ក្នុងពិធីប្រគល់វិញ្ញាបនបត្រទទួលស្គាល់ភ្នាក់ងារតំណាងស្របច្បាប់ នៃ ម្ចាស់ម៉ាកក្នុងប្រទេសកម្ពុជា ជំនាន់ទី២ នាព្រឹកថ្ងៃទី១២ ខែសីហា ឆ្នាំ២០១៤ ឯកឧត្តម ម៉ៅ ថូរ៉ា រដ្ឋលេខាធិការក្រសួងពាណិជ្ជកម្ម បានមានប្រសាសន៍ថា បច្ចុប្បន្ននេះក្រសួងពាណិជ្ជកម្មកំពុងរៀបចំច្បាប់ចំនួន៤ដើម្បីធ្វើការផ្សព្វផ្សាយ ពន្យល់ដល់អាជីវករ អ្នកវិនិយោគទាំងអស់ឲ្យបានយល់ដឹងទាក់ទងនឹងការចូល រួមក្នុងសហគមន៍សេដ្ឋកិច្ចអាស៊ាន នៅឆ្នាំ២០១៥ខាងមុខ ដែលកម្ពុជាត្រូវរៀប ចំខ្លួនធ្វើយ៉ាងណាឲ្យបានរួចរាល់ទាក់ទងនឹងក្របខណ្ឌច្បាប់ ការពង្រឹងសមត្ថ ភាពជំនាញ និងបណ្ដុះបណ្ដាលធនធានមនុស្ស ពិសេសតំណាងភ្នាក់ងារស្រប ច្បាប់នៃម្ចាស់ម៉ាកនៅក្នុងប្រទេសឲ្យមានការទទួលស្គាល់នៅក្នុងតំបន់ និងអន្ដរ ជាតិ។
ឯកឧត្តមរដ្ឋលេខាធិការបញ្ជាក់ថា ច្បាប់ទាំង៤នេះគឺជាតម្រូវការចាំបាច់ ដែលប្រទេសជាសមាជិកអាស៊ានទាំងអស់ ត្រូវរៀបចំឲ្យមានលក្ខណៈប្រហាក់ ប្រហែលគ្នា ព្រោះថា នៅពេលខាងមុខនេះប្រទេសអាស៊ានទាំងអស់នឹងធ្វើ សមាហរណកម្មចូលទៅក្នុងសហកមន៍សេដ្ឋកិច្ចអាស៊ាន ដែលកត្ដាទាំងនេះត្រូវ មានការផ្លាស់ប្ដូរទាំងការលំហូរធនធានមនុស្ស លំហូរដើមទុន លំហូរការងារ និង ទំនិញគ្រប់ប្រភេទ ។
ឯកឧត្តមបន្ដថា ក្នុងការធ្វើសមាហរណកម្មសហគមន៍ សេដ្ឋកិច្ចអាស៊ាននៅឆ្នាំ២០១៥ខាងមុខ ការកសាងសមត្ថភាព និងការពង្រឹងធន ធានមនុស្សគឺជាកត្តាចាំបាច់ ពិសេសវិស័យឯកជនដែលជាចំណុចគន្លឹះសម្រាប់ ធ្វើការប្រកួតប្រជែង និងទាញយកផលប្រយោជន៍ជាមួយនឹងបណ្ដាប្រទេសជា សមាជិក ពិសេសកម្ពុជាកំពុងរៀបចំច្បាប់ពាក់ព័ន្ធនឹងច្បាប់កម្មសិទ្ធិបញ្ញា ច្បាប់ ការពារអ្នកប្រើប្រាស់ ច្បាប់E-Commerce និងច្បាប់ប្រកួតប្រជែង ដើម្បីការពារ អ្នកប្រើប្រាស់ និងម្ចាស់ម៉ាកផងដែរ។
លោក វ៉ា រុតសាន ប្រធាននាយកដ្ឋានកម្មសិទ្ធិបញ្ញានៃក្រសួងពាណិជ្ជកម្ម បានឲ្យដឹងថា ការចុះបញ្ជីម៉ាកផ្ដល់នូវអត្ថប្រយោជន៍សំខាន់ណាស់ក្នុងការ សម្គាល់ម៉ាកទំនិញ និងទទួលបានសិទ្ធិផ្ដាច់មុខ នៅពេលដែលម្ចាស់ម៉ាកបានចុះ បញ្ជីស្របច្បាប់រួចហើយ ដែលម្ចាស់ម៉ាកមានសិទ្ធិប្ដឹងចំពោះជនណាដែលបាន ក្លែងបន្លំម៉ាក ឬទំនិញ ដែលមានលក្ខណៈដូច ស្រដៀងនិងប្រហាក់ប្រហែលធ្វើ ឲ្យមានការភាន់ច្រឡំ ។ លោកបន្ដថា ភ្នាក់ងារតំណាងស្របច្បាប់នៃម្ចាស់ម៉ាក អាចដើរតួនាទីផ្ដល់ជំនាញប្រឹក្សាទាំងផ្លូវច្បាប់ និងបច្ចេកទេសទាក់ទងនឹងការ បង្កើត ការការពារ ការប្រើប្រាស់ ការផ្ដល់អាជ្ញាប័ណ្ណ ការផ្ទេរកម្មសិទ្ធិម៉ាក និង វិវាទកម្មសិទ្ធិបញ្ញាតទៅឲ្យអតិថិជនរបស់ខ្លួន ក្នុងការជំរុញឲ្យមានការអនុវត្ដ ច្បាប់ម៉ាកពាណិជ្ជនាម ព្រមទាំងអំពើនៃការប្រកួតប្រជែងមិនស្មោះត្រង់នៃព្រះ រាជាណាចក្រកម្ពុជា។
ចាប់តាំងពីឆ្នាំ១៩៩៩មកដល់បច្ចុប្បន្ននេះ កម្ពុជាបានចុះបញ្ជីសម្គាល់ម៉ាក ទំនិញបានចំនួនជាង៥ម៉ឺនម៉ាក ក្នុងនោះម៉ាកដែលជារបស់កម្ពុជាគឺមានប្រ មាណ៣០ភាគរយហើយ បើប្រៀបធៀបទៅនឹងការចុះបញ្ជីម៉ាកនៅក្នុងប្រទេស សមាជិកអាស៊ានទាំងអស់គឺមានសរុបជាង២,៥លានម៉ាក និងសហភាពអឺរ៉ុបប្រ មាណ២៦លានម៉ាកនោះ៕
ដោយ អ៊ុន រិទ្ធី