ខេត្តកោះកុង៖កាលពីរសៀលថ្ងៃទី ១១ ខែតុលា ឆ្នាំ២០១១ ឧត្តមសេនីយ៍ឯក គីម ប៊ុនថាន នាយករងខុទ្ទកាល័យសម្តេចអគ្គមហាសេនាបតីតេជោនាយករដ្ឋមន្ត្រីនៃព្រះរាជាណាចក្រកម្ពុជានិងជាអគ្គមេបញ្ជាការរងនៃខ.ភ.មតំណាងដ៏ខ្ពង់ខ្ពស់នាយឧត្តមសេនីយ៍ គន់ គីម អគ្គមេបញ្ជាការរងនាយសេនាធិការចំរុះ រួមដំណើរដោយឧត្តមនាវីឯក ស្រ៊ុន សារឿន មេបញ្ជាការរងកងទ័ពជើងទឹក និងជាមេបញ្ជាការកងពលតូចលេខ៣១ ព្រមទាំងមន្ត្រីយោធាជាន់ខ្ពស់ជាច្រើនរូបទៀត បានអញ្ជើញជាអធិបតីក្នុងពិធីប្រគល់អាគារស្នាក់នៅ ចំនួន៤ខ្នង ដែល២ខ្នងនៅកោះយ៉ និង២ខ្នងទៀតនៅកោះកុងក្រៅ និងចែកអាវរងារជូនដល់កងការពារកោះយ៉ ដែលជាអំណោយដ៏ថ្លៃថ្លារបស់សម្តេចតេជោ និងលោកជំទាវកិត្តិព្រឹទ្ធបណ្ឌិត ។
ឆ្លៀតក្នុងឱកាសនោះឧត្តមសេនីយ៍ឯក គីម ប៊ុនថាន បានមានប្រសាសន៍ពាំនាំនូវការផ្តាំផ្ញើសាកសួរសុខទុក្ខ ប្រកបដោយ មនោសញ្ចេតនាដ៏ជ្រាលជ្រៅ និងក្តីនឹករលឹក ពីសំណាក់សម្តេចតេជោ នាយករដ្ឋមន្ត្រី និងលោកជំទាវ កិត្តិព្រឹទ្ធបណ្ឌិត ប្រធានកាកបាទក្រហមជាតិកម្ពុជា ជូនចំពោះបងប្អូនទាំងអស់ ដែលមានវត្តមានទីនេះ និងបានកោតសរសើរដល់ការខិតខំប្រឹងប្រែងរបស់កងវិស្វកម្មសម្តេចតេជោ សៀមរាប ដែលបានស្ថាបនា រួចរាល់ជាស្ថាពរនាពេលនេះ តាមការកំនត់ ប្រកបដោយសោភ័ណភាព និងគុណភាព ដែលអាចទទួលយកបាន ។ បន្ទាប់មកឧត្តមសេនីយ៍ឯក គីម ប៊ុនថាន បានចុះធ្វើការពិនិត្យបណ្តាលេណដ្ឋាន និងគ្រឿងសព្វាវុធនៅ លើកោះយ៉នោះផងដែរ ៕
ឆ្លៀតក្នុងឱកាសនោះឧត្តមសេនីយ៍ឯក គីម ប៊ុនថាន បានមានប្រសាសន៍ពាំនាំនូវការផ្តាំផ្ញើសាកសួរសុខទុក្ខ ប្រកបដោយ មនោសញ្ចេតនាដ៏ជ្រាលជ្រៅ និងក្តីនឹករលឹក ពីសំណាក់សម្តេចតេជោ នាយករដ្ឋមន្ត្រី និងលោកជំទាវ កិត្តិព្រឹទ្ធបណ្ឌិត ប្រធានកាកបាទក្រហមជាតិកម្ពុជា ជូនចំពោះបងប្អូនទាំងអស់ ដែលមានវត្តមានទីនេះ និងបានកោតសរសើរដល់ការខិតខំប្រឹងប្រែងរបស់កងវិស្វកម្មសម្តេចតេជោ សៀមរាប ដែលបានស្ថាបនា រួចរាល់ជាស្ថាពរនាពេលនេះ តាមការកំនត់ ប្រកបដោយសោភ័ណភាព និងគុណភាព ដែលអាចទទួលយកបាន ។ បន្ទាប់មកឧត្តមសេនីយ៍ឯក គីម ប៊ុនថាន បានចុះធ្វើការពិនិត្យបណ្តាលេណដ្ឋាន និងគ្រឿងសព្វាវុធនៅ លើកោះយ៉នោះផងដែរ ៕
