ភ្នំពេញ: ទីបំផុតទៅ ភាគីសហព្រះរាជអាជ្ញារបស់តុលាការខ្មែរក្រហម បានបង្ហាញជំហរយល់ព្រម ឲ្យមានការដោះលែងលោកស្រី អៀង ធីរិទ្ធ អតីតរដ្ឋមន្ត្រីក្រសួងសង្គមកិច្ចខ្មែរក្រហម ឲ្យនៅក្រៅមន្ទីរឃុំឃាំងរបស់តុលាការខ្មែរក្រហម។ មូលហេតុមកពីលោកស្រី មានជំងឺវង្វេងវង្វាន់ស្មារតី ដែលតាមគ្រូពេទ្យ គឺមិនអាចព្យាបាលបានទេ។ ប៉ុន្តែភាគីសហព្រះរាជអាជ្ញា បានស្នើឲ្យតុលាការដាក់លក្ខខណ្ឌមួយចំនួន។
ក្នុងពេលបិទបញ្ចប់សវនាការលើកាយសម្បទា និងបញ្ញាស្មារតីរបស់លោកស្រី អៀង ធីរិទ្ធ នារសៀលថ្ងៃទី៣១ ខែសីហា ឆ្នាំ២០១២ ភាគីសហព្រះរាជអាជ្ញារបស់តុលាការខ្មែរក្រហម បានបង្ហាញជំហរសន្និដ្ឋានចុងក្រោយថា "យើងយល់ឃើញថា ភស្តុតាងនៅចំពោះមុខបានបញ្ជាក់អស់ហើយថា លោកស្រី អៀង ធីរិទ្ធ ទទួលរងនូវជំងឺរវើរវាយពីកម្រិតមធ្យមទៅធ្ងន់ ហើយវាប៉ះពាល់ដល់កម្រិតធ្ងន់មួយដែលថា លោកស្រី អៀងធីរិទ្ធ មិនអាចប្រើប្រាស់សិទ្ធិជំនុំជម្រះ ដោយយុត្តិធម៌ទេ។ ដូច្នេះហើយគឺថា លោកស្រី អៀង ធីរិទ្ធ មិនមានសម្បទាគ្រប់គ្រាន់ ក្នុងការចូលរួមក្នុងសវនាការនោះឡើយ"។
ភាគីសហព្រះរាជអាជ្ញា ក៏បានបញ្ជាក់ថា មិនមានសំណើណាមួយ ដើម្បីបន្តឃុំខ្លួនលោកស្រី អៀង ធីរិទ្ធ ឡើយ ព្រោះថា ការស្នើសុំបន្តឃុំខ្លួនលោកស្រី អៀង ធីរិទ្ធ បានធ្វើឡើងម្តងមកហើយ និងមានប្រើប្រាស់មធ្យោបាយ ដើម្បីឲ្យគាត់បានប្រសើរឡើងវិញ តែមិនអាចធ្វើបាន។
យ៉ាងណាក៏ដោយ ភាគីសហព្រះរាជអាជ្ញា បានលើកឡើងថា លក្ខខណ្ឌមួយចំនួនដែលចាំបាច់ និងសមស្រប គួរតែមាន សម្រាប់ការដោះលែងលោកស្រី អៀង ធីរិទ្ធ ឲ្យនៅក្រៅឃុំជាបណ្តោះអាសន្ន។ លក្ខខណ្ឌទាំង ៦ ចំណុចនោះ រួមមាន៖ ទី១-លោកស្រី អៀង ធីរិទ្ធ គួរតែគប្បីតុលាការ ឲ្យស្ថិតនៅអាសយដ្ឋានជាក់លាក់ ទី២-គប្បីតែគាត់បង្ហាញវត្តមាន ដើម្បីពិនិត្យពីសុវត្ថិភាពរបស់គាត់ ដោយអាជ្ញាធរ ទី៣-តុលាការគប្បីឲ្យគាត់ ប្រគល់នូវអត្តសញ្ញាណប័ណ្ណ និងលិខិតឆ្លងដែន ទី៤-តុលាការគប្បីបង្គាប់ មិនឲ្យគាត់ទាក់ទងនឹងជនជាប់ចោទផ្សេងទៀត លើកលែងតែប្តីរបស់គាត់ ( លោក អៀង សារី ) ទី៥-តុលាការគប្បីបង្គាប់ មិនឲ្យគាត់ទាក់ទងដោយផ្ទាល់ ឬដោយប្រយោល នឹងសាក្សី អ្នកជំនាញ ឬជនរងគ្រោះដែលតុលាការនឹងកោះមកស្តាប់សក្ខីកម្ម និងទី៦-មិនត្រូវឲ្យរំខានក្នុងរបៀបណាមួយ នូវរដ្ឋបាលរបស់តុលាការនេះ។
លក្ខណ្ឌទាំងនោះ ត្រូវបានភាគីសហព្រះរាជអាជ្ញា បានគូសបញ្ជាក់ថា ដើម្បីធានាថា ទី១-ជនជាប់ចោទ មិនរំខានដល់កិច្ចដំណើរការនីតិវិធី ទី២-ដើម្បីធានាថា សុចរិតភាពនៃការជំនុំជម្រះត្រូវបានរក្សា និងទី៣-ដើម្បីឲ្យអង្គជំនុំជម្រះ អាចធ្វើការត្រួតពិនិត្យតាមផ្លូវតុលាការបាន។
ភាគីសហព្រះរាជអាជ្ញា ក៏បានលើកឡើងថា តុលាការ ក៏គួរតែតម្រូវឲ្យលោកស្រី អៀង ធីរិទ្ធ ព្យាបាលជាមួយអ្នកជំនាញ ឬគ្រូពេទ្យ រៀងរាល់ ៦ ខែម្តង ដើម្បីឲ្យតុលាការតាមដានស្ថានភាពសុខភាពរបស់គាត់។
ក៏ប៉ុន្តែភាគីសហមេធាវីនាំមុខ ការពារដើមបណ្តឹងរដ្ឋប្បវេណី ដែលជាជនរងគ្រោះ បានយល់ឃើញផ្ទុយពីនេះ ហើយថា អាការៈជំងឺរបស់លោកស្រី អៀង ធីរិទ្ធ មិនធ្ងន់ធ្ងរទេ ហើយថា លោកស្រីអតីតរដ្ឋមន្ត្រីក្រសួងសង្គមកិច្ច អាយុ ៨០ ឆ្នាំ បានធ្វើពុតជាវង្វេងស្មារតីប៉ុណ្ណោះ។
ដោយច្រានចោលជាប្រយោលនូវរបាយការណ៍របស់អ្នកជំនាញ ៤ រូប ដែលបានវាយតម្លៃលើអាការៈជំងឺរបស់លោកស្រី អៀង ធីរិទ្ធ ក្នុងសវនាការ នៅក្នុងសវនាការ នារសៀលនេះ លោកមេធាវី ពេជ អង្គ សហមេធាវីនាំមុខ ការពារដើមបណ្តឹងរដ្ឋប្បវេណី បានលើកឡើងថា "លោកស្រី អៀង ធីរិទ្ធ ជាអ្នកមានការអប់រំខ្ពស់នៅប្រទេសបារាំង គាត់ជាអ្នកដឹកនាំក្នុងចលនាតស៊ូ គាត់ជាអ្នកដឹកនាំការផ្សាយវិទ្យុ នៅក្នុងទីក្រុងហាណូយ ប្រទេសវៀតណាម ហើយគាត់ជារដ្ឋមន្ត្រីនៅក្នុងសម័យខ្មែរក្រហម។ ដូច្នេះចំណេះដឹង ហើយនិងជំនាញរបស់គាត់ នៅក្នុងការបំភ័ន្តចំលើយ ដែលឆ្លើយទៅតាមគំនិតរបស់គាត់ចង់បាន"។
