ភ្នំពេញ ៖ ស្ថានភាពអាកាសធាតុ បើទោះជាអស់រយៈពេលជាង២សប្ដាហ៍កន្លង រួចមកហើយ ដែលសម្ពាធទាបនិងប្រព័ន្ធសម្ពាធទាបបានអូសកាត់ និងមានឥទ្ធិពលលើព្រះរាជាណាចក្រកម្ពុជា ហើយស្ថានភាពអាកាសធាតុបែបនេះបានធ្វើឱ្យមាន ភ្លៀងធ្លាក់ខ្លាំងនៅក្របខ័ណ្ឌទូទាំងប្រទេស ក៏ដោយ ក៏តាមការអះអាងរបស់សេចក្ដី ជូនដំណឹងរបស់ក្រសួងធនធានទឹកនិង ឧតុនិយមបានបញ្ជាក់ថា ស្ថានភាព អាកាសធាតុបែបនេះនឹងបន្ដកើតមាន ក្នុងរយៈពេលប្រមាណ១សប្ដាហ៍ទៀត ដែលធ្វើឱ្យមានភ្លៀងធ្លាក់ខ្លាំងនៅក្នុង ក្របខ័ណ្ឌទូទាំងប្រទេសរហូតដល់ថ្ងៃទី២៣ ខែកញ្ញា ឆ្នាំ២០១២ ដែលអាចបង្កឱ្យ មានចំនួនទឹកភ្លៀងនៅតាមបណ្ដាខេត្ដ មួយចំនួនដូចជា ខេត្ដឧត្ដរមានជ័យ, ព្រះ វិហារ, បន្ទាយមានជ័យ, បាត់ដំបង, ពោធិ៍សាត់, កំពង់ឆ្នាំង, សៀមរាប, កំពង់ ធំ, កំពង់ស្ពឺ, តាកែវ, កណ្ដាល, ព្រៃវែង, ស្វាយរៀង និងខេត្ដកំពត ។
ដោយស្ថានភាពអាកាសធាតុបែប នេះហើយ ទើបក្រសួងធនធានទឹកនិង ឧតុនិយមបានជម្រាបជូន និងអំពាវនាវ ដល់ក្រសួង ស្ថាប័នពាក់ព័ន្ធ អាជ្ញាធរ ដែនដី និងប្រជាពលរដ្ឋ ដែលរស់នៅតាម បណ្ដាខេត្ដដូចបានបញ្ជាក់ខាងលើ ពិសេស តំបន់ជាប់នឹងដងស្ទឹងនានា សូមបង្កើនការយកចិត្ដទុកដាក់ប្រុងប្រយ័ត្នខ្ពស់ដើម្បី ជៀសវាងនូវគ្រោះថ្នាក់ និងការប៉ះពាល់ ដល់ទ្រព្យសម្បត្ដិផ្សេងៗដែលអាចកើត ឡើងជាយថាហេតុ ៕