ដោយៈ ឯក
ថា
ភ្នំពេញ
២៦ កញ្ញា ឆ្នាំ ២០១២៖ ឯកឧត្តមឧបនាយករដ្ឋមន្រ្តី បណ្ឌិតសភាចារ្យ សុខ អាន
បានស្វាគមន៍គំនិតផ្តួចផ្តើមរបស់ឯកអគ្គរដ្ឋទូតកេនយ៉ា ដើម្បីចាប់ផ្តើមការហោះហើរដោយត្រង់រវាងប្រទេសទាំងពីរនេះ
ដោយនិយាយថា កម្ពុជាមានសក្តានុពលខ្ពស់នៅក្នុងវិស័យអេកូទេសចរ និងវប្បធម៌។
ការពារលំអិត នឹងត្រូវបានពិភាក្សាដោយស្ថាប័នពាក់ព័ន្ធ មុនពេលដែលកិច្ចព្រមព្រៀងមួយត្រូវបានចុះហត្ថលេខា។
ឯកអគ្គរដ្ឋទូតកេនយ៉ា
ឯកឧត្តមបណ្ឌិត Richard Titus Ekai
បានជំរាបប្រាប់ឯកឧត្តមបណ្ឌិតសភាចារ្យ សុខ អាន នៅក្នុងកិច្ចប្រជុំមួយកាលពីថ្ងៃពុធថា
Nairobi
មានជើងហោះហើរត្រង់ទៅកាន់ប្រទេសថៃ និងវៀងណាម ហើយឥឡូវនេះ
ចង់ឲ្យមានការហោះហើរដោយត្រង់ជាមួយកម្ពុជា ដែលនឹងជួយជំរុញទាំងឧស្សាហកម្មទេចរណ៍
និងសកម្មភាពសេដ្ឋកិច្ច។
ឯកឧត្តមបណ្ឌិតសភាចារ្យ
សុខ អាន បានមានប្រសាសន៍ថា កម្ពុជាមានសក្តានុពលផ្នែកទេសចរណ៍វប្បធម៌ ដែលមានប្រាង្គប្រាសាទបុរាណប្រមាណ
១០០០ នៅទូទាំងប្រទេស។ កម្ពុជា ក៏ជាគោលដៅទេសចរណ៍ដ៏គួរឲ្យទាក់ទាញមួយផងដែរ
ដោយសារតែឆ្នេរសមុទ្រដ៏ស្រស់ប្រិមប្រិយរបស់ខ្លួន ទឹកធ្លាក់ និងដងទន្លេបឹងបួរ
ព្រមទាំងទេសភាពទាំងឡាយ។
ព្រះរាជាណាចក្រនេះ
បានទទួលការអភិវឌ្ឍន៍ចិរភាព រាប់បញ្ចូលទាំងឧស្សាហកម្មទេសចរណ៍ ដែលបានទាក់ទាញជំនួយបរទេសទាំងផ្នែកហិរញ្ញវត្ថុ
និងបច្ចេកទេស ជាពិសេស ចាប់តាំងពីប្រទេសនេះ បានទទួលការបង្រួបបង្រួមជាតិពេញលេញ
សន្តិភាព និងសន្តិសុខ ក្រោយពីការបាត់បង់ទាំងស្រុងរបស់ចលនាខ្មែរក្រហមនៅឆ្នាំ
១៩៩៨ ដោយសារតែនយោបាយ ឈ្នះ ឈ្នះ ផ្តើមគំនិតឡើងដោយសម្តេចអគ្គមហាសេនាបតីតេជោ
ហ៊ុន សែន។
ស្ថិរភាពនយោបាយ
បានទាក់ទាញវិនិយោគិនបរទេស ព្រមទាំងភ្ញៀវទេសចរបរទេស ដែលរួមចំណែកដល់ការអភិវឌ្ឍន៍សង្គមរបស់ប្រទេសនេះ។
ប្រទេសកម្ពុជា
ក៏មានសក្តានុពលខ្ពស់ផងដែរនៅក្នុងវិស័យកសិកម្ម បានទទួលផលិតផលស្រូវលើសជារៀងរាល់ឆ្នាំ និងនាំចេញទៅប្រទេសជិតខាង។
ទីក្រុង Nairobi ចាប់អារម្មណ៍ នៅក្នុងដំណើរដែលប្រព្រឹត្តទៅបាននៃការនាំអង្ករកម្ពុជាចេញទៅប្រទេស
កេនយ៉ា។
វានឹងមាន ការពិភាក្សាបន្ថែមទៀត ស្តីពីជើងហោះហើរដោយត្រង់
និងការនាំអង្ករចេញ។ ឯកឧត្តមបណ្ឌិតសភាចារ្យ សុខ អាន