លោកមេធាវី ពេជ អង្គ បានបន្ថែមថា ដើមបណ្តឹងរដ្ឋប្បវេណី បានគាំទ្រនូវការរកឃើញរបស់លោកស្រីវេជ្ជបណ្ឌិត ចក់ ធីតា ដែលយល់ថា លោកស្រី អៀង ធីរិទ្ធ មិនមានជំងឺវង្វេងស្មារតី ដូចការអះអាងរបស់អ្នកជំនាញ ៤រូបនោះទេ។ ដូច្នេះដើមបណ្តឹងរដ្ឋប្បវេណី ចង់ឲ្យមានក្រុមវាយតម្លៃមួយ ដែលជាវេជ្ជបណ្ឌិតជំនាញ ភេទស្រី ហើយជាក្រុមដែលធ្វើយល់ពីទំនាក់ទំនងរវាងវេជ្ជបណ្ឌិត និងអ្នកជំងឺ។ យើងក៏ស្នើសុំឲ្យតុលាការបន្តឃុំខ្លួន លោកស្រីអៀងធីរិទ្ធបន្តទៀត ដើម្បីឲ្យក្រុមអ្នកជំនាញថ្មី ដែលនឹងត្រូវបានចាត់តាំងដោយតុលាការ ដើម្បីធ្វើវាយតម្លៃជាថ្មីទៀត។
យ៉ាងក៏ដោយ លោកមេធាវី ផាត់ ពៅស៊ាង សហមេធាវីជាតិ ការពារក្តីរបស់លោកស្រី អៀង ធីរិទ្ធ បានច្រានចោលនូវការស្នើសុំរបស់សហមេធាវីការពារក្តីដើមបណ្តឹងរដ្ឋប្បវេណី ឲ្យមានការបង្កើតក្រុមអ្នកជំនាញថ្មីមួយទៀត ដើម្បីវាយតម្លៃលើអាការៈជំងឺវង្វេងស្មារតីរបស់លោកស្រីអៀងធីរិទ្ធ ព្រោះថា ការវាយតម្លៃលើជំងឺរបស់លោកស្រីអៀងធីរិទ្ធ ធ្វើឡើង ៤ លើកមកហើយ។
លោកមេធាវី ផាត់ ពៅស៊ាង បានបញ្ជាក់ថា "អ្នកជំនាញបានធ្វើសេចក្តីសន្និដ្ឋាន ដោយផ្អែកទៅតាមបែបបទរបស់ពេទ្យ ដោយទទួលស្គាល់ដោយអង្គការសុខភាពពិភពលោក គឺបានពិតឃើញថា ត្រឹមត្រូវ ហើយក៏បានវាយតម្លៃទៅតាមតេស្ត MMSE គឺគេបានពិនិត្យបានត្រឹមត្រូវហើយ។ ដូច្នេះសំណើសុំនេះ ខ្ញុំបាទយល់ឃើញថា គឺមិនអាចអូសបន្លាយបានទេ គឺថា ពិនិត្យដោយអ្នកជំនាញ ចំនួន ៤លើកមកហើយ"។
លោកមេធាវី ផាត់ ពៅស៊ាង ក៏បានបន្ថែមថា ចំពោះការវាយតម្លៃរបស់លោកស្រីវេជ្ជបណ្ឌិត ចក់ ធីតា ក៏ត្រូវបានវេជ្ជបណ្ឌិតអ្នកជំនាញជាតិ និងបរទេស បានច្រានចោលហើយ។
លោកមេធាវី ផាត់ ពៅស៊ាង បានគូសបញ្ជាក់ថា "របាយការណ៍របស់លោកស្រីវេជ្ជបណ្ឌិត ចក់ ធីតា គឺមានលក្ខណៈមិនសមស្របច្រើន។ គាត់ធ្វើរបាយការណ៍ ដោយផ្អែកទៅតាមសេចក្តីរាយការណ៍របស់គិលានុបដ្ឋរបស់គាត់ ហើយរាយការណ៍ជូនគាត់។ ដូច្នេះគាត់ផ្នែកតាមគិលានុបដ្ឋ រាយការណ៍ជូនគាត់មិនច្បាស់លាស់ គឺគាត់វាយតម្លៃមិនច្បាស់លាស់ទេ បានន័យថា ទិន្នន័យឲ្យមិនច្បាស់លាស់ហើយ គឺលទ្ធផលច្បាស់ជា មិនច្បាស់លាស់"។
