ភ្នំពេញ ៖ មកទល់នឹងពេលនេះទីតាំងស្ដុកឈើប្រណីតដ៏ធំមួយរបស់ ចែស្រី នៅជិតបឹង ជាប់រ៉ាដាក្នុងភូមិទំនប់ សង្កាត់ភ្នំពេញថ្មី ខណ្ឌសែនសុខ បានដំណើរការជិតមួយឆ្នាំទៅហើយ ដែលប្រជាពលរដ្ឋរស់នៅទីនោះនិយាយថា ពីមុនទីតាំងស្ដុក ឈើរបស់ ចែស្រី គឺដាក់កណ្ដាលវាល នៅមាត់បឹង ឡានដឹកចូលទាំងយប់ទាំង ថ្ងៃដោយមិនចាំបាច់ធ្វើការបិទបាំង ទើប តែមួយរយៈនេះប៉ុណ្ណោះដែលគេបាន រៀបចំធ្វើរបងស័ង្កសីព័ទ្ធជុំវិញ និងធ្វើ រោងសម្រាប់ស្ដុកឈើ ប៉ុន្ដែទាំងសមត្ថ កិច្ច អាជ្ញាធរមូលដ្ឋាន និងមន្ដ្រីរដ្ឋបាល ព្រៃឈើហាក់ដូចជាមិនមកក្បែរបន្ដិចណាសោះ ។
យ៉ាងហោចណាស់ក៏ក្នុងមួយសប្ដាហ៍ គេបានឃើញរថយន្ដធំៗដឹកឈើប្រណីត ដែលមានមុខកាត់ពី២០ទៅ៣០សង្ទីម៉ែត្រ និងបណ្ដោយ៣ម៉ែត្រ យកមកទម្លាក់ក្នុង ១ឡានមានប្រមាណពី៥០ទៅ៧០ដុំ ហើយប្រើប្រាស់រថយន្ដស្ទូចឈើទាំងនោះ យកមកដាក់ក្នុងឃ្លាំង ។
យ៉ាងហោចណាស់ក៏ក្នុងមួយសប្ដាហ៍ គេបានឃើញរថយន្ដធំៗដឹកឈើប្រណីត ដែលមានមុខកាត់ពី២០ទៅ៣០សង្ទីម៉ែត្រ និងបណ្ដោយ៣ម៉ែត្រ យកមកទម្លាក់ក្នុង ១ឡានមានប្រមាណពី៥០ទៅ៧០ដុំ ហើយប្រើប្រាស់រថយន្ដស្ទូចឈើទាំងនោះ យកមកដាក់ក្នុងឃ្លាំង ។
ឈើទាំងនេះគេពុំដឹងថា ដឹកមកពី ខេត្ដណាពិតប្រាកដនោះទេ ប៉ុន្ដែក្នុងមួយ សប្ដាហ៍ដែលមានមិនតិចជាង៣ទៅ៤ ជើង គេឃើញរថយន្ដធំៗអមដោយ រថយន្ដស្ទូចផងនោះ បានដឹកចូលឃ្លាំង ចែស្រី ច្រើនតែម៉ោង៣ទៅ៤ទៀបភ្លឺ និង ពីម៉ោង៨យប់ជាដើម ។ ទីតាំងស្ដុកឈើ របស់ ចែស្រី មួយកន្លែងទៀត គឺឋិតនៅ ជិតរង្វង់មូលទួលគោក ដែលមន្ដ្រីរដ្ឋបាល ្រៃពឈើដែលធ្លាប់ចុះមកអើតម្ដងម្កាល តែងអះអាងថា ឈើរបស់ចែស្រីមាន ខ្សែធំៗ និងមានច្បាប់អនុញ្ញាត ទើប សមត្ថកិច្ចនិងមន្ដ្រីរដ្ឋបាលព្រៃឈើដក ខ្លួនពីការបង្ក្រាប ។
ពាក់ព័ន្ធឃ្លាំងស្ដុកឈើរបស់ ចែស្រី ដ៏ធំនេះ លោក លី សាវ៉េត អភិបាលខណ្ឌ សែនសុខ បានឱ្យដឹងថា ប្រសិនបើមាន រូបភាពក្នុងការស្ដុកឈើទ្រង់ទ្រាយធំ ហើយគ្មានច្បាប់អនុញ្ញាតនោះ លោកនឹង ឱ្យមន្ដ្រីចុះពិនិត្យសិក្សាជាក់ស្ដែង ។
