ភ្នំពេញ: ថ្ងៃទី១៧សីហានេះ ការប្រកួតកីឡាភូមិភាគសម្រាប់ភូមិភាគរាជធានីភ្នំពេញ ប្រភេទកីឡាអត្តពលកម្ម បានបញ្ចប់វិញ្ញាសាលោតកម្ពស់ហើយ។
វិញ្ញាសាលោតកម្ពស់ដែលមានទាំង បុរស-នារីមានចំនួន ៥ ក្រុមនោះ ចំពោះកីឡាការិនីចំណាត់ថ្នាក់ លេខ ១ បានទៅកីឡាការិនីសុទ្ធ ស្រីល័ក្ខណ៍ មកពីសមាគមកីឡាក្រសួងមហាផ្ទៃ លោតបានកម្ពស់ ១,៤០ម៉ែត្រ ចំណាត់ថ្នាក់លេខ ២ បានទៅកីឡាការិនីហែម សុភាណានមកពីសមាគមកីឡាក្រសួងការពារជាតិដែលលោតបាន
កម្ពស់ ១,៣៤ម៉ែត្រ និង ចំណាត់ថ្នាក់លេខ ៣ បានទៅកីឡាការិនីគឺន សុគន្ធា មកពីសាកលវិទ្យាល័យអាស៊ី អឺរុប ដែលលោតបានកម្ពស់ ១,២០ម៉ែត្រ។
ចំពោះបុរសវិញចំណាត់ថ្នាក់លេខ ១ បានទៅកីឡាករ រ័ត្ន សុជាតិ មកពីសាកលវិទ្យាល័យអាស៊ី អឺរុប ដែលលោតបានកម្ពស់១,៨០ម៉ែត្រ ។ ចំណាត់ថ្នាក់លេខ ២ កីឡាករហែម រម្យទម សមាគមកីឡាក្រសួងមហាផ្ទៃ លោតបានកម្ពស់ ១,៧០ម៉ែត្រ និង ចំណាត់ថ្នាក់លេខ ៣ កីឡាករ វ៉ាន់ថា តារាវិចិត្រ មកពីសមាគមកីឡាក្រសួងការពារជាតិលោតបានកម្ពស់ ១,៦១ម៉ែត្រ៕