លោកមេធាវី បានស្នើដល់តុលាការ ឲ្យដោះលែងលោកស្រី អៀង ធីរិទ្ធ ដោយគ្មានលក្ខខណ្ឌ ហើយទុកលទ្ធភាពថែទាំឲ្យគ្រួសាររបស់គាត់ ក្រែងលោកែសម្រួលសុខភាពរបស់គាត់ បានប្រសើរឡើងវិញ។
នៅក្នុងសវនាការ មុននឹងបញ្ចប់ការផ្តល់សក្ខីកម្មរបស់ខ្លួន នៅរសៀលថ្ងៃទី៣១ ខែសីហា ឆ្នាំ២០១២ លោកវេជ្ជបណ្ឌិត ស៊ីណា ហ្វាហ្សែល ( Seena Fazil ) ដែលជាគ្រូពេទ្យជំនាញវាយតម្លៃជំងឺរបស់លោកស្រី អៀង ធីរិទ្ធ ក្នុងចំណោមគ្រូពេទ្យជាតិ និងអន្តរជាតិ ទាំង ៤ រូប បានលើកឡើងថា ការបង្ហាញក្នុងរបាយការណ៍វាយតម្លៃ តាមរយៈការធ្វើតេស ដែលមានការទទួលស្គាល់ពីអង្គការសុខភាពពិភពលោក បង្ហាញថា លោកស្រី អៀង ធីរិទ្ធ មិនមានសមត្ថភាព ក្នុងការប្រើប្រាស់សិទ្ធិដើម្បីការពារខ្លួនឯង ក្នុងការជំនុំជម្រះដោយយុត្តិធម៌បានទេ។
ក្រុមវេជ្ជបណ្ឌិត ជាអ្នកជំនាញទាំង៤ រូប ក៏បានគូសបញ្ជាក់ថា មិនមានការព្យាបាលណាមួយ តាមរយៈឱសថ និងការព្យាបាលដោយធ្វើតេស្ត ដែលអាចឲ្យស្ថានភាពជំងឺរបស់លោកស្រី អៀង ធីរិទ្ធ បានប្រសើរនោះទេ ព្រោះថា ជំងឺវង្វេងស្មារតី ជាជំងឺដែលវិវឌ្ឍន៍ទៅមុខ ដោយកាន់តែធ្ងន់ធ្ងរទៅៗ។ ជំងឺវង្វេងស្មារតី ពាក់ព័ន្ធនឹងការបំផ្លាញកោសិកាខួរក្បាល។
លោកវេជ្ជបណ្ឌិត ស៊ីណា ហ្វាហ្សែល ក៏បានលើកឡើងថា ស្ថានភាពរបស់លោកស្រី អៀង ធីរិទ្ធ នាពេលនេះ ត្រូវការអ្នកថែរក្សាពីក្រុមគ្រួសារ នៅក្នុងផ្ទះ សម្រាប់ការរស់នៅក្នុងជីវិតចុងក្រោយរបស់គាត់។
ទោះជាយ៉ាងណាក៏ សវនាការលើការវាយតម្លៃកាយសម្បទា និងបញ្ញាស្មារតីរបស់លោកស្រី អៀង ធីរិទ្ធ រយៈពេលពីរថ្ងៃ ចាប់ពីថ្ងៃទី៣០ ខែសីហា បានបិទបញ្ចប់នារសៀលថ្ងៃទី៣១ ខែសីហា ឆ្នាំ២០១២។ លោកចៅក្រម និល ណុន បានប្រកាសថា អង្គជំនុំជម្រះសាលាដំបូង របស់តុលាការខ្មែរក្រហម នឹងចេញសេចក្តីសម្រេច នៅថ្ងៃក្រោយ ដើម្បីសម្រេចថា ត្រូវដោះលែងលោកស្រីអៀងធីរិទ្ធ ឬក៏បន្តឃុំឃាំងលោកស្រី ដើម្បីនាំយកទៅកាត់ទោស៕
