ខេត្ដកណ្ដាល ៖ ក្នុងនាមក្រុមការងារគណបក្សប្រជាជនកម្ពុជា លោក ប៉ែន សំអាត ទីប្រឹក្សាផ្ទាល់សម្ដេចអគ្គមហាសេនាបតីតេជោ ហ៊ុន សែន និងជាប្រធានគណៈពង្រឹងចុះជួយឃុំខ្ពប បានដឹកនាំក្រុមការងារជាច្រើនរូប ចុះជួបសំណេះសំណាលជាមួយសកម្មជន និងសមាជិកសមាជិការគណបក្សប្រជាជនឃុំខ្ពប កាលពីព្រឹកថ្ងៃទី៣០ ខែកញ្ញា ឆ្នាំ២០១២ ដោយមានប្រជាពលរដ្ឋ មន្ដ្រីរាជការក្នុងមូលដ្ឋានចូលរួមប្រមាណជាង២០០០នាក់ ។ ពិធីជួបសំណេះសំណាលនេះបានប្រារឰធ្វើឡើងក្នុងបរិវេណវត្ដខ្ពប ស្ថិតក្នុងភូមិខ្ពបក្រោម ឃុំខ្ពក ស្រុកស្អាង ខេត្ដកណ្ដាល ។
លោក ខឹម ច័ន្ទគិរី ប្រធានគណបក្សប្រជាជនកម្ពុជាស្រុកស្អាង បានឡើងអានសុន្ទរកថា និងរាយការណ៍ជូនគណៈអធិបតីឱ្យដឹងថា ការងារដំណើរនៃការពិនិត្យបញ្ជីឈ្មោះ និងការចុះឈ្មោះឆ្នោតនៅក្នុងមូលដ្ឋានស្រុកស្អាង គិតចាប់ពីថ្ងៃទី១ ខែកញ្ញា ឆ្នាំ២០១២ មកដល់ដំណើរការពិនិត្យបញ្ជីឈ្មោះ និងការចុះឈ្មោះបោះឆ្នោតនៅក្នុងឃុំខ្ពបមានចំនួន ៦៨៩នាក់ ក្នុងនោះស្រី៣៤៣នាក់ ។
នាឱកាសនោះ លោក ប៉ែន សំអាត ប្រធានគណៈពង្រឹងមូលដ្ឋានចុះជួយឃុំខ្ពប បានសំណេះសំណាលជាមួយប្រជាពលរដ្ឋនិងបានញំនាំការសាកសួរសុខទុក្ខពីសំណាក់សម្ដេចទាំង៣និងលោកជំទាវកិត្ដិព្រឹទ្ធបណ្ឌិត ប៊ុន រ៉ានី ហ៊ុន សែន ដែលតែងតែគិតគូរពីសុខទុក្ខលំបាករបស់ប្រជាពលរដ្ឋនៅទូទាំងប្រទេស ក៏ជាប្រជាពលរដ្ឋនៅក្នុងឃុំខ្ពបនេះដែរ ។ លោក ប៉ែន សំអាត បានណែនាំដល់ក្រុមការងារគណៈពង្រឹងក្នុងឃុំខ្ពបទាំងអស់ ឱ្យចុះជាប្រចាំជួបជាមួយប្រជាពលរដ្ឋនៅក្នុងភូមិ ដែលក្រុមការងារបានបែងចែកកម្លាំងការងារប្រចាំភូមិនីមួយៗក្ន្នុងឃុំខ្ពបរួចជាស្រេចនោះ ឱ្យចុះផ្ទាល់ជួបជាមួយប្រជាពលរដ្ឋ ដើម្បីជួយឧបត្ថម្ភដល់ប្រជាពលរដ្ឋណាដែលមានការលំបាកទីទ័លក្រ ហើយគោលនយោបាយរបស់គណបក្សប្រជាជនដែលមានការដឹកនាំពីសម្ដេចអគ្គមហាសេនាបតីតេជោ ហ៊ុន សែន មិនឱ្យប្រជាពលរដ្ឋណាម្នាក់ស្លាប់ដោយអត់ការហូបចុកនោះទេ ។
ក្នុងពិធីជួបសំណេះសំណាលនោះដែរ លោក ប៉ែន សំអាត បានជួយស្ដារហេដ្ឋារចនាសម័ន្ធនៅក្នុងមូលដ្ឋាន ក៏ដូចជានៅក្នុងទីធ្លាសាលារៀន លោកនិងជួយចាក់បេតុងធ្វើផ្លូវជាច្រើនខ្សែ៕