កិច្ច
ប្រជុំរដ្ឋមន្ត្រីសេដ្ឋកិច្ចអាស៊ាន លើកទី៤៤
និងកិច្ចប្រជុំពាក់ព័ន្ឋ ជាច្រើន បានបើកជាផ្លូវ ការនា ថ្ងៃនេះ
នៅខេត្តសៀមរាប ព្រះរាណាចក្រកម្ពជា។ សម្តេច
អគ្គមហាសេនាបតីតេជោ លោក ហ៊ុន សែន នាយករដ្ឋមន្ត្រី
នៃព្រះរាជាណាចក្រ កម្ពុជា បានចូលរួមជាអធិបតី
ដើម្បីប្រកាសបើកដំណើរ ការកិច្ចប្រជុំថ្នាក់រដ្ឋមន្ត្រី
សេដ្ឋកិច្ចអាស៊ាន លើកទី៤៤ ជាផ្លូវការ ។ យោងតាម ការអោយដឹង ពីឯកឧត្តម ចម ប្រសិទ្ឋ ទេសរដ្ឋមន្រ្តី រដ្ឋមន្រ្តីក្រសួងពាណិជ្ជកម្ម និងជាប្រធាន នៃកិច្ចប្រជុំរដ្ឋមន្ត្រី សេដ្ឋកិច្ចអាស៊ាន លើកទី៤៤ កិច្ចប្រជុំរដ្ឋមន្ត្រី សេដ្ឋកិច្ចអាស៊ានពិភក្សា លើប្រធានបទសំខាន់ៗ ជាច្រើន ដែលបានលើក យកមកពិនិត្យ និងពិភាក្សា ក្នុងកិច្ចប្រជុំជាផ្លូវការ ថ្នាក់រដ្ឋមន្ត្រីសេដ្ឋកិច្ចអាស៊ានេះ ក្នុងនោះមាន ពាណិជ្ជកម្មទំនិញ ពា
ណិជ្ជកម្មសេវា ការវិនិយោគ តារាងផែនការលម្អិត
តារាងពិន្ទុសម្រាប់ តាមដាននូវកម្រិត
នៃការសន្យារបស់ប្រទេសនិមួយៗ ។
កិច្ចប្រជុំរដ្ឋមន្ត្រីសេដ្ឋកិច្ច អាស៊ានលើកទី៤៤ នឹងពិនិត្យលើរបៀបវារៈសំខាន់ៗ ពាក់ព័ន្ធនឹងសេរីភាវូបនីយកម្មពាណិជ្ជកម្ម និងកិច្ចសហប្រតិបត្តិការសេដ្ឋកិច្ច ក្នុងចំណោមប្រទេសសមាជិក
អាស៊ានទាំងដប់ និងជាមួយប្រទេសដៃគូពិភាក្សាមានដូចជា
សធារណរដ្ឋប្រជាមានិតចិន សាធារណរដ្ឋកូរ៉េ ជប៉ុន
អូស្ត្រាលីញូវហ្សេឡិន ឥណ្ឌា សហរដ្ឋអាមេរិក កាណាដា និងរុស្ស៊ី។
កិច្ចប្រជុំនោះដែរ មានកិច្ចប្រជុំពិគ្រោះយោបល់ រវាងរដ្ឋមន្ត្រីសេដ្ឋកិច្ចអាស៊ាន ជាមួយរដ្ឋមន្ត្រី នៃក្រុមប្រឹក្សានានា ក្នុងក្របខ័ណ្ឌអាស៊ាន ( AFTA Council, AIA Council, AEC Council ) ក្របខ័ណ្ឌសហប្រតិបត្តិការកម្ពុជាឡាវ មីយ៉ាន់ម៉ា និងវៀតណាម ( CLMV ) ក្របខ័ណ្ឌសហប្រតិបត្តិការទន្លេមេគង្គ ( AMBDC ) និងកិច្ចប្រជុំពិគ្រោះយោបល់ រវាងរដ្ឋមន្ត្រីសេដ្ឋកិច្ចអាស៊ាន ជាមួយអគ្គនាយកអង្គការកម្មសិទ្ធិ បញ្ញាពិភពលោក (AEM-WIPO Consultations ) ជាដើម។ ហើយទន្ទឹមនឹង កិច្ចប្រជុំខាងលើ នេះ ក៏នឹងមានព្រឹត្តិការណ៍ជំនួបកំពូល ធុរកិច្ចអាស៊ាន-សហរដ្ឋអាមេរិក និងពិព័រណ៍ ផលិតផលសម្លៀកបំពាក់ និងតម្បាញ ឆ្នាំ២០១២របស់កម្ពុជា ដែលនឹងចាប់ផ្តើម នៅថ្ងៃទី២៩ ខែ សីហា ខាងមុខនេះផងដែរ។