ក្នុងពេលបិទបញ្ចប់សវនាការលើកាយសម្បទា និងបញ្ញាស្មារតីរបស់លោកស្រី អៀង ធីរិទ្ធ នារសៀលថ្ងៃទី៣១ ខែសីហា ឆ្នាំ២០១២ ភាគីសហព្រះរាជអាជ្ញារបស់តុលាការខ្មែរក្រហម បានបង្ហាញជំហរសន្និដ្ឋានចុងក្រោយថា "យើងយល់ឃើញថា ភស្តុតាងនៅចំពោះមុខបានបញ្ជាក់អស់ហើយថា លោកស្រី អៀង ធីរិទ្ធ ទទួលរងនូវជំងឺរវើរវាយពីកម្រិតមធ្យមទៅធ្ងន់ ហើយវាប៉ះពាល់ដល់កម្រិតធ្ងន់មួយដែលថា លោកស្រី អៀងធីរិទ្ធ មិនអាចប្រើប្រាស់សិទ្ធិជំនុំជម្រះ ដោយយុត្តិធម៌ទេ។ ដូច្នេះហើយគឺថា លោកស្រី អៀង ធីរិទ្ធ មិនមានសម្បទាគ្រប់គ្រាន់ ក្នុងការចូលរួមក្នុងសវនាការនោះឡើយ"។
ភាគីសហព្រះរាជអាជ្ញា ក៏បានបញ្ជាក់ថា មិនមានសំណើណាមួយ ដើម្បីបន្តឃុំខ្លួនលោកស្រី អៀង ធីរិទ្ធ ឡើយ ព្រោះថា ការស្នើសុំបន្តឃុំខ្លួនលោកស្រី អៀង ធីរិទ្ធ បានធ្វើឡើងម្តងមកហើយ និងមានប្រើប្រាស់មធ្យោបាយ ដើម្បីឲ្យគាត់បានប្រសើរឡើងវិញ តែមិនអាចធ្វើបាន។
យ៉ាងណាក៏ដោយ ភាគីសហព្រះរាជអាជ្ញា បានលើកឡើងថា លក្ខខណ្ឌមួយចំនួនដែលចាំបាច់ និងសមស្រប គួរតែមាន សម្រាប់ការដោះលែងលោកស្រី អៀង ធីរិទ្ធ ឲ្យនៅក្រៅឃុំជាបណ្តោះអាសន្ន។ លក្ខខណ្ឌទាំង ៦ ចំណុចនោះ រួមមាន៖ ទី១-លោកស្រី អៀង ធីរិទ្ធ គួរតែគប្បីតុលាការ ឲ្យស្ថិតនៅអាសយដ្ឋានជាក់លាក់ ទី២-គប្បីតែគាត់បង្ហាញវត្តមាន ដើម្បីពិនិត្យពីសុវត្ថិភាពរបស់គាត់ ដោយអាជ្ញាធរ ទី៣-តុលាការគប្បីឲ្យគាត់ ប្រគល់នូវអត្តសញ្ញាណប័ណ្ណ និងលិខិតឆ្លងដែន ទី៤-តុលាការគប្បីបង្គាប់ មិនឲ្យគាត់ទាក់ទងនឹងជនជាប់ចោទផ្សេងទៀត លើកលែងតែប្តីរបស់គាត់ ( លោក អៀង សារី ) ទី៥-តុលាការគប្បីបង្គាប់ មិនឲ្យគាត់ទាក់ទងដោយផ្ទាល់ ឬដោយប្រយោល នឹងសាក្សី អ្នកជំនាញ ឬជនរងគ្រោះដែលតុលាការនឹងកោះមកស្តាប់សក្ខីកម្ម និងទី៦-មិនត្រូវឲ្យរំខានក្នុងរបៀបណាមួយ នូវរដ្ឋបាលរបស់តុលាការនេះ។