លោក រ័ត្ន សុវណ្ណារ៉ា នាយខណ្ឌរដ្ឋ បាលព្រៃឈើកណ្ដាលរាជធានីភ្នំពេញបាន ឱ្យ នគរវត្ដ ដឹងតាមទូរស័ព្ទកាលពីរសៀល ថ្ងៃទី១៧ខែកញ្ញាឆ្នាំ២០១២ថា លោកមិន ទាន់ដឹងថា ទីតាំងស្ដុកឈើនោះជារបស់ អ្នកណានៅឡើយទេ ដូច្នេះ លោកក៏ត្រូវ ឱ្យមន្ដ្រីរដ្ឋបាលព្រៃឈើចុះមកពិនិត្យជាក់ ស្ដែងដល់ទីតាំងនេះផ្ទាល់ ។
មួយរយៈនេះ សមត្ថកិច្ចមានដូចជា នគរបាលប្រឆាំងបទល្មើសសេដ្ឋកិច្ចរាជ ធានីភ្នំពេញ និងក្រសួងមហាផ្ទៃ តំណាង អយ្យការនៃសាលាដំបូង និងអាជ្ញាធរបាន ចុះបង្ក្រាបទីតាំងស្ដុកឈើជាច្រើនកន្លែង នៅក្នុងរាជធានីភ្នំពេញ មានដូចជាខណ្ឌ សែនសុខ ដង្កោ និងខណ្ឌចំការមន ប៉ុន្ដែ ចំពោះទីតាំងស្ដុកឈើដ៏ធំរបស់ ចែស្រី នៅភូមិទំនប់(ជិតរ៉ាដា) សង្កាត់ភ្នំពេញថ្មី ខណ្ឌសែនសុខ បើទោះជារថយន្ដធំៗដឹក ឈើចូលទាំងថ្ងៃទាំងយប់ ហើយសំឡេង ម៉ាស៊ីនអារលាន់កងរំពងយ៉ាងណាក៏ដោយ ក៏ទីតាំងនេះមិនត្រូវបានបង្ក្រាប ។
គេដាក់ភាពសង្ស័យផងដែរថា ទីតាំង នេះបន្ទាប់ពីស្ដុកឈើប្រណីត អាចនឹង មានប្រភេទឈើគ្រញូងបង្កប់ ពីព្រោះ បន្ទាប់ពីមានរថយន្ដធំៗដឹកឈើចូល គេ ក៏បានឃើញនូវរថយន្ដទំនើបៗមួយចំនួន ទៀតបានចូលមកកាន់ទីនេះរាល់យប់ ដែលគេសង្ស័យថា អាចនឹងដឹកឈើប្រណីត ណាមួយចេញពីទីតាំងនេះ ដើម្បីដឹកទៅ ចែកចាយកន្លែងផ្សេងៗ ឬទៅកាន់ប្រទេស វៀតណាម ។
សមត្ថកិច្ចបាននិយាយថា ទីតាំងស្ដុក ឈើរបស់ ចែស្រី ដែលនៅជាប់រង្វង់មូល ទួលគោក គ្មានសមត្ថកិច្ចនិងអាជ្ញាធរមូល ដ្ឋានទៅសួរនាំនោះទេ បើទោះជាការដាក់ ឈើគ្មានសណ្ដាប់ធ្នាប់ និងចំកណ្ដាលក្រុង រួមទាំងលើផ្លូវសាធារណៈក៏ដោយ ក៏ឥទ្ធិ ពលរបស់ ចែស្រី កំពុងតែធ្វើឱ្យអាជ្ញាធរ មូលដ្ឋានល្វីងមុខ ។
ប្រភពពីប្រជាពលរដ្ឋដែលរស់នៅម្ដុំ ជិតទីតាំងស្ដុកឈើប្រណីតរបស់ចែស្រី បាននិយាយថា ភាគច្រើនគេបានឃើញ ប្រភេទឡានយីឌុបធំៗ ដូចជាមានស្លាក លេខកន្ទុយ១៦៨ និង២២២ចុង តែងតែ ដឹកឈើចូលជាប្រចាំ ដូច្នេះអាចនឹងមាន ពាក់ព័ន្ធថ្នាក់ដឹកនាំណាមួយម្នាក់នៅពី ក្រោយខ្នងក្រុមឈ្មួញស្ដុកឈើខុសច្បាប់នេះ ៕
