ភ្នំពេញ ថ្ងៃទី១៣ ខែសីហា ឆ្នាំ២០១៤ តាមរយៈដំណើរទស្សនកិច្ចការងារ របស់គណៈប្រតិភូ គណៈកម្មាធិការជនជាតិវៀត ណាមនៅកម្ពុជា និងជួយជំរុញថែមទៀតនូវកិច្ចសហប្រតិបត្ដិការរវាងប្រទេស ទំាងពីរឲ្យ កាន់តែប្រសើរឡើង ពិសេសលើវិស័យវប្បធម៌ ទេសចរណ៍ ពាណិជ្ជកម្ម និងឧស្សាហកម្ម នេះបើ តាមប្រសាសន៍របស់លោកជំទាវឧបនាយករដ្ឋមន្ត្រី ម៉ែន សំអន រដ្ឋមន្ត្រីក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច។
ក្នុងឱកាសទទួលជួបពិភាក្សាការងារជាមួយឯកឧត្តម ហ័ងហ្ស៊ួន លឿង (Hoang Xuan Luong) អនុរដ្ឋមន្រ្ដី និងជាអនុប្រធានគណៈកម្មាធិការជនជាតិ នៃសាធារណរដ្ឋសង្គមនិយមវៀតណាម កាលពីព្រឹកថ្ងៃទី១៣ ខែសីហា ឆ្នំា២០១៤នៅទីស្ដីការក្រសួង លោក ជំទាវ ម៉ែន សំអន បានសម្តែងនូវការសាទរចំពោះចំណងមិត្ដភាព សាមគ្គីភាព និងទំនាក់ ទំនងដ៏ល្អរវាងប្រទេសទាំងពីរ ដែលមានតំាងពីយូរយាណាស់មកហើយ មិនតែប៉ុណ្ណោះ តាមរយៈដំណើរទស្សនកិច្ចផ្លាស់ប្ដូរបទពិសោធន៍ របស់គណៈប្រតិភូគណៈកម្មាធិការជនជាតិ នៃសាធារណរដ្ឋ សង្គមនិយមវៀតណាមនៅកម្ពុជានាពេលនេះបានបង្ហាញឲ្យឃើញ ពីការរឹតចំណងសាមគ្គីភាព មិត្ដភាពដែល មិនអាចកាត់ថ្លៃបាន ។
លោកជំទាវឧបនាយករដ្ឋមន្រ្តីបន្ដថា ដំណើរទស្សនកិច្ចនេះនឹងបង្កើនថែមទៀតនូវ កិច្ចសហប្រតិបត្ដិការ កាន់តែល្អ ពិសេសវិស័យវប្បធម៌ ទេសចរណ៍ វិនិយោគទុន កសិកម្ម ឧស្សាហកម្ម និងពាណិជ្ជកម្ម មិនតែ ប៉ុណ្ណោះនឹងបានផ្ដល់ទំនុកចិត្ដដល់អ្នកវិនិយោគទុន វៀតណាមជាច្រើនឲ្យមកធ្វើការវិនិយោគនៅកម្ពុជា មិនមានការព្រួយបារម្ភអ្វីទំាងអស់ ដោយសារវិស័យនយោបាយរវាងប្រទេសទំាងពីរមានទំនាក់ទំនងល្អជា មួយគ្នានេះ។
លោកជំទាវបានបញ្ជាក់ទៀតថា កម្ពុជា-វៀតណាមនៅតែរក្សាចំណងសាមគ្គីភាព ដោយប្រកាន់ភ្ជាប់នូវបងប្អូន តែមួយប្រជាជនតែមួយ និងសហគមន៍តែមួយ ។ កម្ពុជាបានប្រកាន់ភ្ជាប់នូវយុទ្ធសាស្រ្ដការប្រមូលផ្ដុំការកៀរគរ និងការបង្រួបបង្រួមជាតិ ហើយនេះគឺ ជាចំណុចខ្លំាង ដែលរាជរដ្ឋាភិបាលកម្ពុជាមិនអាចបោះបង់ចោលបានទេ ។ ដោយមើល ឃើញបែបនេះទើបធ្វើឲ្យប្រជាជនក៏ដូចអ្នកវិនិយោគទុនវៀតណាម តែងតែសហប្រតិបត្តិការជាមួយកម្ពុជាបានល្អលើគ្រប់វិស័យ ហើយនេះជាជោគជ័យដ៏ធំធេងក្នុងការអភិវឌ្ឍសេដ្ឋកិច្ច ពាណិជ្ជកម្ម កសិកម្ម ឧស្សាហកម្ម ទេសចរណ៍ និងវប្បធម៌ជាមួយគ្នាបានល្អយូរ អង្វែង ។ ការទំនាក់ទំនងជាមួយគ្នាដ៏ល្អនេះហើយ ដែលធ្វើឲ្យសហគមន៍អន្ដរជាតិមាន ទំនុកចិត្ដ និងបានមកបណ្ដាក់ទុនរកស៊ីនៅកម្ពុជាពីមួយថ្ងៃទៅមួយថ្ងៃកាន់តែច្រើនឡើងឥត ឈប់ឈរ។
ឯកឧត្តម ហ័ងហ្ស៊ួន លឿង ក៏បានថ្លែងនូវការកោតសរសើរចំពោះភាពរីកចម្រើនរបស់កម្ពុជាដែលបាន និងកំពុងអភិវឌ្ឍន៍យ៉ាងឆាប់រហ័សធ្វើឲ្យប្រជាជនមានជីវភាពធូរធារ ពិសេសមានសុខសន្តិភាព សណ្ដាប់ធ្នាប់ល្អ ដែលនេះជាការខិតខំប្រឹងប្រែងរបស់ប្រមុខ ដឹកនំាដែលមានភាពឆ្លាតវៃ គឺសម្តេចអគ្គមហាសេនាបតីតេជោ ហ៊ុន សែន ជានាយករដ្ឋ មន្ត្រីទើបកម្ពុជាមានការរីកចម្រើនបែបនេះ។ ឯកឧត្តមបន្តថា វៀតណាម និងកម្ពុជា តែងតែ មានទំនាក់ទំនងដ៏ល្អជាមួយគ្នាលើគ្រប់វិស័យ ហើយឯកឧត្តមនឹងជំរុញឲ្យអ្នកវិនិយោគទុន វៀតណាមមកបណ្តាក់ទុនរកស៊ីនៅកម្ពុជាឲ្យកាន់តែច្រើនថែមទៀតលើគ្រប់វិស័យ ក្នុងនោះមានវិស័យកសិកម្ម ឧស្សាហកម្ម ពាណិជ្ជកម្ម វប្បធម៌ និងទេសចរណ៍ និងជួយបន្តបណ្តុះបណ្តាលធនធានមនុស្សនៅកម្ពុជាផងដែរ៕
ដោយ សួស សំរិត