ភ្នំពេញ ៖ សមិទ្ធផលនានាក្នុងវត្តកំពង់ក្ដុលស្ថិតក្នុងសង្កាត់សាក់សំពៅ ក្នុងខណ្ឌដង្កោកាលពីព្រឹកថ្ងៃទី១៧ ខែសីហា ឆ្នាំ២០១២ ត្រូវបានរៀបចំពិធីសម្ពោធសមិទ្ធផលនានាជាផ្លូវការក្រោមអធិបតីភាពលោក នុត ពុធដារ៉ា អភិបាលនៃគណៈអភិបាលខណ្ឌដង្កោ និង ជាប្រជាពលរដ្ឋចូលរួមយ៉ាងច្រើនកុះករ។
យោងតាមរបាយការណ៍របស់លោក អ៊ឹម គង់ចៅសង្កាត់រងទី១ សង្កាត់សំពៅបានឲ្យដឹងថា វត្តកំពង់ក្តុលនេះមានអាយុកាលចំនួន២៥៦ឆ្នាំមកហើយ ដែលមានចៅអធិការវត្តចំនួន១២ព្រះអង្គដែលធ្លាប់មកកាន់កាប់គ្រប់គ្រងវត្តនេះ ដែលចុងក្រោយនេះមានព្រះអង្គមៀច សុវណ្ណ កំពុងដឹកនាំកសាងអភិវឌ្ឍន៍បានរីកចំរើនដូចសព្វថ្ងៃនេះ៕