ដោយ ៖ វិចិត្រា
ខេត្ដកំពង់ស្ពឺ ៖ លោកស្នងការរងខេត្ដកំពង់ស្ពឺ លោកហ៊ាន តារា រួមទាំងមិត្ដភក្ដិ ត្រូវបានស្ដ្រីបម្រើការងារនៅក្នុងហាងខារ៉ាអូខេរស្មីអង្គរ នៅទីរួមខេត្ដកំពង់ស្ពឺម្នាក់ប្ដឹង ចោទប្រកាន់ពីបទប៉ុនប៉ងរំលោភសេពសន្ថវៈ និងសមគំនិតបន្ទាប់ពីលោកស្នងការរងរូបនេះ រួមទាំងបក្ខពួកបានចូល ផឹកស៊ីច្រៀងខារ៉ាអូខេ ហើយស្រវឹងចាប់ សម្រាតខោអាវស្ដ្រីដែលអង្គុយកំដរប៉ុនប៉ងរំលោភកណ្ដាលវាល តែមិនសម្រេច។
ប្រភពព័ត៌មានពីបុគ្គលិកហាងខារ៉ាអូខេ រស្មីអង្គរ បានឱ្យដឹងថា នៅថ្ងៃកើតហេតុ លោក ហ៊ាន តារា ស្នងការរងខេត្ដកំពង់ស្ពឺ ជាមួយនឹងមិត្ដភក្ដិឈ្មោះ សួស ថុល ភេទ ប្រុស ជាម្ចាស់ភោជនីយដ្ឋានផ្ទះក្រហម និងម្នាក់ទៀតឈ្មោះ ណុប បញ្ញា រួមទាំង បក្ខពួកបានចូលមកផឹកស៊ីនិងច្រៀងនៅ ក្នុងហាងខារ៉ាអូខេរស្មីអង្គរ ដោយមាន ស្រីអង្គុយកំដរផង ។ លុះផឹកស៊ីរហូតដល់ ម៉ោង១១យប់ ស្រាប់តែមានស្ដ្រីបម្រើការ នៅក្នុងបន្ទប់ដែលលោកស្នងការរង ហ៊ាន តារា ផឹកស៊ីរត់ចេញមកក្រៅ ក្នុងស្ថានភាព សម្លៀកបំពាក់រហែកញ៉េរញ៉ៃ និងស្រែកឱ្យ អ្នកធ្វើការជាមួយជួយ ។
ស្ដ្រីរងគ្រោះក្នុងហេតុការណ៍នេះមាន ឈ្មោះ បឿ ចាន់ អាយុ២៩ឆ្នាំ បានរៀបរាប់ ឱ្យដឹងថា នៅថ្ងៃកើតហេតុវេលាម៉ោង ប្រមាណ១០យប់ ខ្លួនបានទៅអង្គុយកំដរក្នុង បន្ទប់ខារ៉ាអូខេដែលមានឈ្មោះ ហ៊ាន តារា ស្នងការរងខេត្ដកំពង់ស្ពឺ, ឈ្មោះ ណុប បញ្ញា និងឈ្មោះ សួស ថុល ដែលចូលច្រៀងក្នុង ហាងខារ៉ាអូខេរស្មីអង្គរ ។ លុះអង្គុយកំដរបាន បន្ដិច ឈ្មោះ ហ៊ាន តារា ដែលជាស្នងការរង ខេត្ដកំពង់ស្ពឺបានឈោងមកហែកអាវរបស់ ខ្លួន ដោយមានឈ្មោះ សួស ថុល ចូលរួម ។ បន្ទាប់មក ខ្លួនបានព្យាយាមរត់ចេញពីបន្ទប់ ប៉ុន្ដែត្រូវឈ្មោះ សួស ថុល ចាប់ជាប់ យក ទៅថើបញក់ញី ប៉ុន្ដែពេលនោះមានអ្នក ចាក់ឌីស(CD)ម្នាក់ចូលមកទាន់ក៏រត់ចុះ ទៅហៅមេការឱ្យមកជួយ ។
ស្ដ្រីរងគ្រោះបន្ដថា ពេលនោះមេការ របស់ខ្លួនឈ្មោះ សេង បានឡើងមកជួយអូស ដៃរត់ចុះទៅក្រោម ប៉ុន្ដែបន្ដិចក្រោយមក បានឱ្យគេមកហៅខ្លួនឡើងទៅម្ដងទៀត ដោយមានម្ចាស់ហាងទៅអង្គុយជាមួយ ។ នៅ ពេលទៅលើកក្រោយនេះ ឈ្មោះសួស ថុល បាននិយាយអាសអាភាសឌឺដងពាក្យសំដី ដាក់ខ្លួន។ បន្ដិចក្រោយមក ស្រាប់តែចាប់ ហែកអាវម្ដងទៀត និងធ្វើសកម្មភាពបែប អនាចារជាច្រើនទៀត ពេលនោះខ្លួនបាន រើបម្រះរត់ចេញមកក្រៅ ដោយមានម្ចាស់ ហាងជាអ្នកជួយអន្ដរាគមន៍ ។
លោក ហ៊ាន តារា ស្នងការរងនគរបាល ខេត្ដកំពង់ស្ពឺ ទទួលស្គាល់ថា ពិតជាមាន រឿងបែបនេះកើតឡើងមែន តែលោកមិន មែនជាអ្នកប្រព្រឹត្ដនោះទេ ខណៈអ្នកដែល ប្រព្រឹត្ដ គឺឈ្មោះ សួស ថុល ។លោក សួស ថុល បានសារភាពទទួល ស្គាល់ដែរថា ខ្លួនពិតជាបានប្រព្រឹត្ដ ប៉ុន្ដែ មិនមែនធ្ងន់ធ្ងរដូចការចោទប្រកាន់នោះទេ។
ទោះបីទាំងលោកស្នងការរង ហ៊ាន តារា និងលោក សួស ថុល ម្ចាស់ភោជនីយដ្ឋាន ផ្ទះក្រហម បានអះអាងថាមិនបានប្រព្រឹត្ដ ដូចការចោទប្រកាន់ ប៉ុន្ដែនៅក្នុងហេតុ ការណ៍នេះ ស្ដ្រីរងគ្រោះមានសាក្សីជាច្រើន ដែលជាអ្នកបម្រើការងារជាមួយខ្លួន ពិសេស រួមទាំងម្ចាស់ហាងខារ៉ាអូខេរស្មីអង្គរថែម ទៀតផង ៕