លក្ខណ្ឌទាំងនោះ ត្រូវបានភាគីសហព្រះរាជអាជ្ញា បានគូសបញ្ជាក់ថា ដើម្បីធានាថា ទី១-ជនជាប់ចោទ មិនរំខានដល់កិច្ចដំណើរការនីតិវិធី ទី២-ដើម្បីធានាថា សុចរិតភាពនៃការជំនុំជម្រះត្រូវបានរក្សា និងទី៣-ដើម្បីឲ្យអង្គជំនុំជម្រះ អាចធ្វើការត្រួតពិនិត្យតាមផ្លូវតុលាការបាន។
ភាគីសហព្រះរាជអាជ្ញា ក៏បានលើកឡើងថា តុលាការ ក៏គួរតែតម្រូវឲ្យលោកស្រី អៀង ធីរិទ្ធ ព្យាបាលជាមួយអ្នកជំនាញ ឬគ្រូពេទ្យ រៀងរាល់ ៦ ខែម្តង ដើម្បីឲ្យតុលាការតាមដានស្ថានភាពសុខភាពរបស់គាត់។
ក៏ប៉ុន្តែភាគីសហមេធាវីនាំមុខ ការពារដើមបណ្តឹងរដ្ឋប្បវេណី ដែលជាជនរងគ្រោះ បានយល់ឃើញផ្ទុយពីនេះ ហើយថា អាការៈជំងឺរបស់លោកស្រី អៀង ធីរិទ្ធ មិនធ្ងន់ធ្ងរទេ ហើយថា លោកស្រីអតីតរដ្ឋមន្ត្រីក្រសួងសង្គមកិច្ច អាយុ ៨០ ឆ្នាំ បានធ្វើពុតជាវង្វេងស្មារតីប៉ុណ្ណោះ។
ដោយច្រានចោលជាប្រយោលនូវរបាយការណ៍របស់អ្នកជំនាញ ៤ រូប ដែលបានវាយតម្លៃលើអាការៈជំងឺរបស់លោកស្រី អៀង ធីរិទ្ធ ក្នុងសវនាការ នៅក្នុងសវនាការ នារសៀលនេះ លោកមេធាវី ពេជ អង្គ សហមេធាវីនាំមុខ ការពារដើមបណ្តឹងរដ្ឋប្បវេណី បានលើកឡើងថា "លោកស្រី អៀង ធីរិទ្ធ ជាអ្នកមានការអប់រំខ្ពស់នៅប្រទេសបារាំង គាត់ជាអ្នកដឹកនាំក្នុងចលនាតស៊ូ គាត់ជាអ្នកដឹកនាំការផ្សាយវិទ្យុ នៅក្នុងទីក្រុងហាណូយ ប្រទេសវៀតណាម ហើយគាត់ជារដ្ឋមន្ត្រីនៅក្នុងសម័យខ្មែរក្រហម។ ដូច្នេះចំណេះដឹង ហើយនិងជំនាញរបស់គាត់ នៅក្នុងការបំភ័ន្តចំលើយ ដែលឆ្លើយទៅតាមគំនិតរបស់គាត់ចង់បាន"។
