កំពង់ចាម ៖ នៅព្រឹកថ្ងៃទី៣ខែកញ្ញា ឆ្នាំ២០១២នេះ នៅក្នុងស្នងការដ្ឋាននគរបាលខេត្ត កំពង់ចាម មាន រៀបចំពិធីចែកអត្តសញ្ញាណប័ណ្ណជូនប្រជាពលរដ្ឋក្រុងកំពង់ចាម ដែលពិធីនេះបានធ្វើឡើងក្រោមអធិបតីភាពលោកឧត្តមសេនីយ៍ឆាយ គឹមសុន ស្នងការនគរបាលខេត្ត តំណាងដ៏ខ្ពង់ខ្ពស់របស់លោកហ៊ុន ណេង អភិបាល នៃគណៈអភិបាលខេត្តកំពង់ចាម ព្រមទាំងអ្នកចូលរួម លោកវរសេនីយ៍ឯកចេង ចាន់ ថន ស្នងការ រង ទទួលផែនស្ថិតិ អត្តសញ្ញាណប័ណ្ណ លោកអភិបាលក្រុង លោកអធិការនគរបាល ព្រមទាំងនាយនគរ បាលប៉ុស្តិ៍ ចៅសង្កាត់ទាំង៤នៃក្រុងកំពង់ចាម និងមន្ត្រីនគរបាលជំនាញផ្នែកស្ថិតិជាច្រើនរូប។
លោកសំ ផាត អធិការនគរបាលក្រុងកំពង់ចាម បានឱ្យដឹងថា ប្រជាពលរដ្ឋនៅក្នុងក្រុងកំពង់ចាមដែល បាន ទទួលអត្តសញ្ញាណប័ណ្ណនៅក្នុងពិធីនេះមានចំនួន១២០នាក់ ក្នុងចំណោមប្រជាពលរដ្ឋចំនួន២៣៥៤នាក់ ដែលបានចុះឈ្មោះនិងធ្វើអត្តសញ្ញាណប័ណ្ណរួចរាល់ក្នុងអំឡុងឆ្នាំ២០១២។ហើយការចែកជូនអត្ត សញ្ញាណ ប័ណ្ណក្នុងពេលនេះ លោកឧត្តមសេនីយ៍ស្នងការឆាយ គឹមសុន បានចែកជូនគ្រាន់ជានិមិត្តរូបខ្លះតែ ប៉ុណ្ណោះ ។ព្រោះប្រជាពលរដ្ឋរាប់ពាន់នាក់ទៀត ត្រូវបានប្រគល់ជូនតាមរយៈនាយប៉ុស្ត៍ និងចៅសង្កាត់នៅតាមមូលដ្ឋានរបស់ប្រជាពលរដ្ឋ។ចំណែកឯប្រជាពលរដ្ឋដែលមិនទាន់បានធ្វើអត្តសញ្ញាណប័ណ្ណនៅឡើយ បច្ចុប្បន្ន សមត្ថកិច្ចក៏កំពុងរង់ចាំនៅចុះឈ្មោះបន្តសំដៅធ្វើយ៉ាងណាឲ្យប្រជាពលរដ្ឋ គ្រប់អាយុមានអត្តសញ្ញាណ ប័ណ្ណប្រើគ្រប់គ្នា។
នៅក្នុងឪកាស់នោះដែរលោកឧត្តមសេនីយ៍ស្នងការឆាយ គឹមសុន បានមានប្រសាសន៍ជាមួយប្រជាពល រដ្ឋថា ថ្នាក់ដឹកនាំខេត្តកំពង់ចាម ដែលមានលោកហ៊ុន ណេង ជាអភិបាលខេត្ត តែងតែយកចិត្តទុកដាក់ ចំ ពោះសុខទុក្ខប្រជាពលរដ្ឋជានិច្ច។ ដូចជាករណីធ្វើអត្តសញ្ញាណប័ណ្ណជូនប្រជាពលរដ្ឋនេះជាដើម ឯកឧត្តម បានការពារជាដាច់ខាតខ្លាចក្រែងមានការយកលុយយកកាក់ពីប្រជាពលរដ្ឋ ឬធ្វើអ្វីដែលបណ្ដាលឲ្យប្រជា ពលរដ្ឋមានការលំបាកនោះឡើយ។ លោកស្នងការ បានផ្ដាំផ្ញើដល់ប្រជាពលរដ្ឋទូទាំងខេត្តកំពង់ចាមថា សូម ប្រជាពលរដ្ឋដែលគ្រប់អាយុ ហើយមិនទាន់មានអត្តសញ្ញាណប័ណ្ណ សូមរុះរាន់មកចុះឈ្មោះធ្វើអត្តសញ្ញាណ ប័ណ្ណឲ្យបានគ្រប់ៗគ្នា ហើយបើបានអត្តសញ្ញាណប័ណ្ណហើយ នៅពេលចុះឈ្មោះបោះឆ្នោត ត្រូវទៅចុះ ឈ្មោះនៅឃុំ សង្កាត់ម្ដងទៀត ដើម្បីទ្រាមបោះឆ្នោតជ្រើស រើសតំណាងរាស្ត្រនៅខែកក្កដាឆ្នាំ ២០១៣ក្នុង ពេលខាងមុខ៕
ដានីន