ បញ្ជូនមកអយ្យការអមសាលាដំបូងរាជធានីភ្នំពេញ ដើម្បីសាកសួរករណីប្រព្រឹត្តអំពើពុករលួយកេងប្រវ័ញ្ចថវិការដ្ឋ ពីគម្រោងប្រគល់ដីសម្បទានសង្គមកិច្ច និង សាងសង់លំនៅស្ថានជូនអតីតយុទ្ធជននៅខេត្តមួយចំនួន ក្នុងព្រះរាជាណាចក្រកម្ពុជាប្រចាំឆ្នាំ២០១១ ។
មន្ត្រីទាំងបួននាក់នេះមានឈ្មោះសារ៉េត បូរ៉ាមី, ឈ្មោះផូរ វុឌ្ឍី, ឈ្មោះមាស ឥស្សរ៉ា និងឈ្មោះទុយ ឡាយរិទី្ធ បានត្រូវអង្គភាពប្រឆាំងអំពើពុករលួយ ឃាត់ខ្លួនជាបន្តបន្ទាប់ កាលពីថ្ងៃទី៦ ខែសីហា ឆ្នាំ២០១២ កន្លងទៅ។
ចំពោះមូលហេតុនៃការឃាត់ខ្លួននេះ ពុំមានប្រភពណាបញ្ជាក់ឱ្យដឹងជាផ្លូវការនោះទេ គ្រាន់តែបង្ហើបឱ្យដឹងថា រាជរដ្ឋាភិបាលកម្ពុជាបានលើកគម្រោងប្រគល់ដីសម្បទានសង្គមកិច្ច និង សាងសង់លំនៅស្ថានជូនអតីតយុទ្ធជនប្រចាំឆ្នាំ២០១១ ដែលមានទឹកប្រាក់ប្រមាណរាប់សិបពាន់លានរៀល ប៉ុន្តែនៅពេលដែលយកទៅអនុវត្តជាក់ស្តែង មន្ត្រីមួយចំនួនបានឃុបឃិតគ្នាកេងប្រវ័ញ្ចថវិកាទាំងនេះ យកទៅធ្វើជាផលប្រយោជន៍ផ្ទាល់ខ្លួន។
ឆ្លងតាមការត្រួតពិនិត្យ និងស្រាវជ្រាវរួចហើយ អង្គភាពប្រឆាំងអំពើពុករលួយបានកំណត់អត្តសញ្ញាណមនុស្សជាប់ពាក់ព័ន្ធនឹងករណីនេះ រួចសុំគោលការណ៍ពីតុលាការឃាត់ខ្លួនពួកគេ យកមកសាកសួរប្រយោជន៍ដើម្បីរកបក្ខពួក និងខ្សែរយៈជាបន្តទៀត៕
មន្ត្រីទាំងបួននាក់នេះមានឈ្មោះសារ៉េត បូរ៉ាមី, ឈ្មោះផូរ វុឌ្ឍី, ឈ្មោះមាស ឥស្សរ៉ា និងឈ្មោះទុយ ឡាយរិទី្ធ បានត្រូវអង្គភាពប្រឆាំងអំពើពុករលួយ ឃាត់ខ្លួនជាបន្តបន្ទាប់ កាលពីថ្ងៃទី៦ ខែសីហា ឆ្នាំ២០១២ កន្លងទៅ។
ចំពោះមូលហេតុនៃការឃាត់ខ្លួននេះ ពុំមានប្រភពណាបញ្ជាក់ឱ្យដឹងជាផ្លូវការនោះទេ គ្រាន់តែបង្ហើបឱ្យដឹងថា រាជរដ្ឋាភិបាលកម្ពុជាបានលើកគម្រោងប្រគល់ដីសម្បទានសង្គមកិច្ច និង សាងសង់លំនៅស្ថានជូនអតីតយុទ្ធជនប្រចាំឆ្នាំ២០១១ ដែលមានទឹកប្រាក់ប្រមាណរាប់សិបពាន់លានរៀល ប៉ុន្តែនៅពេលដែលយកទៅអនុវត្តជាក់ស្តែង មន្ត្រីមួយចំនួនបានឃុបឃិតគ្នាកេងប្រវ័ញ្ចថវិកាទាំងនេះ យកទៅធ្វើជាផលប្រយោជន៍ផ្ទាល់ខ្លួន។
ឆ្លងតាមការត្រួតពិនិត្យ និងស្រាវជ្រាវរួចហើយ អង្គភាពប្រឆាំងអំពើពុករលួយបានកំណត់អត្តសញ្ញាណមនុស្សជាប់ពាក់ព័ន្ធនឹងករណីនេះ រួចសុំគោលការណ៍ពីតុលាការឃាត់ខ្លួនពួកគេ យកមកសាកសួរប្រយោជន៍ដើម្បីរកបក្ខពួក និងខ្សែរយៈជាបន្តទៀត៕