ខេត្តកំពង់ស្ពឺ ៖ បុរសម្នាក់ក្នុងចំណោម៤នាក់បានត្រូវទឹកកួចនាំទៅបាត់កាលពីវេលាម៉ោង១និង៣០នាទីរសៀលថ្ងៃទី១០ តុលា នៅចំណុចអូរសច្ចា ស្ថិតក្នុងឃុំតាសាល ស្រុកឱរ៉ាល់ ខណៈពេលដើរឆ្លងកាត់អូរ ។ តាមប្រភពព័ត៌មានថា ទឹកអូរដែលហូរកួចយ៉ាងគំហុកនេះគឺក្រោយពីមានភ្លៀងមួួយមេធំ ។
មន្ត្រីកងរាជអាវុថហត្ថក៏ដូចជាមន្ត្រីប៉ូលិសស្រុកឱរ៉ាល់បានឱ្យដឹងថា នៅរសៀលថ្ងៃទី១០ តុលានោះ នៅអូរសច្ចា ក្នុងឃុំតាសាល មានបុរសចំនួន៤នាក់ចេញពីព្រៃត្រឡប់មកផ្ទះរបស់ខ្លួនឯស្រុកភ្នំស្រួចវិញ ក្រោយពីបានដើររកទិញអុសធ្យូងរួមទាំងទិញឈើគ្រញូងលួចលាក់នៅតំបន់នោះផង។ បុរសទាំង៤នាក់បានដើរឆ្លងកាត់អូរមួយឈ្មោះអូរសច្ចា ដែលទឹកមានជម្រៅត្រឹមចង្កេះហើយដោយទឹកហូរកួចខ្លាំងក៏កួចអ្នកទាំង៤នាក់នាក់តែ៣នាក់បានហែលឆ្លងផុតដោយឡែកឈ្មោះស៊ុំ ញ៉េន អាយុ៤៨ឆ្នាំ មានទីលំនៅភូមិពានអន្ទង ឃុំអូរ ស្រុកភ្នំស្រួច ដោយទប់ខ្លួនពុំជាប់ក៏ត្រូវទឹកកួចរសាត់នាំយកទៅបាត់ស្រមោល។
ហេតុការណ៍នេះ បានកើតឡើងនៅវេលាម៉ោង១និង៣០នាទីរសៀលថ្ងៃទី១០ តុលា ហើយរហូតមកដល់ព្រឹកថ្ងៃទី១១ តុលា នៅតែពុំទាន់រកឃើញសពអណ្តែតនៅឡើយទេ៕
ហេតុការណ៍នេះ បានកើតឡើងនៅវេលាម៉ោង១និង៣០នាទីរសៀលថ្ងៃទី១០ តុលា ហើយរហូតមកដល់ព្រឹកថ្ងៃទី១១ តុលា នៅតែពុំទាន់រកឃើញសពអណ្តែតនៅឡើយទេ៕