បានមានប្រសាសន៍ ជាមួយនឹងការផ្តល់ជំនឿទុកចិត្តទៅកាន់ឯអគ្គរដ្ឋទូតរូបនេះថា
កម្ពុជានឹងធ្វើឲ្យអស់ពីសមត្ថភាពរបស់ខ្លួនដើម្បីជួយសម្រួលទៅលើគំនិតផ្តួចផ្តើមទាំងពីរដែលបានលើកឡើង។
ឯកឧត្តមឧបនាយករដ្ឋមន្រ្តីបានមានប្រសាសន៍ថា
“រាជរដ្ឋាភិបាលកម្ពុជាស្វាគមន៍សំណើរបស់លោក ហើយនិងព្យាយាមអស់ពីសមត្ថភាពដើម្បីជួយសម្រួលការហោះហើរនោះ។
យើងមានយន្តហោះជាតិ Angkor Airline ដែលកំពុងប្រតិបត្តិការនៅក្នុងតំបន់។
ឯកឧត្តមបណ្ឌិតសភាចារ្យ
សុខ អាន បានផ្តល់បញ្ជាក់ផ្តល់ទំនុកចិត្តដល់អគ្គរដ្ឋទូតរូបនេះថា “យើងនឹងភ្ជាប់អ្នកទិញអង្កររបស់លោកទៅកាន់ក្រុមហ៊ុនឯកជនកម្ពុជា”។
ឯកអគ្គរដ្ឋទូតបណ្ឌិត
Richard
Titus Ekai ពេញចិត្តទៅនឹងការគាំទ្ររបស់កម្ពុជា ហើយនិយាយថា
មុខមាត់កម្ពុជា កាន់តែប្រសើរឡើងពីមួយពេលទៅមួយពេល។ ប្រទេសកេនយ៉ា ក៏បានលើកសរសើរតួនាទីកម្ពុជា
ឋានៈជាប្រធានអាស៊ាន ដែលមានប្រទេសចំនួន ១០ នៅក្នុងនេះ ហើយក៏ចង់ឃើញ “សហប្រតិបត្តិការរវាងអាស៊ាន
និងសហគមន៍អាហ្រ្វិក”។
ឯកអគ្គរដ្ឋទូតរូបនោះបានមានប្រសាសន៍ថា យើងមានប្រព័ន្ធគយរួម និងប្រើប្រាស់ភាសការងារដូចគ្នានៅតំបន់អាហ្រ្វិក ដែលដូចគ្នាទៅនឹងសមាហរណកម្មរបស់អាស៊ានអញ្ចឹងដែរ។ យើងក៏សម្លឹងមើលថា តើត្រូវសហការជាមួយសហគមន៍សេដ្ឋកិច្ចអាស៊ានយ៉ាងដូចម្តេចនៅឆ្នាំ ២០១៥”។
ឯកអគ្គរដ្ឋទូតរូបនោះបានមានប្រសាសន៍ថា យើងមានប្រព័ន្ធគយរួម និងប្រើប្រាស់ភាសការងារដូចគ្នានៅតំបន់អាហ្រ្វិក ដែលដូចគ្នាទៅនឹងសមាហរណកម្មរបស់អាស៊ានអញ្ចឹងដែរ។ យើងក៏សម្លឹងមើលថា តើត្រូវសហការជាមួយសហគមន៍សេដ្ឋកិច្ចអាស៊ានយ៉ាងដូចម្តេចនៅឆ្នាំ ២០១៥”។
ប្រទេសកេនយ៉ា
ក៏ចាប់អារម្មណ៍ផងដែរក្នុងការរៀនសូត្រពីកម្ពុជា នៅក្នុងរបៀបធ្វើការ ទំនាក់ទំនងជាមួយក្រុមហ៊ុនបរទេសក្នុងការរុករករ៉ែ
និងឧស្ម័ន។
ជាការឆ្លើយតប
ឯកឧត្តមបណ្ឌិតសភាចារ្យ សុខ អាន បានមានប្រសាសន៍ថា លោកពេញចិត្តដើម្បីចែករំលែកបទពិសោធន៍រយៈពេល
២០ឆ្នាំរបស់គាត់ នៅក្នុងទំនាក់ទំនង ការងារផ្នែកឧស្ម័ន និងប្រេង។
ឯកឧត្តមឧបនាយករដ្ឋមន្រ្តីបានមានប្រសាសន៍ថា
“ធនធានកម្ពុជាផ្នែកនេះ មិនជាច្រើនណាស់ណាទេ ក៏ប៉ុន្តែ យើងរំពឹងទុកថា
នឹងអាចទទួលបានការផលិតប្រេងនៅក្នុងរង្វង់ពី ១ឆ្នាំ ឬ២ឆ្នាំខាងមុខនេះ”៕