ភ្នំពេញ ៖ ស្ពាននាគភ្លោះកោះពេជ្រដែលជាស្ពានឯកទិស បានចំណាយពេលការកសាងអស់រយៈពេលជិត១ឆ្នាំ ត្រូវបានចំណាយអស់ថវិកាជាង៣លានដុល្លារ អាមេរិកជាថវិកាឧបត្ថម្ភរបស់ក្រុមហ៊ុនអាណិកជន (OCIC) ដើម្បីជួយសម្រួលដល់ការធ្វើចរាចរណ៍របស់ប្រជាពលរដ្ឋ ភ្ញៀវជាតិ-អន្ដរជាតិ ពាណិជ្ជករ និងអាជីវករដែលបានចេញចូលមកកម្សាន្ដនៅតំបន់អភិវឌ្ឍន៍កោះពេជ្រនេះ ។ លោកជំទាវម៉ែន សំអន ឧបនាយករដ្ឋ មន្ដ្រីប្រចាំការ រដ្ឋមន្ដ្រីក្រសួងទំនាក់ទំនង ជាមួយរដ្ឋសភា និងព្រឹទ្ធសភាបានចូល រួមសម្ពោធដាក់ឱ្យប្រើប្រាស់ជាសាធារណៈនាព្រឹកថ្ងៃទី១៧ ខែកញ្ញា ឆ្នាំ២០១២នេះ ។
លោកជំទាវម៉ែន សំអន បានបញ្ជាក់ថា ស្ពាននាគភ្លោះពេជ្រដែលអាជ្ញាធរ រាជធានីភ្នំពេញ រួមជាមួយក្រុមហ៊ុនក្នុង ស្រុកបានសហការកសាងឡើងដាក់ សម្ពោធឱ្យប្រើប្រាស់ជាសាធារណៈនា ពេលនេះ ពិតជាឆ្លើយតបទៅនឹងស្ថាន ភាព ការកសាងបន្ថែម ការពង្រីក និង កែលំអហេដ្ឋារចនាសម្ពន្ធ័ផ្លូវ ស្ពានគឺជា មធ្យោបាយគន្លឹះដើម្បីដោះស្រាយបញ្ហា កកស្ទះចរាចរណ៍ ។ ក្នុងន័យនេះ ការ អភិវឌ្ឍហេដ្ឋារចនាសម្ព័ន្ធ គឺជាការ សម្រេចចិត្ដមួយដ៏ត្រឹមត្រូវសមស្រប ទៅនឹងកាលៈទេសៈ និងទីតាំងដែលប្រកប ទៅដោយសក្ដានុពលសេដ្ឋកិច្ច ដែល យើងទាំងអស់គ្នាត្រូវរួមកម្លាំងកាយ កម្លាំងចិត្ដគាំទ្រនិងបន្ដជំរុញការអភិវឌ្ឍ ប្រទេសជាតិឱ្យទទួលបានភាពរីកចម្រើន ទៅថ្ងៃអនាគត ។ លោកជំទាវបន្ដថា ការអភិវឌ្ឍហេដ្ឋារចនាសម្ព័ន្ធ ដូចជា ការស្ថាបនាផ្លូវ ស្ពានគឺជាអាទិភាព សំខាន់មួយដូចមានចែងក្នុងយុទ្ធសាស្ដ្រ ចតុកោណដំណាក់កាលទី២ របស់រាជ រដ្ឋាភិបាល និងសមាហរណកម្មជារូបវ័ន្ដ និងជាគោលនយោបាយជំរុញ និងទ្រទ្រង់ កំណើនសេដ្ឋកិច្ច និងការកាត់បន្ថយភាព ក្រីក្ររបស់ប្រជាពលរដ្ឋ ។ ការកែលំអ ហេដ្ឋារចនាសម្ព័ន្ធរូបវ័ន្ដបានជួយទ្រទ្រង់ ដល់ការអភិវឌ្ឍ និងកំណើនសេដ្ឋកិច្ច របស់កម្ពុជា ដែលសម្រេចបានគួរកត់ សម្គាល់ក្នុងរយៈពេលប៉ុន្មានឆ្នាំចុង ក្រោយនេះ ។
លោកកែប ជុតិមា អភិបាលរាជធានី ភ្នំពេញបានបញ្ជាក់ថា ស្ពាននាគភ្លោះ ពេជ្រនេះ គឺជាសមិទ្ធផលថ្មីមួយទៀត ដែលត្រូវដាក់ឱ្យប្រើប្រាស់ក្នុងខែកញ្ញា ឆ្នាំ២០១២នេះ បន្ទាប់ពីរូបសំណាក តេជោមាស និងតេជោយ៉ត ។ ដោយសារ តំបន់កោះពេជ្រនេះជាតំបន់ទេសចរណ៍ដ៏សំខាន់ ហើយច្រកចេញចូលមិនទាន់ ឆ្លើយតបនឹងតម្រូវការនៅឡើយនោះ ទើបអាជ្ញាធររាជធានីភ្នំពេញសម្រេច សាងសង់ស្ពានបន្ថែមពីរទៀតលើពីរ ទៀតដែលមានស្រាប់ដើម្បីជួយសម្រួល ច្រកចេញចូលនៅតំបន់នេះបានងាយ ស្រួលតាមតម្រូវការ ព្រោះបច្ចុប្បន្ន កំណើនយានយន្ដ និងកំណើនប្រជាពលរដ្ឋ ដែលបានចូលមកទស្សនានៅទីនេះកាន់ តែកើន ។
លោកបន្ដថា ស្ពាននាគភ្លោះពេជ្រ នេះជាប្រភេទស្ពានធ្នឹមអ៊ី ស្ថាបនាឡើង អំពីបេតុងមាន៣ប្រឡោះ និងមាន ប្រវែងសរុប១០១ម៉ែត្រ ទទឹង១២,៧០ ម៉ែត្រ ។ ស្ពាននីមួយៗជាស្ពានឯកទិស ស្ពានមួយសម្រាប់ធ្វើចរាចរណ៍ចេញ និងស្ពានមួយទៀតសម្រាប់ធ្វើចរាចរណ៍ ចូលមកក្នុងតំបន់អភិវឌ្ឍន៍កោះពេជ្រ នេះ ។ ចំពោះបង្កាន់ដៃស្ពាននាគក្រុម ស្ថាបត្យករកូនខ្មែរបានរចនាឆ្លាក់ពីថ្ម ភក់ កម្ពស់១,២០ម៉ែត្រដាក់លំអដោយ រូបក្បាលនាគទទឹង១ម៦៥ កម្ពស់ ៣ម៧៣ នៅអមសងខាងស្ពាន ។ អាយុ កាលនៃការប្រើប្រាស់ស្ពានគឺបានរយៈ ពេល១០០ឆ្នាំ យើងបានស្ថាបនាឡើង ចាប់ពីថ្ងៃទី៣១ ខែមករា ឆ្នាំ២០១១ និងបានបញ្ចាប់នៅថ្ងៃទី៣១ ខែតុលា ឆ្នាំ២០១១ គឺមានរយៈពេលនៃការសាង សង់ជិត១ឆ្នាំ ដោយចំណាយអស់ថវិកា ៣លានដុល្លារអាមេរិក ដែលជាថវិកាឧបត្ថម្ភពីក្រុមហ៊ុនអាណិកជន(OCIC) ៕