នាព្រិកមិញនេះ នៅអគ្គស្នងការនគរបាលជាតិ មានបើកកិច្ចប្រជុំផ្សព្វផ្សាយគោលការណ៍ណែនាំ ការងារក្របខណ្ឌគ្រប់គ្រង កាស៊ីណូ ជាមួយម្ចាស់កាស៊ីណូទូទាំងប្រទេស ដើម្បីពង្រាងច្បាប់ បន្ថែមដល់ម្ចាស់កាស៊ីណូ។
ឯកឧត្តម ឧត្តមសេនីយ៍ទោ ឆៃ ស៊ីណារិទ្ធ ប្រធាននាយកដ្ឋានសន្តិសុខផ្ទៃក្នុង ក្រសួងមហាផ្ទៃមានប្រសាសន៍ថា ក្រសួងមហាផ្ទៃ បានកំពុងតែតាក់តែងច្បាប់សម្រាប់គ្រប់គ្រង កាស៊ីណូ នៅកម្ពុជា ឲ្យបានច្បាស់លាស់ ហើយច្បាប់នេះអាចនឹងមានទោសដល់ជាប់ពន្ធនាគារផងដែរ ទាំងម្ចាស់កាស៊ីណូ និងប្រជាពលរដ្ឋខ្មែរ ដែលនៅតែរឹងទទឹងចង់ចូលលេងនោះ។
សូមបញ្ជាក់ថា កម្ពុជាមានកាស៊ីណូទាំងអស់ ៦១កន្លែង ដែលទទូលបានអាជ្ញាប័ណ្ណពីក្រសួងសេដ្ឋកិច្ច និងហិរញ្ញវត្ថុចំនួន៥០កន្លែង មិនមានអាជ្ញារប័ណ្ណចំនួន ១១កន្លែង ក្ស័យធនចំនួន៦ កន្លែង និងមានគោការណ៍អាជ្ញាបណ្ណ័ពីរាជរដ្ឋាភិបាលចំនួន ៣០ កន្លែងដោយមិនទាន់ដំណើរការ។
ឯកឧត្តម ឧត្ដមសេនីយ៍ សុខ ផល អគ្គស្នងការរងនរគរបាលជាតិ បានមានប្រសាន៍ណែនាំដល់ម្ចាស់កាស៊ីណូទូទាំងប្រទេសត្រូវ ពង្រឹងសន្ដិសុខ សុវត្ថិភាព និងសណ្ដាប់ធ្នាប់នៅទូទាំងប្រទេសកុំឱ្យកើតមាននូវអំពើអវិជ្ជមានមួយចំនួន ដូចជាការធ្វើភេរវកម្ម ការបង្កើតឱ្យមានអសន្ដិសុខ អំពើកាប់សម្លាប់ឬចាប់ជំរិតទារប្រាក់ដោយសារការចាញ់ល្បែងក្នុងកាស៊ីណូជាដើម ។ អ្វីដែលគួរឱ្យទប់ស្កាត់នោះគឺម្ចាស់កាស៊ីណូទាំងអស់ត្រូវតែរារាំងកុំឱ្យប្រជាពលរដ្ឋកម្ពុជាចូល លេងឱ្យសោះ ព្រោះច្បាប់បានចែងរួចហើយ ។ ម្ចាស់កាស៊ីណូទាំងអស់ត្រូវម្ចាស់ការក្នុងការទប់ស្កាត់កុំឱ្យមាន អសន្ដិសុខឬបាតុភាពផ្សេងៗដែលកើតមាននៅក្នុងកាស៊ីណូរបស់ខ្លួនឱ្យសោះ ។
សម្ភាសន៍ ឯកឧត្តម ឧត្ដមសេនីយ៍ សុខ ផល អគ្គស្នងការរងនរគរបាលជាតិ
គួរបញ្ជាក់ផងដែរថា នៅក្នុងរយៈពេល ៨ ខែចុងក្រោយនេះ មានបទល្មើសចំនួន ៨ ករណី មានករណីជំរិតមនុស្សទាប្រាក់ ករណីជួញដូរ ប្រើប្រាស់គ្រឿងញៀន កេងបន្លុំ។នៅក្នុងកាស៊ីណូ ដោយប្រើប្រាស់កាកខ្លែងខ្លាយ និងអាជីវកម្មខុសច្បាប់នៅក្នុងកាស៊ីណូ ហើយបញ្ជូនខ្លួនជនល្មើសទាំងនោះ ទៅតុលាការចំនួន ១៤នាក់ផងដែរ។