សម្តេចអគ្គមហាសេនាបតីតេជោ ហ៊ុន សែន បានមានប្រសាសន៍នៅវិមានសន្តិភាព នាថ្ងៃទី២៩ ខែមេសា ឆ្នាំ២០១៣ ឲ្យដឹងថា គោលជំហររបស់រាជរដ្ឋាភិបាលកម្ពុជា គឺសហភាពទូរគមនាគមន៍អន្តរជាតិដើរដល់ណា យើងត្រូវដើរដល់នោះ ព្រោះក្នុងនាមជាសមាជិកមិនអាចដើរឆ្ងាយពីសហភាពទូរគមនាគមន៍អន្តរជាតិបានទេ។
ប្រសាសន៍របស់សម្តេចតេជោ គឺឆ្លើយតបទៅនឹងលើកឡើងរបស់លោក HAMA DUON TOURE អគ្គលេខាធិការសហភាពទូរគមនាគមន៍អន្តរជាតិ ដែលបានស្នើសុំឲ្យសម្តេចតេជោនាយករដ្ឋមន្រ្តីគាំទ្រ សម្រេចអនុញ្ញាតលើសេចក្តីព្រាង និងគោលនយោបាយប្រតដេន (proden) ជាតិ ដែលទើបបញ្ចប់ដោយក្រសួងប្រៃសណី និងទូរគមនាគមន៍ និងសហភាពតូរគមនាគមន៍អន្តរជាតិ។
ឯកឧត្តម អ៊ាង សុផល្លែត ជំនួយការសម្តេចតេជោនាយករដ្ឋមន្រ្តីឲ្យដឹងថា លោក HAMA DUON TOURE បានជំរាបជូនសម្តេចនាយករដ្ឋមន្ត្រី ពីបំណងនៃការរៀបចំសន្និសីទនៅព្រះរាជាណាចក្រកម្ពុជានោះគឺ ទី១ ការប្រើប្រាស់នូវកាលាអនុវត្តភាព degital តាមរយៈ proden ជាមួយនឹងការយកចិត្តទុកដាក់លើការអភិវឌ្ឍហេដ្ឋារចនាសម្ពន្ធ័ទៅ និងគោលនយោបាយ និងបញ្ញាតិកម្ម។ ទី២ ឥទ្ធិពល degital សម្រាប់យើងទាំងអស់គ្នា និងទី៣ ការបង្កើតនូវភាពកាន់តែវ័យឆ្លាត និងសុវត្ថិភាព និងសង្គមបៃតង។ លោក HAMA បានស្នើសុំឲ្យសម្តេចតេជោនាយករដ្ឋមន្ត្រីជួយគាំទ្រ សម្រេចអនុញ្ញាតលើសេចក្តីព្រៀង និងគោលនយោបាយប្រតដេន (proden) ជាតិ ដែលទើបបញ្ចប់ដោយក្រសួងប្រៃសណី និងទូរគមនាគមន៍ និងសហភាពទូរគមនាគមន៍អន្តរជាតិនេះ។
សម្តេចតេជោនាយរដ្ឋមន្រ្តី បានថ្លែងអំណគុណជូនចំពោះសហភាពទូរគមនាគមន៍អន្តរជាតិ ដែលកន្លងមក តែងបានជួយគាំទ្រកម្ពុជា ដោយបានធ្វើការយ៉ាងជិតស្និទជាមួយឯកឧត្តម សូ ឃុន រដ្ឋមន្ត្រីក្រសួងប្រៃសណ័យ៍ និងទូរគមនាគមន៍កម្ពុជា។ សម្តេចតេជោក៏បានស្នើរសុំឲ្យសហភាពទូរគមនាគមន៍អន្តរជាតិបន្តជួយកម្ពុជាតទៅទៀតផងដែរ៕