កំពង់ឆ្នាំង ៖ ប្រជាពលរដ្ឋក្នុងភូមិសំរោង១គ្រួសារត្រូវលោកស្នងការនគរបាលខេត្តបញ្ជាឲ្យមន្ត្រីនគរបាលក្រុងកំពង់ឆ្នាំងយកកាណូតទៅសង្គ្រោះយកពីលំនៅដ្ឋានទាំងយប់មក ទីទួលសុវត្ថិភាពពេលទឹកជំនន់ឡើងលិចផ្ទះរបស់ គាត់កាលពីថ្ងៃទី១១ខែតុលាឆ្នាំ២០១១។
លោក ហ៊ុល វាសនា អធិការរងនគរបាលក្រុងកំពង់ឆ្នាំងបានឲ្យនឹងថានៅវេលាម៉ោង២១យប់ថ្ងៃទី១១ខែតុលាឆ្នាំ២០១១ប្រជាពលរដ្ឋក្នុងស្រុកសំរោងសង្កាត់ផ្សារឆ្នាំងក្រុងកំពង់ឆ្នាំងឈ្មោះ ញិល ឆេង អាយុ៥៦ឆ្នាំនិងប្រពន្ធឈ្មោះព្រុំចំរើនអាយុ៤៣ឆ្នាំដែលមានកូនចំនួន៩នាក់ទាំងឪចាស់ម្នាក់បានទទួលទូរស័ព្ទសំណូមពរដល់លោកស្នងការ ខេត្តសុំជួយអន្តរាគមន៍ជួយសង្គ្រោះព្រោះតែ ទឹកជំនន់បានឡើង លិចផ្ទះនិងលិចគ្រែពួកគាត់ដេកទាំងកណ្ដាលយប់។ក្រោយពី ទទួលបានបទបញ្ជាពីលោកស្នងការមន្ត្រីនគរបាលក្រុងកំពង់ឆ្នាំងសហការជាមួយលោកមេភូមិសំរោងក៏បានយកកាណូត១គ្រឿងរបស់សមត្ថិកិច្ចចេញទៅសង្គ្រោះយកក្រុមគ្រួសាររងគ្រោះនោះមកកាន់ទីទួលហើយក៏បានអនុញ្ញាតឲ្យស្នាក់នៅក្នុងការដ្ឋាននគរបាលក្រុងកំពង់ឆ្នាំងមួយយប់។
នៅព្រឹកថ្ងៃទី១២ខែតុលាឆ្នាំ២០១១ ឯកឧត្តម ទូម៉ារីម អភិបាលខេត្តនិងជា ប្រធានគណបក្សប្រជាជន កម្ពុជាខេត្តកំពង់ឆ្នាំងក៏បានផ្តល់អំណោយរបស់ឯកឧត្តមតាមរយៈស្នងការនគរបាលខេត្តដើម្បីចែក ជូនគ្រួសារដែលរងគ្រោះដោយសារទឹកជំនន់ខាងលើ នេះ។ អំណោយនោះ រួមមានអង្ករ៥០គីឡូទឹកត្រី១យួរទឹកស៊ីអ៊ីវ១យួរប៊ីចេង១កញ្ចប់ខ្ទឹមមួយកញ្ចប់និងទឹកប្រាក់៥០០០០រៀលដែលជាអំណោយរបស់គណបក្សប្រជាជន កម្ពុជា។ ក្រោយពីបានចែកអំណោយជូនជនរងគ្រោះនៅក្នុងអធិការដ្ឋាននគរបាលក្រុង កំពង់ឆ្នាំងលោកស្នងការក៏បានឲ្យមន្ត្រីនគរបាលយក រថយន្តដឹកគ្រួសារជនរងគ្រោះយកទៅស្នាក់នៅទីទួលក្នុង វត្តធម្មយុត្តិជាបណ្ដោះអាសន្ន។លោក ញិល ចេង ជា មេគ្រួសារជន រងគ្រោះបានថ្លែងអំណរគុណយ៉ាងជ្រាលជ្រៅចំពោះលោកស្នងការនិងលោកអធិការដ្ឋានប្រចាំ ខេត្តកំពង់ឆ្នាំង៕
ឫទ្ធីជ័យ