ខេត្តឧត្តរមានជ័យ ៖ ស្ថិតក្រោមអធិបតីភាពលោក សៀក សុជាតិ អនុប្រធានគណអចិន្ត្រៃយ៍ គណពង្រឹងគណកម្មាធិការបក្សខេត្តឧត្តរមានជ័យ និងជាប្រធានក្រុមការងារចុះជួយស្រុកចុងកាល់ នារសៀលថ្ងៃទី១៦ ខែកញ្ញា ឆ្នាំ ២០១២នេះ មានរៀបចំបើកិច្ចប្រជុំមួយ ក្រោមវត្តមានចូលរួមពីសំណាក់មន្ត្រីក្រុមការងាររបស់ គណបក្ស ប្រជាជនកម្ពុជា តាំងពីថ្នាក់កណ្តាល រហូតដល់ថ្នាក់មូលដ្ឋាន ដើម្បីធ្វើការផ្សាព្វផ្សាយផែនការសកម្មភាព និងកម្មវិធីរបស់គណកម្មាធិការបក្សខេត្តឧត្តរមានេជ័យ ស្តីពីទិសដៅភារកិច្ច ឆ្ពោះទៅកាន់ការបោះឆ្នោតជ្រើស តាំងតំណាងរាស្ត្រនីតិកាលទី៥នៃរដ្ឋសភា ដែលនឹងប្រព្រឹត្តិទៅនៅថ្ងៃទី២៨ ខែកក្កដា ឆ្នាំ២០១៣ខាងមុខ ។
នៅក្នុងសេចក្តីសំរេច ស្តីពីផែនការសកម្មភាព និង កម្មវិធីការងារដែលអានដោយលោក ប៊ូ សាខន ប្រធានគណកម្មាធិការបក្សស្រុកចុងកាល់ បានបង្ហាញអំពីគោលបំណង-សំណូមពរ ថាត្រូវតែបន្តបង្កើន ប្រៀបឈ្នះ និង បង្កើនកម្លាំងគាំទ្រជូនគណបក្សប្រជាជនកម្ពុជា ដើម្បីឆ្លើយតបទៅនឹងការប្តេជ្ញាចិត្ត សំរេច បន្តរក្សា និង យកឱ្យបានអសនៈរដ្ឋសភាសំរាប់មណ្ឌលឧត្តរមានជ័យចំនួន១ លើ១អសនៈ ដែលក្នុងនោះ គណពង្រឹងមូលដ្ឋាន រួមជាមួយនឹងគណកម្មាធិការបក្សគ្រប់ថ្នាក់ ត្រូវខិតខំអនុវត្តផែនការសកម្មភាពនេះ រហូតដល់ថ្ងៃបោះឆ្នោត ។ ផែនការសកម្មភាពទាំងនោះរួមមាន ការពិនិត្យបញ្ជីឈ្មោះ និងការចុះឈ្មោះបោះ ឆ្នោត ការបើកសន្និបាតដើម្បីជ្រើសរើសបេក្ខជន ការពង្រឹងអង្គការចាត់តាំងគណបក្ស និងកសាងសមាជិក គណបក្ស ជាដើម ។ល។ សេចក្តីសំរេចលើខ្លឹមសារផ្សព្វផ្សាយនោះ ក៏បាននិយាយលំអិតផងដែរ អំពីកម្មវិធី ការងាររបស់គណពង្រឹងមូលដ្ឋាន ដែលផ្តោតជាសំខាន់ទៅលើសកម្មភាពអភិវឌ្ឍន៍លើគ្រប់វិស័យ និងយក ចិត្តទុកដាក់ ដោះស្រាយភាពអសកម្មនានានៅមូលដ្ឋានផងដែរ ។
