ភ្នំពេញ: ក្លឹបអ្នកកាសែតកម្ពុជា (ក.អ.ក) ដោយមានកិច្ចសហការជាមួយអង្គការ យេនឌ័រ ដើម្បីអភិវឌ្ឍន៍នៅកម្ពុជា GADC បានរៀបចំសិក្ខាសាលា ស្តីពី យេនឌ័រ និងប្រព័ន្ធផ្សព្វផ្សាយ ចាប់ពីម៉ោង ៨ ព្រឹក ដល់ម៉ោង ១៧ រសៀល ថ្ងៃទី១៧ ខែសីហា ឆ្នាំ២០១២ នៅសណ្ឋាគារសាន់វេ ក្នុងរាជធានីភ្នំពេញ។
សេចក្ដីប្រកាសព័ត៌មានពី ក.អ.ក បានឲ្យដឹងថា គោលបំណងនៃការរៀបចំសិក្ខាសាលានេះ គឺដើម្បីផ្តល់នូវចំណេះដឹងដល់ភ្នាក់ងារប្រព័ន្ធផ្សព្វផ្សាយ ឲ្យបានយល់ដឹងកាន់តែច្បាស់អំពី យេនឌ័រ និងបញ្ហាពាក់ព័ន្ធនឹងយេនឌ័រ រួមមាន បញ្ហាអំពើហិង្សាផ្អែកលើយេនឌ័រ និងមេរោគអេដស៍ បញ្ហាដីធ្លី ព្រមទាំងតួនាទីដ៏ មានសារៈសំខាន់របស់ភ្នាក់ងារប្រព័ន្ធផ្សព្វផ្សាយក្នុងការចូលរួមដោះស្រាយបញ្ហា ទាំងអស់នេះ៕