លោកមេធាវី ពេជ អង្គ បានបន្ថែមថា ដើមបណ្តឹងរដ្ឋប្បវេណី បានគាំទ្រនូវការរកឃើញរបស់លោកស្រីវេជ្ជបណ្ឌិត ចក់ ធីតា ដែលយល់ថា លោកស្រី អៀង ធីរិទ្ធ មិនមានជំងឺវង្វេងស្មារតី ដូចការអះអាងរបស់អ្នកជំនាញ ៤រូបនោះទេ។ ដូច្នេះដើមបណ្តឹងរដ្ឋប្បវេណី ចង់ឲ្យមានក្រុមវាយតម្លៃមួយ ដែលជាវេជ្ជបណ្ឌិតជំនាញ ភេទស្រី ហើយជាក្រុមដែលធ្វើយល់ពីទំនាក់ទំនងរវាងវេជ្ជបណ្ឌិត និងអ្នកជំងឺ។ យើងក៏ស្នើសុំឲ្យតុលាការបន្តឃុំខ្លួន លោកស្រីអៀងធីរិទ្ធបន្តទៀត ដើម្បីឲ្យក្រុមអ្នកជំនាញថ្មី ដែលនឹងត្រូវបានចាត់តាំងដោយតុលាការ ដើម្បីធ្វើវាយតម្លៃជាថ្មីទៀត។
យ៉ាងក៏ដោយ លោកមេធាវី ផាត់ ពៅស៊ាង សហមេធាវីជាតិ ការពារក្តីរបស់លោកស្រី អៀង ធីរិទ្ធ បានច្រានចោលនូវការស្នើសុំរបស់សហមេធាវីការពារក្តីដើមបណ្តឹងរដ្ឋប្បវេណី ឲ្យមានការបង្កើតក្រុមអ្នកជំនាញថ្មីមួយទៀត ដើម្បីវាយតម្លៃលើអាការៈជំងឺវង្វេងស្មារតីរបស់លោកស្រីអៀងធីរិទ្ធ ព្រោះថា ការវាយតម្លៃលើជំងឺរបស់លោកស្រីអៀងធីរិទ្ធ ធ្វើឡើង ៤ លើកមកហើយ។
លោកមេធាវី ផាត់ ពៅស៊ាង បានបញ្ជាក់ថា "អ្នកជំនាញបានធ្វើសេចក្តីសន្និដ្ឋាន ដោយផ្អែកទៅតាមបែបបទរបស់ពេទ្យ ដោយទទួលស្គាល់ដោយអង្គការសុខភាពពិភពលោក គឺបានពិតឃើញថា ត្រឹមត្រូវ ហើយក៏បានវាយតម្លៃទៅតាមតេស្ត MMSE គឺគេបានពិនិត្យបានត្រឹមត្រូវហើយ។ ដូច្នេះសំណើសុំនេះ ខ្ញុំបាទយល់ឃើញថា គឺមិនអាចអូសបន្លាយបានទេ គឺថា ពិនិត្យដោយអ្នកជំនាញ ចំនួន ៤លើកមកហើយ"។
លោកមេធាវី ផាត់ ពៅស៊ាង ក៏បានបន្ថែមថា ចំពោះការវាយតម្លៃរបស់លោកស្រីវេជ្ជបណ្ឌិត ចក់ ធីតា ក៏ត្រូវបានវេជ្ជបណ្ឌិតអ្នកជំនាញជាតិ និងបរទេស បានច្រានចោលហើយ។
លោកមេធាវី ផាត់ ពៅស៊ាង បានគូសបញ្ជាក់ថា "របាយការណ៍របស់លោកស្រីវេជ្ជបណ្ឌិត ចក់ ធីតា គឺមានលក្ខណៈមិនសមស្របច្រើន។ គាត់ធ្វើរបាយការណ៍ ដោយផ្អែកទៅតាមសេចក្តីរាយការណ៍របស់គិលានុបដ្ឋរបស់គាត់ ហើយរាយការណ៍ជូនគាត់។ ដូច្នេះគាត់ផ្នែកតាមគិលានុបដ្ឋ រាយការណ៍ជូនគាត់មិនច្បាស់លាស់ គឺគាត់វាយតម្លៃមិនច្បាស់លាស់ទេ បានន័យថា ទិន្នន័យឲ្យមិនច្បាស់លាស់ហើយ គឺលទ្ធផលច្បាស់ជា មិនច្បាស់លាស់"។
