ដោយ ៖ វណ្ណា
ប៉ោយប៉ែត ៖ កាលពីវេលាម៉ោង១១និង៤០នាទីថ្ងៃត្រង់ ថ្ងៃទី១១ ខែកញ្ញា ឆ្នាំ២០១២ សមត្ថកិច្ចក្រុងប៉ោយប៉ែតបានចុះឃាត់ខ្លួនជនជួញដូរថ្នាំញៀនម្នាក់ នៅចំណុចផ្សាររ៉ាចាស់ សង្កាត់-ក្រុងប៉ោយប៉ែត ខណៈកំពុងធ្វើសកម្មភាពចែកចាយថ្នាំញៀន ។
ប្រភពព័ត៌មានពីសមត្ថកិច្ចបានឱ្យដឹងថា ជនជួញដូរថ្នាំញៀនមានឈ្មោះ ឆេង ផល្លា ហៅ យ៉ា ភេទប្រុស អាយុ៣២ឆ្នាំ មុខរបរ មិនពិតប្រាកដ រស់នៅបន្ទប់ជួលក្នុងភូមិប៉ោយប៉ែត សង្កាត់-ក្រុងប៉ោយប៉ែត ។ ក្នុងពេលឃាត់ខ្លួនសមត្ថកិច្ចឆែកឆេរ ឃើញថ្នាំញៀនប្រភេទយ៉ាម៉ាពណ៌ផ្កាឈូកចំនួន១៨គ្រាប់ ។ ក្រោយឃាត់ខ្លួនយកមកសាកសួរ សមត្ថកិច្ចបានឈាន ទៅឆែកឆេរបន្ទប់ស្នាក់នៅរបស់គេឋិតនៅខាងត្បូងផ្សាររ៉ាថ្មី ចម្ងាយ២០ម៉ែត្រ ក្នុងសង្កាត់-ក្រុងប៉ោយប៉ែត ។ ព័ត៌មានលំអិតសូមរង់ចាំអានកាសែត នគរវត្ដ ៕