អាជ្ញាធរខេត្តបន្ទាយមានជ័យបានជំរុញឲ្យសមត្ថកិច្ច ស្ថាប័នពាក់ព័ន្ធ និង អង្គការដៃគូ ត្រូវបន្តបង្កើនកិច្ចសហការក្នុងការរៀបចំផែនការសកម្មភាពឲ្យមានប្រសិទ្ធភាពក្នុងការបង្ក្រាបការជួញដូរការរត់ពន្ធមនុស្ស ការធ្វើអាជីវកម្មពលកម្ម និងការធ្វើអាជីវកម្មផ្លូវភេទលើស្ត្រី និងកុមារនោះ។
នៅក្នុងកិច្ចប្រជុំកាលពីថ្ងៃទី១២ខែសីហា ឆ្នាំ២០១៤ លោកជំទាវ ប៉ុក ណា ឌី អភិបាលរងខេត្តបន្ទាយមានជ័យបានមានប្រសាសន៍ថា សមត្ថកិច្ចពាក់ព័ន្ធ ទាំងអស់ត្រូវពង្រឹងតួនាទី ភារកិច្ចរបស់ខ្លួន ដើម្បីធ្វើការតាមដាន និងទប់ស្កាត់នូវ រាល់មុខសញ្ញាបទល្មើសទាំងអស់ ដែលពាក់ព័ន្ធនឹងការរត់ពន្ធមនុស្ស ការជួញ ដូរផ្លូវភេទស្ត្រី និងកុមារ ពិសេសទប់ស្កាត់ការនាំពលករលួចឆ្លងដែនចំណាក ស្រុកខុសច្បាប់ទៅប្រទេសថៃ ដែលនៅតែបន្តកើតមាននៅតាមព្រំដែន។
របាយការណ៍របស់ខេត្តបន្ទាយមានជ័យបានឲ្យដឹងដែរថា ក្នុងរយៈពេល ៧ខែដើម ឆ្នាំ២០១៤នេះ ក្រុមការងារបានចុះអង្កេតទប់ស្កាត់ ផ្សព្វផ្សាយច្បាប់ ដល់មូលដ្ឋាន និងចំណុចគោលដៅដូចជាសណ្ឋាគារ ផ្ទះសំណាក់ ភោជនីយ ដ្ឋាន ហាងម៉ាស្សា ខារ៉ាអូខេ និងក្លឹបកម្សាន្ត ដែលមានការពាក់ព័ន្ធដល់ការរក ស៊ីជួញដូរភេទលើស្ត្រី និងកុមារ គិតទាំងការនាំឆ្លងដែន ការជួញដូរមនុស្ស ការ ចាក់បញ្ចាំងវីដេអូអាសអាភាសទូទាំងខេត្ត ។ នៅក្នុងរយៈពេលនេះ មណ្ឌលសំ ចតប៉ោយប៉ែតបានទទួលយកកុមារងាយរងគ្រោះបាន៥១នាក់ និងទទួលជនរង គ្រោះដោយសារអំពើជួញដូរមនុស្ស ដែលក្រសួងសង្គមកិច្ចថៃបញ្ជូនមកចំនួន ៣៩នាក់ ជាមួយនោះដែរក្រុមការងារបានទទួលពលករខ្មែរ ដែលអាជ្ញាធរថៃ បញ្ជូនមកតាមច្រកទ្វារអន្តរជាតិប៉ោយប៉ែតចំនួនជាង២៣៦ ៣៨៧នាក់ ដែលក្នុង នោះមានជិត២០ ០០០នាក់ជាកុមារ៕
ដោយ ឈុន សារ៉ាត