លោកមេធាវី បានស្នើដល់តុលាការ ឲ្យដោះលែងលោកស្រី អៀង ធីរិទ្ធ ដោយគ្មានលក្ខខណ្ឌ ហើយទុកលទ្ធភាពថែទាំឲ្យគ្រួសាររបស់គាត់ ក្រែងលោកែសម្រួលសុខភាពរបស់គាត់ បានប្រសើរឡើងវិញ។
នៅក្នុងសវនាការ មុននឹងបញ្ចប់ការផ្តល់សក្ខីកម្មរបស់ខ្លួន នៅរសៀលថ្ងៃទី៣១ ខែសីហា ឆ្នាំ២០១២ លោកវេជ្ជបណ្ឌិត ស៊ីណា ហ្វាហ្សែល ( Seena Fazil ) ដែលជាគ្រូពេទ្យជំនាញវាយតម្លៃជំងឺរបស់លោកស្រី អៀង ធីរិទ្ធ ក្នុងចំណោមគ្រូពេទ្យជាតិ និងអន្តរជាតិ ទាំង ៤ រូប បានលើកឡើងថា ការបង្ហាញក្នុងរបាយការណ៍វាយតម្លៃ តាមរយៈការធ្វើតេស ដែលមានការទទួលស្គាល់ពីអង្គការសុខភាពពិភពលោក បង្ហាញថា លោកស្រី អៀង ធីរិទ្ធ មិនមានសមត្ថភាព ក្នុងការប្រើប្រាស់សិទ្ធិដើម្បីការពារខ្លួនឯង ក្នុងការជំនុំជម្រះដោយយុត្តិធម៌បានទេ។
ក្រុមវេជ្ជបណ្ឌិត ជាអ្នកជំនាញទាំង៤ រូប ក៏បានគូសបញ្ជាក់ថា មិនមានការព្យាបាលណាមួយ តាមរយៈឱសថ និងការព្យាបាលដោយធ្វើតេស្ត ដែលអាចឲ្យស្ថានភាពជំងឺរបស់លោកស្រី អៀង ធីរិទ្ធ បានប្រសើរនោះទេ ព្រោះថា ជំងឺវង្វេងស្មារតី ជាជំងឺដែលវិវឌ្ឍន៍ទៅមុខ ដោយកាន់តែធ្ងន់ធ្ងរទៅៗ។ ជំងឺវង្វេងស្មារតី ពាក់ព័ន្ធនឹងការបំផ្លាញកោសិកាខួរក្បាល។
លោកវេជ្ជបណ្ឌិត ស៊ីណា ហ្វាហ្សែល ក៏បានលើកឡើងថា ស្ថានភាពរបស់លោកស្រី អៀង ធីរិទ្ធ នាពេលនេះ ត្រូវការអ្នកថែរក្សាពីក្រុមគ្រួសារ នៅក្នុងផ្ទះ សម្រាប់ការរស់នៅក្នុងជីវិតចុងក្រោយរបស់គាត់។
ទោះជាយ៉ាងណាក៏ សវនាការលើការវាយតម្លៃកាយសម្បទា និងបញ្ញាស្មារតីរបស់លោកស្រី អៀង ធីរិទ្ធ រយៈពេលពីរថ្ងៃ ចាប់ពីថ្ងៃទី៣០ ខែសីហា បានបិទបញ្ចប់នារសៀលថ្ងៃទី៣១ ខែសីហា ឆ្នាំ២០១២។ លោកចៅក្រម និល ណុន បានប្រកាសថា អង្គជំនុំជម្រះសាលាដំបូង របស់តុលាការខ្មែរក្រហម នឹងចេញសេចក្តីសម្រេច នៅថ្ងៃក្រោយ ដើម្បីសម្រេចថា ត្រូវដោះលែងលោកស្រីអៀងធីរិទ្ធ ឬក៏បន្តឃុំឃាំងលោកស្រី ដើម្បីនាំយកទៅកាត់ទោស៕