មានមតិសំណេះសំណាល បូកសារុបខ្លឹមសារផ្សព្វផ្សាយនោះ លោក សៀក សុជាតិ បានវាយតម្លៃ ខ្ពស់ថា សមិទ្ធផលនានាដែលគណបក្សប្រជាជនកម្ពុជាទទួលបាន គឺអាស្រ័យមកពីគណបក្សប្រជាជនកម្ពុជា មានគោលនយោបាយ និង ផែនការការងារច្បាស់លាស់ ជាមួយនឹងការខិតខំប្រឹងប្រែងផងដែររបស់មន្ត្រីក្រុម ការងារគ្រប់លំដាប់ថ្នាក់ ដែលកិច្ចការទាំងនោះ គឺសំដៅស្វែងរកផលប្រយោជន៍ជូនជាតិ និង ប្រជាជន ។
លោកបានគូសបញ្ជាក់ថា ផែនការសកម្មភាព និង កម្មវិធីការងារស្តីពីទិសដៅភារកិច្ច ឆ្ពោះទៅរក ការបោះឆ្នោតជ្រើសតាំងតំណាងរាស្ត្រនេះ គឺពិតជាការប្តេជ្ញាចិត្តខ្ពស់បំផុតរបស់ក្រុមការងារ និងមន្ត្រីបក្សនៅ មូលដ្ឋាន ។ លោកបានផ្តាំផ្ញើថា គណកម្មាធិការបក្សគ្រប់ថ្នាក់ ត្រូវមានកិច្ចសហការជាមយយគណពង្រឹង មូលដ្ឋាន ជាពិសេសថ្នាក់ស្រុកឃុំ ដើម្បីជួយឧបត្ថម្ភទាំងស្មារតី និង ថវិកា ព្រមទាំងមធ្យោបាយនានា តាមដែលអាចធ្វើទៅបាន ហើយទាំងនោះ គឺជាការលើកទឹកចិត្ត និងគាំទ្រសកម្មភាពរបស់គណកម្មាធិការ សាខាបក្សភូមិ ឱ្យសំរេចភារកិច្ចបានល្អប្រសើរ ។ លោកបានបញ្ជាក់បន្ថែមដែរថា ត្រូវយកចិត្តទុកដាក់ ត្រួតពិនិត្យ និង ធានាបានថា អ្នកគាំទ្រគណបក្សប្រជាជនទាំងអស់ មានឈ្មោះក្នុងបញ្ជីបោះឆ្នោត និងមាន ឯកសារត្រឹមត្រូវសំរាប់ទៅបោះឆ្នោត ៕
លោកបានគូសបញ្ជាក់ថា ផែនការសកម្មភាព និង កម្មវិធីការងារស្តីពីទិសដៅភារកិច្ច ឆ្ពោះទៅរក ការបោះឆ្នោតជ្រើសតាំងតំណាងរាស្ត្រនេះ គឺពិតជាការប្តេជ្ញាចិត្តខ្ពស់បំផុតរបស់ក្រុមការងារ និងមន្ត្រីបក្សនៅ មូលដ្ឋាន ។ លោកបានផ្តាំផ្ញើថា គណកម្មាធិការបក្សគ្រប់ថ្នាក់ ត្រូវមានកិច្ចសហការជាមយយគណពង្រឹង មូលដ្ឋាន ជាពិសេសថ្នាក់ស្រុកឃុំ ដើម្បីជួយឧបត្ថម្ភទាំងស្មារតី និង ថវិកា ព្រមទាំងមធ្យោបាយនានា តាមដែលអាចធ្វើទៅបាន ហើយទាំងនោះ គឺជាការលើកទឹកចិត្ត និងគាំទ្រសកម្មភាពរបស់គណកម្មាធិការ សាខាបក្សភូមិ ឱ្យសំរេចភារកិច្ចបានល្អប្រសើរ ។ លោកបានបញ្ជាក់បន្ថែមដែរថា ត្រូវយកចិត្តទុកដាក់ ត្រួតពិនិត្យ និង ធានាបានថា អ្នកគាំទ្រគណបក្សប្រជាជនទាំងអស់ មានឈ្មោះក្នុងបញ្ជីបោះឆ្នោត និងមាន ឯកសារត្រឹមត្រូវសំរាប់ទៅបោះឆ្នោត ៕
